Իմ պայքարն այն էր, որ Մեղրի թուրքը ոտք չի դնելու. Մեղրիի գնդի արդեն նախկին հրամանատարը փակագծեր է բացում

Մեղրիի գնդի արդեն նախկին հրամանատար, գնդապետ Արգամ Գևորգյանը, ով ընտրություններին ընդառաջ հեռացվեց ծառայությունից, պատրաստ է անգամ երկրից հեռանալ:

Թե ինչն՞ էր իրականում գնդապետի ծառայությունից հեռացման պատճառը, ի՞նչ կարոտով է հիշում իր համար տուն դարձած զորմասը եւ այլ ուշագրավ մանրամասներ «Իրավունքը» փորձեց պարզել անձամբ գնդապետ Արգամ Գևորգյանից, ով անդրադառնալով հեռացման պատճառներին հետեւյալ պարզաբանումը ներկայացրեց.

-Ինձ ազատել են զուտ նրա համար, որ ես Մեղրիի համայնքապետ Մխիթար Զաքարյանի հարազատ ընկերն եմ: Ասում էին դու քաղաքականությամբ ես զբաղվում, բայց ես չեմ զբաղվել, զբաղվեի` վախեցող տղա չեմ կասեի զբաղվել եմ ու լավ եմ արել:

- Դուք ասում եք, որ չեք զբաղվել, բայց այլ հրամանատարներ զբաղվե՞լ են:

-Ես չեմ կարա ասեմ, ես կարամ իմ համար պատասխան տամ: Իմ համար շատ վիրավորական է, որ ինձ այսօր անգամ ընդունման-հանձնման համար զորամաս չեն թղնում մտնեմ:

-Ո՞վ չի թողնում:

-Ոստիկանությունը, որոնց ներկայացուցիչները կռվի ժամանակ փախեխափախ էին արել: Այդ նույն ոստիկանությունը ինձ արգելում իմ զորմաս մտնել, այն զորմասը, որը ոտքի է կանգնեցվել թե՛ ֆինանսական, թե՛ այլ առումներով, իմ հրամանատար նշանակվելուց հետո:

-Պարոն Գեւորգյան, որտեղի՞ց իշխանություններին նման համոզմունք, որ Դուք խառնվում եք քաղաքականությանը:

-Չգիտեմ, իշխանությունները ասում, են, որ ես չարիք եմ եղել, չգիտեմ ինչի համար, իրենց հարցրեք:

-Հիմա ի՞նչով եք զբաղվելու:

- Այս պահին չգիտեմ, թե ինչով եմ զբաղվելու,  ծնողներս ԱՄՆ-ում են, իրենք են ինձ ֆինանսավորում, որ ընտանիքս պահեմ: Կարող են հաշվեհամարներով ստուգել, որ իմ ծնողներս են ինձ օգնում, որ ապրեմ: Թե չէ իրենց տված 460 հազարով չէի ընտանիքս պահում:

Ես հպարտ եմ, որ Նժդեհի բախտին արժանացա, ոչ թե Ագարակի գնդի նախկին հրամանատար Ղեւոնդ Հովհաննիսյանի: Բոլորը գիտեն, թե ով է Ղեւոնդը ու ինչ ճակատագրի արժանացավ:

Ես մաքուր զինվորական եմ, քաղաքականությունով էլ երբեք չեմ զբաղվել ո՛չ իշխանական ո՛չ ընդդիմադիր թեևում: Իմ պայքարն այն էր, որ Մեղրի թուրքը ոտք չի դնելու:

մանրամասները՝Iravunk.com-ում: 

Զրույցը՝ԻԼՈՆԱ ԱԶԱՐՅԱՆԻ