Թուրքը քայլելով եկել հասել է Շուշի. ԱՀ ԱԽՔ նախկին քարտուղար Սամվել Բաբայանը բացահայտում է Շուշիի անկման ողջ իրականությունը

Ե՞րբ եւ որտե՞ղ է տեղի ունեցել այդ խորհրդակցությունը, ի՞նչ կապ ունի առհասարակ Շուշիի ազատագրման հետ Սամվել Բաբայանը եւ տեսանյութում երեւացող այլ զինվորականները, ի վերջո ինչո՞ւ օպերացիան չի հասել իր տրամաբանակ ավարտին: Այս եւ այլ հարցերի շուրջ «Իրավունքը» զրուցել է անձամբ գեներալ-լեյտենանտՍամվել Բաբայանի հետ:

-Պարոն Բաբայան, նախ խնդրում ենք անդրադառնալ հարցին, թե ե՞րբ եւ որտե՞ղ է տեղի ունեցել տեսանյութում առկա խորհրդակցությունը, ի՞նչպես է գաղտնի օպերացիայի մշակման գործընթացը տեսանկարահանվել, Դուք նկատե՞լ եք, որ խոսակցությունը տեսանկարահանվում է:

- Խորհրդակցությունը տեղի է ունեցել Շոշ գյուղի դպրոցում` նոյեմբերի 5-ին: Խորհդակցությանը ներկա չեն եղել պրոֆեսիոնալ բանակի ծառայողներ, եղել են  ՄՈԲ ռեսուրսով հավաքված անձիք: Օպերացիայի առաջարկը եղել է իմ կողմից, ես առաջարկել եմ, որպեսզի կտրեն դեպի Շուշի տանող ճանապարհը: Խոսակցությանը ներկա է եղել Արցախի կամանդյուշին, ով ինձ լիազորել է մշակել օպերացիայի պլանը, որից հետո պետք է հրաման տար, որպեսզի ինքս կառավարեի այդ օպերացիան: Բայց օպերացիան, որպես այդպիսին չի իրականացվել, որովհետեւ զորքը հրաժարավել է տվյալ օպերացիան իրականացնելուց:

- Ինչո՞ւ:

-Փակագծեր չբացելով կարող եմ միայն ասել, որ տվյալ տեսագրությունը տրամադրվել է նաեւ ՀՀ ԱԱԾ-ին, կա հարուցված քր. գործը: Որի արդյունքում ի հայտ կգա, թե ով է խանգարել, որ վերջին պահին զորքը հրաժարվի այդ օպերացիան իրականացնելուն: Այս պահին քննությունը ընթանում է, թե ինչ փուլում է տեղյակ չեմ: Բայց մենք հետեւողական գնալու ենք, որպեսզի  քննությամբ պարզվի, թե ով ինչ դեր է խաղացել եւ ովքեր են եղել բուն խանգարողները:

-Պարոն Բաբայան, ըստ տեսագրության բովանդակության, այդ օպերացիան պետք է իրականացվեր ժամը 7-ին: Ե՞րբ Ձեզ հայտնեցին, որ զորքը հրաժարվում է այդ օպերացիան իրականացնելուց:

- Գիշերվա ժամը երկուսին ինձ զեկուցեցին, որ այդ ուժերը հրաժարվել են մասնակցելուց ինչ-ինչ պատճառներից ելնելով: Այս պահին այդ մասին չեմ բարձրաձայնի, թող քննությունը գտնի իրական պատճառները:

Զրույցը` ԻԼՈՆԱ ԱԶԱՐՅԱՆԻ