Դատարանը վճռեց. «Կյանքի Խոսք» կրոնական կազմակերպությունը պետք է հերքում տարածի «Իրավունքին» զրպարտելու համար

Երեւան քաղաքի ընդհանուր իրավասության դատարանում քննվող «Իրավունք Մեդիա» ՍՊ ընկերության հայցն ընդդեմ  «Հայաստանի ավետարանական հավատքի քրիստոնյաների «Կյանքի խոսք եկեղեցի» կրոնական կազմակերպության եւ Արմեն Էդուարդի Լուսյանի` ներողություն խնդրելուն, զրպարտություն համարվող տեղեկությունները հերքելուն պարտավորեցնելու և փոխհատուցում բռնագանձելու պահանջների մասին գործով դատավարությունը ավարտվել է, կայացվել է դատական ակտ:

Հիշեցնենք, որ քննվում էր արժանապատվության և գործարար համբավի հարցը, որի կրողը լրատվամիջոցն է: Մասնավորապես,  պատասխանող «Հայաստանի ավետարանական հավատքի քրիստոնյաների «Կյանքի խոսք» եկեղեցի կրոնական կազմակերպությունը իրեն պատկանող www.facebook.com կայքի պաշտոնական էջում 19.06.2020 թվականին տպագրել է «Իրավունք Մեդիա» ՍՊ ընկերության /և վերջինիս էլեկտրոնային կայքի մասին «Կյանքի Խոսքն»  ընդդեմ «Իրավունք» աղանդավորական կայքի» վերնագրով հոդված, որով վիրավորանքի և զրպարտության միջոցով արատավորել է Հայցվոր «Իրավունք Մեդիա» ՍՊ ընկերության պատիվն, արժանապատվությունը և գործարար համբավը:

Դատարանում «Իրավունք Մեդիա» ՍՊ-ի շահերը  ներկայացնում էր «Լեւ Գրուպ» փաստաբանական ընկերության պրոֆեսիոնալ թիմը` ի դեմս ընկերության հիմնադիր ղեկավար, մի շարք աղմկահարույց գործերով հայտնի փաստաբան Լեւոն Բաղդասարյանի եւ փաստաբան Լարիսա Բաղդասարյանի:

Մասնավորապես դատարանը «Իրավունք Մեդիա» ՍՊ ընկերության հայցն ընդդեմ  «Հայաստանի ավետարանական հավատքի քրիստոնյաների «Կյանքի խոսք եկեղեցի» կրոնական կազմակերպության եւ Արմեն Էդուարդի Լուսյանի զրպարտություն համարվող տեղեկությունները հերքելուն պարտավորեցնելու և փոխհատուցում բռնագանձելու պահանջների մասին բավարարվել է: Դատարանը «Հայաստանի ավետարանական հավատքի քրիստոնյաների «Կյանքի խոսք եկեղեցի» կրոնական կազմակերպությանը եւ պատասխանող Արմեն Էդուարդի Լուսյանին պարտավորեցրել է սույն վճիռն օրինական ուժի մեջ մտնելու օրվանից հնգօրյա ժամկետում «Կյանքի խոսք եկեղեցի» կրոնական կազմակերպության ֆեյսբուքյան պաշտոնական էջով հրապարակայնորեն, գրավոր հերքմամբ հանդես գալ: Իսկ ահնարինության դեպքում դատարանը պատասխանող    «Հայաստանի ավետարանական հավատքի քրիստոնյաների «Կյանքի խոսք եկեղեցի» կրոնական կազմակերպության եւ Արմեն Էդուարդի Լուսյանին պարտավորեցրել է հնգօրյա ընթացքում գրավոր հերքմամբ հանդես գալ առնվազն հազար տպաքանակ ունեցող եւ ՀՀ ողջ տարածքում սպառում ունեցող որեւէ տպագիր թերթի միջոցով` հրապարակելով զրպարտության հետ կապված իրենց հերքումը:

«Իրավունքը» փաստաբան ԼԵՒՎՈՆ ԲԱՂԴԱՍԱՐՅԱՆԻՑ հետաքրքրվեց` արդյո՞ք սպասելի էր դատարանից արդարացի դատական վճիռ, հաշվի առնելով, որ պատասխանող կողմը ֆիննանսապես հզոր կառույց է, որը գործում է ինչպես արեւելյան Եվրոպայում, այնպես ՌԴ-ում եւ ըստ վիճակագրության, որպես կանոն դատական գործերում հանդես է գալիս, որպես հաղթող կողմ.

-Բազմիցս եմ արձանագրել, որ ՀՀ-ում պետք է ձեւավորվի մշակույթ հարգելու չորրորդ իշխանության ինստիտուտը: Որը իր ուրույն դերակատարությունը ունի երկրի հզորացման հետ կապված: Իսկ  ֆիզիկական կամ իրավաբանական անձիք, ՀԿ-ները, կրոնական կազմակերպությունները պետք է հարգեն չորրորդ իշխանությանը եւ պատասխան պետք է տան իրենց այն գործողությունների համար, որը օրենքով արգելված է: Տվյալ դեպքում քննվում էր զրպարտության տեղեկությունները հերքելու հետ կապված հայցապահանջ, որը իրավամբ դատարանը գտավ իրավաչափ եւ բավարարեց:

Զրույցը` ԻԼՈՆԱ ԱԶԱՐՅԱՆԻ

Iravunk.com