Ճանապարհը վրաց-ռուսական սահմանի ուղղությամբ փակ է մեծ բեռնատարների համար ձյան առատ տեղումների պատճառով
Ճանապարհը վրաց-ռուսական սահմանի ուղղությամբ փակ է մեծ բեռնատարների համար ձյան առատ տեղումների պատճառով, ասվում է Վրաստանի տարածաշրջանային զարգացման եւ ենթակառուցվածքի նախարարության ավտոճանապարհների դեպարտամենտի հաղորդագրությունում։
Մասնավորապես, կցորդիչով եւ կիսակցորդիչով մեքենաների համար արգելքը գործում է Մցխեթ-Ստեփանծմինդա-Լարս կենտրոնական մայրուղու Գուդաուրի-Կոբի տեղամասում։
Տրանսպորտի մյուս տեսակների համար երթեւեկությունն ազատ է։
Ավտոճանապարհների դեպարտամենտն անընդհատ ռեժիմով մաքրում է ճանապարհները, որպեսզի ամենակարճ ժամկետում լիովին վերականգնի հաղորդակցությունը։
Մցխեթ-Ստեփանծմինդա-Լարս ավտոմայրուղին, այսպես կոչված Ռազմավիրական ճանապարհը, այսօրվա դրությամբ միակ ցամաքային ճանապարհն է, որը Վրաստանն ու Հայաստանը կապում է Ռուսաստանի հետ։ Իսկ «Կազբեգի»-«Վերին Լարս» անցակետն այսօրվա դրությամբ միակ գործող անցակետն է Վրաստանի եւ Ռուսաստանի ցամաքային սահմանին։
Վրաստանի ցամաքային սահմանները, որոնք օտարերկրացիների համար փակ են կորոնավիրուսի համավարակի պատճառով 2020թ. մարտից, բաց են միայն բեռնափոխադրողների եւ Վրաստանի՝ հայրենիք վերադարձող քաղաքացիների համար։
Մեգերյանների ընտանիքը զբաղվել է հին գորգերի վերականգնումով և նոր գորգերի արտադրությանբ ավելի քան չորս սերունդ
Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր...
Մարդու ամենամեծ ձեռքբերումը՝ հավատն եմ համարում.Սամվել Շահնազարյան
Գյումրիում ՔՊ-ն համայնքի ղեկավարի ընտրության օրակարգով արտահերթ նիստ է հրավիրել
Փողի «բազառ»՝ քաղաքապետի և նախարարի միջև
Տեղեկություններ ունենք՝ ՔՊ-ն դեմ է քվեարկելու Անկախության հռչակագրի անժամանցելիության մասին նախագծին...
Ինչ են հորդորել Արցախի ռազմաքաղաքական ղեկավարները Բաքվից
Ալավերդու համայնքապետարանը 3,8 մլն դրամի պայմանագրեր է կնքել ավագանու անդամի մոր ԱՁ-ի հետ․ «Հետք»
