Հերոսի հայրիկը արդեն տանն է, դեղորայքային բուժում ստանալուց հետո միայն՝ համապատասխան ցուցումով կենթարկվի վիրահատության

Օրեր առաջ <<Իրավունքը>> գրել էր, որ  հայ ժողովրդի հզոր ոգին խորհրդանշող արցախյան պատերազմի ՀԵՐՈՍԻ ԱԼԲԵՐՏ ՀՈՎՀԱՆՆԻՍՅԱՆԻ հայրիկի՝ Արտակ Հովհաննիսյանի մոտ (ով պատերազմի օրերին ոչ միայն հերոս որդի է տվել հայրենիքին, այլ նաեւ ահռելի աշխատանք է կատարել թիկունքում, )սրտի հետ կապված լուրջ խնդիրներ են առաջացել: Ավելին, հերոսի հայրիկը օրերս ենթարկվելու սրտի բարդ վիրահատության:

Հերոսի հայրիկը մի քանի օր գտնվել է «Նորք-Մարաշ» բժշկական կենտրոնում՝ բժիշկների ամենօրյա հսկողության տակ: Որտեղ հերոսի հայրիկին տնօրենի գլխավորությամբ սիրով են շրջապատել առաջին իսկ օրվանից։ Օրեր շարունակ բազմաթիվ բժշկական հետազոտությունների, ապա նաեւ կոնսուլիումի արդյունքում բժիշկները հանգել են եզրակացության, որ մինչ վիրահատությունը հերոսի հայրիկը պետք է ստանա լրացուցիչ դեղորարայքային բուժում, որից հետո՝ համապատասխան ցուցումով կենթարկվի վիրահատության:

Մեզ հաջողվեց պարզել, որ մերօրյա հերոս ԱԼԲԵՐՏ ՀՈՎՀԱՆՆԻՍՅԱՆԻ հայրիկը արդեն տանն է:

Հերոսի հայրը իր երախտիքի խոսքը հղեց իր առողջությունով մտահոգ բոլոր-բոլորին, եւ առանձնահատուկ շնորհակալությունը հայտնեց  «Նորք-Մարաշ» բժշկական կենտրոնին՝ տնօրեն Միքայել Ադամյանի գլխավորությամբ:

Ամուր առողջություն, ուժ եւ կորով Ձեզ հերոսածին ծնող:

ԻԼՈՆԱ ԱԶԱՐՅԱՆ

Iravunk.com