Այո, մենք վատ ենք կռվել եւ արդյունքում հանձնել ենք ե՛ւ Հադրութը ե՛ւ Շուշին, իսկ թե ինչու ենք վատ կռվել դա շատ խորքային հարց է.Գնդապետ Վահան Բադասյան

<<Արցախի համար մենք բոլորս պետք է պայքարենք, այսօր ամբողջ աշխարհն է գտնում, որ Արցախը ՀՀ-ի կազմում չէ, բայց ցավն այն է, որ ներկայիս հայկական իշխանություններն էլ այդպես մտածում: Ցավն այն է, որ այդպես են մտածում ոչ միայն Նիկոլն ու իր պատգմավորները, այլ այդպես են մտածում, ցավոք, առնվազն 700 հազար հայ մարդ: Մեր խնդիրը ներքին եւ խորքային է, ազգային է>>,- անդրադառնալով սահմանների դեմարկացիայի եւ դեմիլիտացիայի արդյունքում Արցախի ճակատագրին, <<Իրավունքի>> հետ զրույցում ասաց ԱՀ նախագահի տեղահանվածների եւ անվտանգության հարցերով ներկայացուցիչ, գնդապետ ՎԱՀԱՆ ԲԱԴԱՍՅԱՆԸ, ընդգծելով.

-Ինչ վերաբերում է սահմանագծման եւ սահմանազատման խնդրին, ապա այստեղ որեւէ տրմաբանություն չկա, որից կարելի կլինի եզրակացնել, որ այդ միջոցառման արդյունքում Արցախը մնալու է Ադրբեջանի կազմում: Դա ուղղակի ցնորք է եթե այդպես են կարծում ալիեւները կամ որոշ հայեր: Որովհետեւ կա կոնֆլիկտ, որը պետք է լուծվի ԵԱՀԿ ՄԽ շրջանակներում: Ամփոփելով միտքս կասեմ հետեւյալը՝ Արցախում ապրել է հայը, եւ այդպես էլ շարունակվելու է:

-Պարոն Բադասյան, դեռեւս նախորդ տարեվերջին ԱՀ Անվտանգության խորհրդի քարտուղարը ասել էր, որ Հադրութը հետ ենք վերադարձնելու շուտով: Այդ հնարավորությունները այսօրվա դրությամբ որքանո՞վ են ռեալ:

-Հադրութը հետ վերադարձնելը հնարավոր է միայն պատերազմով, եթե նույնիսկ խաղաղ ճանապարհով իրենք տան, այդ դեպքում մենք պետք է մեզանից ինչ-որ բան ներկայացնենք, բայց այսօր մենք մեզանից, ցավոք, ոչինչ չենք ներկայացնում: Նման պարագայում ռեալ խոսել այդ մասին առնվազն անմտություն է, ռոմանտիզմ է: Հադրութը հետ վերադարձնելը իմ ցանկությունն է, բայց այսօր դա ռեալ չէ: Միայն պատերազմով մենք կարող ենք Հադրութը հետ բերել, իսկ դա կլինի տարիներ հետո, որովհետեւ այս իշխանությունների օրոք դա հնարավոր չէ:

-Պարոն Բադասյան, որ շատ արցախցիներ՝ այդ թվում զինվորականներ եւ ինքնապաշտպանական ջոկատի հրմանատարներ ասում են, որ Հադրութը եւ Շուշին հանձնվել է, ոչ թե գրավվել է: Ձեր գնահատակը եւս հետաքրքիր է, հաշվի առնելով, որ անձամբ եք եղել ռազմի դաշտում:

-Այո, մենք վատ ենք կռվել եւ արդյունքում հանձնել ենք եւ Հադրութը եւ Շուշին, իսկ թե ինչու ենք վատ կռվել դա շատ խորքային հարց է, դա մի ժամ-երկու ժամ վերլուծելու հարց չէ:

Մովսես Հակոբյանը թալանել է բանակը, այ՛ո ես գտնում եմ, որ Մովսես Հակոբյանը տնտեսական հանցագործ է

-Պարոն Բադասյան, հայ զինվորին դավաճանե՞լ են:

-Իրականության մեջ ես դժվարանում եմ պատասխանել հարցին հայ զինվորին դավաճանել են, թե ոչ: Բայց եթե ազգի մեջ կա մեկ գլխավոր դավաճան, ապա շատ դավաչաններ չի կարելի փնտրել: Այդ դավաճանը միայն Նիկոլ Փաշինյանն է: Իսկ եթե կա մեկ այլ դավաճան, թող Նիկոլն ասի, թե ովքեր են նպաստել իր դավաճանությանը:

-Պարոն Բադասյան, ի՞նչ կասեք Մովսես Հակոբյանի մասին, կոնկրետ արցախցիներ նրան եւս մեղադրում են կոնկրետ հատվածներում նահանջի հրամաններ տալու մեջ:

Ուշագրավ մանրամասները՝Iravunk.com-ում:

Զրույցը՝ԻԼՈՆԱ ԱԶԱՐՅԱՆԻ