Սկանդալի կենտրունում հայտնված ուսուցչուհին՝հայտնի Աննա Արամյանը պարտվեց նաեւ դատարանում.Առստամյանները կրկին հաղթեցին

Մեր ընթերցողներից թերեւս շատերը կհիշեն, թե 2019 թվականին (ամիսներ շարունակ ) ինչպիսի պայքարի ճանապարհ անցան 10-ամյա աղջնակի՝ Ա.Գ-ի ծնողները՝ընդդեմ թիվ 75 դպրոցի մաթեմատիկայի ուսուցչուհի ասված Աննա Արամյանի անօրինությունների, ով այդ օրերին ի հեճուկս իր հակամանկավարժական «պանծալի գործունեության»… փայփայվում էր «պետության» կողմից: Սույնին, ամիսներ շարունակ չգիտես ինչու, եւ ինչպես փայփայում ու «ձեռքերի» վրա էին տանում հատկապես նույն դպրոցի տնօրեն Նարինե Սուրմալյանն ու Երեւանի քաղաքապետարանի Հանրակրթության այլեւս նախկին պետ Աննա Ստեփանյանը, ում «թուրը այդ օրերին աջ ու ձախ էր կտրում»` ի դեպ…

Սակայն տեւական պայքարից հետո միայն, երբ ջրի երես հանվեցին Աննա Արամյանի մանկավարժական գործունեության «փայլատակող» էջերը, սույնը կարճ ժամանակ անց հրաժեշտ տվեց մանկավարժի`այնքան պատասխանատու աշխատանքին, իսկ ահա մի որոշ ժամանակ անց էլ՝պաշտոնից հեռացավ Աննա Ստեփանյանը, ով ոչ պակաս պատասխանատու պաշտոն էր զբաղեցնում Երեւանի քաղաքապետարանում:

Հիշեցնենք, որ 2019-ին,շ NewsMedia.am-ի կողմից իրականացված ՀԵՏԱՔՆՆՈՒԹՅԱՆ արդյունքում, մանրամասն ներկայացվել էր 10-ամյա աղջնակի՝Ա. Գ-ի պատմությունը, հանրայնացնելով մեր ձեռքի տակ առկա բոլոր փաստերը (եղելությունը), որի արդյուքնում պարզ էր դարձել, թե մաթեմատիկա առարկան դասավանդող «ուսուցչուհի» Աննա Արամյանը իր հակամանկավարժական գործունեության ընթացքում, բարոյահոգեբանական ինչ վիճակի էր հասցրել 10-ամյա Ա. Գ-ին, ով ստիպված էր եղել ամիսներ շարունակ բավականին լուրջ բուժման շրջան անցնել, եւ հաղթահարել բավականին լուրջ դժվարություններ ու խնդիրներ, որը որ աղջնակի կյանքում ստեղծվել էին՝ Աննա Արամյանի «գրոհներով» պայմանավորված.երբ Արամյանը վիրավորել, նվաստացրել ու անվանարկել էր աղջնակին՝ կոնկրետ որակումներ տալով Ա.Գ-ին ու նրա ընտանիքի անդամներին: Ի դեպ, այդ ամենի մասին NewsMedia.am-ի հետ զրույցներում բազմիցս բարձրաձայնել էր հենց աղջնակի մայրը՝ (հարգված եւ սիրված մանկավարժ) Տիկին Զառա Առստամյանը:

Հասկանալի պատճառներով՝ այլեւս չենք մեջբերում Աննա Արամյանի մտքի «փայլատակումները»՝որի արդյունքում աղջնակը ստիպված եղվա բավականին բարդ շրջան հաղթահարել, եւ ծանր օրեր ապրել՝հարազատների ու ծնողների հետ միասին…

Հիշեցնենք, որ այս թնջուկն ամբողջությամբ վեր հանելու ճանապարհին, 10-ամյա աղջնակի մայրը՝ տիկին Զառան NewsMedia.am-ի հետ զրույցում մանրամասն ներկայացրել էր, թե ինչի միջով էին անցել փոքրիկ Ա.Գ-ն , եւ իրենց ընտանիքի անդամները, երբ դպրոց էր ոտք դրել նորելուկ ուսուցչուհի Աննա Արամյանը, ով երեխային հասցված վիրավորանքների, բարոյահոգեբանական կտտանքների ու ճնշումների արդյունքում՝ հասցրել էր հոգեկան հակման: Եւ իրականում էլ, բժիշկների կողմից իրականացված համապատասխան զննության արդյունքում պարզվել էր, որ երեխան իրականում տրավմա է տարել, եւ որ աղջնակը տեւական ժամանակ պետք է համապատասխան դեղորայքային բուժում ստանար:

