«Վանեցյանը թող չմոռանա, որ ինքը Մարգոյի տղեն ա, ես՝ Գառնիկի. թող շատ չոգեւորվի ու չմոռանա իր անցյալը... թե ով էր, ու հետո ում գիրկը թռավ». ՄԵԼՔՈՆՅԱՆԸ՝ՎԱՆԵՑՅԱՆԻՆ

«Պատիվ ունեմ» դաշինքը գլխավորող Արթուր Վանեցյանն այսօր Հանրային հեռուստաընկերության եթերում անդրադարձել է Պաշտպանության նախարարի նախկին տեղակալ, գեներալ Գագիկ Մելքոնյանի հայտարարություններին, թե «Վանեցյանի ղեկավարած զորախումբը փախել է պատերազմի դաշտից»:

Արձագանքելով, որ.

«Ի՞նչ է նշանակում փախուստ, ուղղակի ամոթ է: Ես երեկվա էդ, չգիտեմ, մարդ էլ չեմ ուզում անվանեմ: ... էդ որ էսօր իրան սրբի տեղ ա դրել, խոսում ա արդարությունից, ազնվությունից: ՀՀ ԶՈՒ-ի ամենամեծ թալանն իրականացնողի համբավն ունի նա: Մարդ, ով ունի բազմաթիվ հանքեր, ով ունի Անապայում հյուրանոց, ով ունի ռեստորաններ, դղյակներ: Թող մի հատ ստուգեն.ապօրինի հարստացման մասին սկսել է շատ խոսել, թող մի հատ իրեն ստուգեն»,- ասել է Վանեցյանը:

Իսկ ահա, գեներալ Գագիկ Մելքոնյանն էլ NewsMedia.am-ի հետ զրույցում հակադարձում է, որ «Վանեցյանն այն ինչ խոսում, պատմում է, երեւի ճիշտ իր մասին է խոսում»:Իսկ հարցին, թե այս տարիների ընթացքում, ի՞նչ  ճանապարհով է հասցրել  հարստություններ  կուտակել գեներալ Մելքոնյանը, որոնց մասին ակնարկում է Վանեցյանը եւ հուշում իշխանություններին՝ գնալ դրանց ծագումնաբանության ետեւից, ապա այս դեպքում եւս Մելքոնյանը որեւէ խնդիր չի տեսնում: Ավելին, նշում է  որ իր ուզածն էլ հենց դա է... որ իշխանությունները  գնան եւ պարզեն, թե ով որտեղ ինչ ունի, եւ ինչ կերպ է կարողացել հարստություններ կուտակել, ու ամենակարեւորը՝ ինչ ճանապարհով.

-Ցանկացած պահի,  պատկան կառույցները կարող են ստուգումներ անցկացնել. ճշտել, պարզել, թե այդ ինչ  հարստությունների մասին է աղաղակում Վանեցյանը:

Ես ասել եմ, թող ինքը ասի. որ հատվածում, որ տարածքում է Վանեցյանը մասնակցել պատերազմին՝ մինչեւ նոյեմբերի 9-ը ընկած ժամանակահատվածում: Ես հարցնում եմ. մինչեւ նոյմեբերի 9-ը, Վանեցյանը էդ ո՞ր հատվածներն ա պահել... Թող ասի՝իմանանք: Ապացուցի բոլորին՝որ մի տեղ, մի դիրք  պահել ա:

-Դե Արթուր Վանեցյանը մինչ այս պահն էլ պնդում է, որ ինքը, եւ իր զորախումբը  մասնակցել են  44-օրյա պատերազմին.նաեւ չմոռանանք, որ համացանցն էլ այդ օրերին ողողոված էր Վանեցյանի ու նրա ջոկատի լուսանկարներով…

-Էդ հեքիաթները  մի կողմ թողնենք: Վանեցյանը թող կոնկերտ ասի.որտեղ ա ինքը մասնակցել պատերազմական գործողությունների: Էդ որ հատվածներն ա պահել, որ չգիտենք: Իմանանք, դիրք ա՞  պահել, թե՞  թողել-փախել ա: Թող ինքը ասի.ամսի 9-ին,   իմ տղաներով  էս-էս  հատվածներում եմ եղել, կամ էս, էն հատվածը պահել եմ: Թող ասի. օրինակ որ հատվածում են եղել, որ էդտեղ թշնամուն կարողացել են կանգնեցնել:

-Ի դեպ, Պարոն Մելքոնյան,   դուք որ հատվածում եք եղել պատերազմի օրերին, եւ արդյ՞ոք մասնակցել եք մարտական գործողությունների, թե՞ ոչ:

-Ասեմ, բա իհարկե կասեմ: Ես մինչեւ նոյմեբերի 25-ը՝ եղել եմ Օմարի լեռնանցքում.իմ Տղերքով, մնացած բոլոր ջոկատներով: Այդ մասին գիտեն բոլորը:

-Եւ մասնակցել եք մարտական գործողությունների՞, ճի՞շտ հասկացա:

-Պարտադիր, ինչի մասին է խոսքը: Ես հոկտեմբերի 28-ից մինչեւ նոյմեբերի 25-ը եղել եմ մարտի դաշտում,  եւ մասնակցել եմ մարտական գործողությունների: Այդ օրերին ինձ հետ եղել են նաեւ տղաներս, թոռս,  իմ հարազատները, Ազատամարտիկների Դաշինքը, Հատուկ Գունդը, բոլորը…Մինչեւ նոյեմբերի 25-ը՝ մենք  եղել ենք Օմարի լեռնանցքում:
Ես փաստերով եմ խոսում. եւ պատերազմի ժամանակ էլ, ես տվել եմ 13 զոհ, 14 վիրավոր:

Հիմա իրենք էլ թող ասեն, թե այդ որ հատվածում են կռվել, եւ մինչեւ երբ. կոնկրետ օր,  տեղ... թող նշեն, ասեն:

Ու ոչ  միայն Վանեցյանը, այլեւ այդ ընդդիմադիր կոչեցյալները թող ասեն, թե իրենք որտեղ են եղել պատերազմի օրերին: Եւ հետո, Վանեցյանը թող շատ չոգեւորվի ու չմոռանա իր անցյալը. թե ով էր, ու հետո ում գիրկը թռավ: Թող չմոռանա նաեւ,  որ իքնը Մարգոյի տղեն ա, ես՝  Գառնիկի: Որտեղ, որ ֆորմատով ցանկանա՝ կարանք հանդիպենք. տեսնեմ հլը ինչ ա դրա ասածը:

ԳԱՅԱՆԵ   ԶԱՐԳԱՐՅԱՆ