Արցախյան գոյամարտի մեր հերոսները հավերժ ապրելու են ապրողաց սրտում…Ի Հիշատակ Արցախյան 44-օրյա պատերազմում անմահացած ՀԱՎԵՐԺԻ ՀԵՐՈՍԵՐ Էրիկ Սարգսյանի եւ Մհեր Մուրադխանյանի Նազարբեկյան 31 շենքի բակում բացվեց Հուշաղբյուր-Հուշարձան

Արցախյան 44-օրյա նոր Գոյամարտում ծնվեցին նոր Հերոսներ, որոնց անմահ անունն ու սխրանքը գրվելու մեր պատմության էջերում։ Արցախյան գոյամարտի մեր հերոսները հավերժ ապրելու են ապրողաց սրտում…

Սեպտեմբերի 9-ին,  Երեւան քաղաքի Նազարբեկյան 31 շենքի բակը մարդաշատ էր. այստեղ էին հավաքվել Արցախյան 44-օրյա պատերազմում անմահացած ՀԱՎԵՐԺԻ ՀԵՐՈՍԵՐ Էրիկ Սարգսյանի եւ Մհեր Մուրադխանյանի ընկերները, հարազատները, բարեկամները, ծանոթ ու անծանոթ մարդիկ՝ բազմաթիվ…մասնակցելու ՄԵՐ ՀԵՐՈՍՆԵՐԻ հիշատակը հավերժացնող հուշաղբյուր-հուշարձանի բացման արարողությանը:

Հենց այս բակում, հենց այս թաղամասում են մեր Հերոսները անցկացրել իրենց մանկության, պատանեկության անմոռանալի օրերն ու ժամերը, ինչի մասին էլ մեզ հետ զրույցում պատմում էին ներկաները, ու արցունքները կոկորդում խեղդելով նշում, որ այս պատերազմի վերքերը երբեք էլ չեն սպիանալու:

Նշենք, որ հուշարձանի բացման արարողությունը վստահված էր «Եղնիկներ» զորամասում անմահացած Հերոս Էրիկի եղբորն ու «Մարտունի 3»–ում նահատակված Մհերի եղբորը, ովքեր մեծ հուզմունքով ու հպարտությամբ ստանձնեցին իրենց վերապահված սուրբ գործը… Եւ այդժամ, հոգեւոր հովվի կողմից աղոթք հնչեցվեց առ Աստված ի Հիշատ եւ ի Խոնարհումն մեր Արծիվ Տղերքի:

Միջոցառման մասնակիցները, ուշագրավ դրվագներ ներկայացրեցին երկու Հերոսների կյանքի ուշագրավ դրվագներից, մանկությունից, պատանեկությունից, հասնելով մեր օրեր, հասնելով ռազմի դաշտ՝Եղնիկներ, Մարտունի 3, որտեղ էլ մեր Տղաները արիաբար կռիվ են տվել հանուն Հայրենիքի, հանուն Հայի ու Հայսատանի, հանուն այսօրվա ու վաղվա մանուկի խաղաղ կյանքի:

Ի դեպ, Հուշաքարի բացմանը իրենց մասնակցություն էին բերել նաեւ բազում Հերոսածին Մայրեր,Արցախյան Պատերազմի մասնակիցներ, Արցախյան Հերոսամարտի վետերաններ, զինակից ընկերներ, զինվորականներ, ինչպես նաեւ բազում հյուրեր ՌԴ-ից եւ արտերկրից՝ ովքեր իրենց հարգանքի տուրքն էին եկել մատուցելու մեր Հերոսական Տղաներին:
«Տղերքը մեզ համար այլեւս Աղոթք են դարձել, եւ ամեն մեկս այս Հուշաքարի կողքով անցնելիս՝ հիշելու եւ Խոնարհվելու ենք նրանց առաջ …նրանց Սուրբ Հիշատակի առաջ, ամեն մեկս գիտակցելու ենք՝որ մեր Տղերքը իրենց կյանքով կյանք են տվել մեզ, Բոլորիս, Հային», ժմեզ հետ զրույցում նշեցին հարեւաններն ու մեր Հերոսական Տղերքին ճանաչողներից շատ-շատերը ասելով որ ապրողներն ամեն ինչ պիտի անեն վառ պահելու մեր Անմար Տղերքի հիշատակն ու անունը:

Իսկ զինակից ընկերներն էլ մեզ հետ զրույցում հպարտությամբ նշեցին, որ Հերոսական մեր Տղերքը ռազմի դաշտում անձնուրաց կռիվ են տվել ոչ միայն թուրք-ադրբեջանական տանդեմի, այլ նաեւ վարձկան ահաբեկիչների դեմ: Մհերը, Էրիկը և մեր Տղերքը Բոլոր՝ 44-օրյա պատերազմում չեն պարտվել, նրանք հաղթել են ՝ամուր պահելով Հայրենիքը մեր:

Տեղեկացնենք նաեւ, որ Մհեր Մուրադխանյանը Արցախի Հանրապետության նախագահ Արայիկ Հարությունյանի հրամանագրով հետմահու պարգևատրվել է «Մարտական ծառայություն» մեդալով: Իսկ Նախագահի մեկ այլ հրամանագարով էլ հետմահու պարգևատրվել է Էրիկ Արմենի Սարգսյանը. Ղեկավարվելով Արցախի Հանրապետության Սահմանադրության 93-րդ հոդվածի 21-րդ կետով և հիմք ընդունելով «Լեռնային Ղարաբաղի Հանրապետության պետական պարգևների մասին» օրենքը՝ որոշում եմ. 2020 թ. սեպտեմբերի 27-ին հակառակորդի սանձազերծած լայնածավալ ռազմական գործողությունների ընթացքում Արցախի Հանրապետության պաշտպանության բանակի N 35383 զորամասի զինծառայող, շարքային Էրիկ Արմենի Սարգսյանին հետմահու պարգևատրել «Մարտական ծառայություն» մեդալով:
Հավերք Փա՛ռք Ձեզ, ՄԵՐ ՀԵՐՈՍՆԵՐ, ԴՈՒՔ ՀԱՎԵՐԺ ԱՊՐԵԼՈՒ ԵՔ ՍՐՏԵՐՈՒՄ ՄԵՐ :

NewsMedia.am

Լուրեր Հայաստանից եւ Աշխարհից