Նկարահանումներ ունեմ, թե ոնց են թուրքերը կուտակվում, իսկ Մոսին` նայում ու ասում. «Պանիկավատ մի արա».Ավետարանոցի ինքնապաշտպանական մարտերը համակարգող

Այսօր թշնամու տիրապետության տակ անցած Ավետարանոց գյուղի բնակիչ, ինքնապաշտպանական մարտերը համակարգող, պատերազմի ընթացքում Սղնաղում վիրավորում ստացած ԿԱՄՈ ՄՆԱՑԱԿԱՆՅԱՆԸ «Իրավունքին» բացառիկ տեղեկատվություն է տրամադրել, մասնավորապես, թե ով է հոկտեմբերի 18-ից սկսած նահանջի հրաման տվել կամավորականներին եւ ինչ պատճառաբանությամբ:

Կամո Մնացականյանի հետ հարց ու պատասխանը առանց էական խմբագրումների ներկայացնում ենք ընթերցողին:

-Պարոն Մնացականյան, Դուք համակարգել եւ մասնակցել եք Ավետարանոց եւ Սղնաղ գյուղերի ինքնապաշտպանական մարտերին, ճի՞շտ է:

-Ճիշտ է, լսում եմ: Ես ՏԵղ գյուղից կռվելով եկել եմ մինչեւ Սղնաղ:

-Պարոն Մնացականյան, ինչո՞ւ եւ ի՞նչպես թշնամին հասավ Ձեր գյուղ` Ավետարանոց:

-Որովհետեւ մեզ միշտ խաբել են:

-Ո՞վ է խաբել:

-Լսած կլինեք Մոսի մասին:

-Նկատի ունեք գեներալ Մովսես Հակոբյանի՞ն:

-Ապրես, հենց իրեն: Ինքը խաբելով` հետնահանջ, հետնահանջ անելով հասցրեց էս օրին:

-Ինչո՞ւ էր խաբում եւ ինչո՞ւ էիք հավատում, եթե գիտակցում էիք, որ խաբում է:

-Ասում էր հեսա ծանր հրետանի է գործելու, պոստերը հետ տվեք: էդպես խաբելով բերեց հասցրեց էս վիճակին: Ինձ անձամբ է հրաման տվել Մովսես Հակոբյանը, ի դեպ անձամբ ես չեմ եղել մենակ, կան մարդիկ, ովքեր կվկայեն ասածներս: Միշտ խաբելա ասելով, որ վաղը բանակ կգա Ձեզ օգնության: Բայց հոկտեմբերի 18-ից սկսած ես չեմ տեսել մի հատ զինվոր, զինվորական, որ կանգնի մեր կողքին: Ես անձամբ խնդրել եմ, որ զինվորներ տրամադրեն մեզ, գան օգնության, բայց ոչ մեկ չեկավ: Սաղ Մովսես Հակոբյանն էր կամավորներիս ասում ինչ անենք, որպես բանակի ներկայացուցիչ: Ամեն անգամ խաբում էր, թե հետ եկեք, որ բանակը աշխատի, բայց ամեն անգամ մեր հետ գալուց թուրքերն առաջանում էին: Ես սաղ նկարահանումները ունեմ, թե ոնց են թուրքերը կուտակվում, իսկ Մոսին` նայում: Մեզ խաբելով սաղ հողերը տվեց:

Երբ ասում էի, որ քանի վաթսուն ադրբեջանից են` բերեք դեմը փակեք, ասում էր` դուք գործ չունեք: Էնքան սպասեց մինչեւ վաթսունը դարձավ յոթ հարյուր: Ասում եմ թուրքերը կալոնայով գալիս են` ասում էր. «Պանիկավատ մի արա, թուրքը չի կարա կալոնայով գա»:

-Անձամբ Մովսես Հակոբյան՞ն է դա ասել:

-Անձամբ, Մովսես Հակոբյանը, ես մենակ չեմ եղել, կան վկաներ, փաստեր:

մանրամասները՝Iravunk.com-ում:

Զրուցել է ԻԼՈՆԱ ԱԶԱՐՅԱՆԸ