Սահմանափակել լրագրողի գործառույթները ԱԺ-ում` իրավաչափ չէ, որի բացասական հետեւանքները շուտով կզգա հանրությունը.Փաստաբան

Հայհոյանքը քրեականացնելու, ԱԺ-ում լրագրողների ազատ տեղաշարժը սահմանափակելու, Հայաստանյան մի շարք առաջատար ընդդիմադիր լրատվամիջոցներ` ԱՄՆ Միջազգային զարգացման գործակալության դրամաշնորհներով սնվող media.am կայքի գրաքննության թիրախում հայտնվելու, գիշերային մայրուղիների չլուսավորվածության եւ դրանից բխող մահաբեր հետեւանքների, ինչպես նաեւ Բաքվի ծանր հանցագործությունների դատարանի կողմից հայ ռազմագերիների դատապարտման եւ նրանց հետագա ճակատագրի մասին «Իրավունք TV»-ի եթերում զրուցել ենք «Լև Գրուպ» փաստաբանական ընկերության հիմնադիր ղեկավար, հայտնի փաստաբան ԼԵՒՈՆ ԲԱՂԴԱՍՐԱՅԱՆԻ հետ, ով նախ անդրադարձավ ԱԺ-ում լրագրողների ազատ տեղաշարժին փաստելով.

-Ազգային ժողովը տիրոպետող, օգտագործողը պետք է լինի ոչ միայն ԱԺ պատգամավորը, ԱԺ նախագահը եւ այլն, այլ օրենքի ուժով այն օգտագործողն ու տիրապետողը պետք է լինի նաեւ չորրորդ իշխանությունը: Եվ ցանկացած սահմանափակում հղի իր բացասական հետեւանքներով: Չորրորդ իշխանության համար օրենքի ուժով դրված են, այսպես ասած, խաղի կանոններ, էթիկայի նորմերը: Տվյալ դեպքում, երբ լրագրողը խախտի էթիկայի նորմը կարող է ենթարկվե պատասխանատվության: Բայց սահմանափակել լրագրողի գործառույթները ԱԺ շենքում` դիտում եմ, մեղմ ասած, ոչ իրավաչափ, որի բացասական հետեւանքները շուտով կզգա հանրությունը:

-Պարոն Բաղդասարյան, Հայաստանյան մի շարք առաջատար ընդդիմադիր լրատվամիջոցներ հայտնվել են ԱՄՆ Միջազգային զարգացման գործակալության դրամաշնորհներով սնվող media.am կայքի գրաքննության թիրախում եւ կորցնում են Ֆեյսբուքում իրենց հրապարակումները տարածելու հնարավորությունն ու ակամայից զրկվում ընթերցողներից: Սա որքանո՞վ է իրավաչափ, ի՞նչ պետք է անեն լրատվամիջոցները այս դեպքում:
-Ըստ էության դա գնահատման խնդիր է, կդժվարանամ միանանշական պատասխան տալ: Բայց, ինչու չէ պետք է դիտարկել նաեւ խտրականության տիրույթում այդ խնդիրը, ինչը անթույլատրելի է:  Գուցե կան նաեւ Ֆեյսբուքի կողմից իրավունքի խախտում` բխող բոլոր իրավական հետեւանքներով: Ամփոփելով միտքս, պետք է գլոբալ առումով խնդրին, այսինքն ոչ միայն երրորդ անձանց գործողություններին, այլ նաեւ երրորդ անձանց գործողությունների հետեւանքով ֆեյսբուքյան գործողությունը, որով առերեւույթ խածխտվում է որոշ լրատվամիջոցների գործունեությունը այդ տիրույթում:

-Պարոն Բաղդասարյան, ի՞նչ է սպասվում Բաքվի ծանր հանցագործությունների դատարանի կողմից ազատազրկման դատապարտված հայ ռազմագերիներին, առհասարակ նրանց վերադարձը արդյոք այլեւս հարցականի տակ չէ դրված:

-Ադրբեջանը աֆտորիտար երկիր է եւ նա «թքած» ունի օրենքի եւ իրավաբանության վրա: Նա դատելու այնպես` ինչպես ինքն է ցանկանում: Եթե ՀՀ-ն կարծում է, որ ՌԴ-ն, Ֆրանսիան, կամ այլ երկրներ պետք է ամեն ինչ անեն` գերիների վերադաչձի համար, ցավոք, դա չի լինելու կամ լինելու է թերի: ՀՀ-ն ինքը պետք է, այսպես ասած, ատամ ցույց տա եւ տեր կանգնի իր քաղաքացուն: Պետք է պայքարի բոլոր միջոցներով եւ քաղաքական, եւ իրավական, այդ թվում նաեւ ռազմական: Որ պահին ՀՀ-ն սկսեց ատամ ցույց տալ այդ երեք հարթակներում` այդ ժամանակ ՌԴ-ն, Ֆրանսիան էլ կկանգնեն մեր կողքը:

-Իսկ պարտված երկրի ղեկավարը, կարո՞ղ է, ըստ Ձեզ, ատամ ցույց տալ:

-Տեսեք, Դուք արաձանգրում եք` պատերազմը պարտված ղեկավարըմ բայց պատերազմը պարտված ղեկավարը երկրորդ շանսը ստացավ ՀՀ քաղաքացու կողմից: Եվ այդ շանսը պետք է օգտագործի: Քանի որ ժամանակը ի վնասը իշխանության է գնում: Այսօրվա իշխանությունը ունի պոզիտիվ պարտավորություն համախմբել իր շուրջը բոլոր առողջ ուժերին` վեևրջ տալով սեւ-սպիտակի քաղաքականությանը:

Մանրամասները տեսանյութում

Զրույցը՝ԻԼՈՆԱ ԱԶԱՐՅԱՆԻ