Ի դեպ, նկատենք, որ այդ օրերին, թիվ 75 դպրոցի տնօրեն Նարինե Սուրմալյանը եւս, NewsMedia.am-ի հետ զրույցում խոստովանել էր, որ իրականում խնդիր կա 10-ամյա աղջնակի եւ մաթեմատիկայի ուսուցչուհի Աննա Արամյանի միջեւ, ցավ հայտնելով որ այդ անհասկանալի լարվածության արդյունքում՝ տուժում է երեխան:

Ինչեւէ, երկարատեւ պայքարից հետո միայն, երբ Աննա Արամյանը հեռացվեց դպրոցից, իսկ ահա 10-ամյաԱ.Գ-ն՝ համապատասխան մասնագետների համալիր աշխատանքի, եւ ծնողների ու հարազատների ցուցաբերած աննկարագրելի ջանքերի արդյունքում՝ կարողացավ վերադառնալ դպրոց.կյանք…

Դպրոցն այլեւս լքած Աննա Արամյանը, հաջորդիվ այսպես ասած՝ պայքարի իր սլաքնները ուղղեց դեպի աղջնակի մայրիկի՝Զառա Առստամյանի եւ նրա մորաքրոջ Նառա Առստամյանի ուղղությամբ՝ այս անգամ փորձելով համացանացում տեղ գտած մեկնաբանությունների առթիվ. աղջնակի հարազատներից փոխհատուցում պահանջել:Արամյանը, փորձեց խնդիրը այլեւս վիճարկել իրավական հարթության մեջ՝ Ա. Գ-ի հարազատներից պահանջելով 1.5 մլն դրամի փոխհատուցում, այնինչ այս դեպքում եւս՝Արամյանը պարտություն կրեց նաեւ դատարանի դահլիճում…

Նկատնեք, որ Դատական նիստերի ընթացքում, պատասխանող կողմը՝այս դեպքում Առստամյանները ՀՀ Երևանի ընդհանուր իրավասության դատարանի Էրեբունի և Նուբարաշեն 1-ին ատյանի դատարան էին ներկայացրել գործին կից բոլոր փաստերը.Երևանի քննչական կոմիտեի արձանագրությունները,աղջնակի օրագիրը, հայցվոր Աննա Արամյանի տնօրինության կողմից ստացած նկատողությունները, դպրոցի աշակերտների կողմից տրված հարցաքննությունների արձանագրությունները…քանի որ միայն Ա. Գ-ն չէր աշակերտներից որ տուժել էր Արամյանի հակամանկավարժական գործունեությունից , եւ արդյունքում Աննա Արամյանին կարծես թե այլեւ անելիք չէր մնացել.քան նահանջել…

Եւ ահա, Աննա Արամյանի երկու պաշտպանները չպատճառաբանված կարգով բացակայել էին հերթական երկու դատական նիստերից էլ, և դատն ավարտվել էր՝ ի օգուտ Առստամյանների:

Հուսանք, որ նմանօրինակ դեպքերը այլեւս դաս կլինեն դպրոցի տնօրենների, հանրակրթության ոլորտի պատասխանատուների եւ առհասարակ բոլոր նրանց համար, ովքեր կհանդուրժեն, կամ հանդուրժում են արամյանանմանների տեսակը՝ մատաղ սերնդի դաստիարակության գործում… Քանզի ուսուցիչն է, որ աշխատում է ամենապատասխանատու ֆրոնտում՝մարդ ձեւավորելու այնքան կարեւորագույն գործում…

Հ. Գ 

Եւ վերջապես հենց ուսուցիչն է կրթական համակարգի սիրտն ու ոգին:
Իսկ սերնդի ձեւավորման գործում անշուշտ մասնակցություն պիտի ունենան գիտակից, բանիմաց ու պորֆեսիոնալ մասնագետները, ովքեր կկարողանան առողջ ու գիտակից սերունդ ձեւավորել, այլ ոչ թե ճակատագրեր խեղել, եւ հարվածի տակ դնել մի ամբողջ համակարգի վարկն ու հեղինակությունը, որի համար բազում նվիրյալներ տարիներով քափ-քրտինք են թափում:

Ի վերջո, արևի տակ չկա ավելի բարձր ու վեհ մասնագիտություն, քան ուսուցչի մասնագիտությունն է, եւ այս մասնագիտությունն էլ պատկանում է այն մարդկանց, ովքեր գիտության ջահ ունեն, որով էլ պատրաստվում են սաների հոգու մեջ կերտել պատասխանատվության ու համերաշխության ոգին :