Հովիկ Հայրապետյանի անվան Ձիասպորտի կենտրոնում, այսօր ավարտվեց հոկտեմբերի 15-ից մեկնարկած ազգային մրցույթը.եզրափակիչ փուլում՝ հաղթեց եւ փայլեց «Գրան Պրի» մրցանակակիր Արկադի Եսայանը

Հովիկ Հայրապետյանի անվան Ձիասպորտի կենտրոնում, այսօր ավարտվեց հոկտեմբերի 15-ից մեկնարկած Հայաստանի Ձիասպորտի ազգային մրցույթի՝ «Մուլտի Գրուպ» գավաթի, մեծ մրցանակի եռօրյա մրցաշարը: Մրցաշարին մասնակցում էին երեք երկրների` Հայաստանի, Ռուսաստանի եւ Վրաստանի մարզիկները:

Իսկ վերը նշված մրցաշարը նախաձեռնել եւ իրականացրել է «Հովիկ Հայրապետյանի անվան Ձիասպորտի ֆեդերացիան»՝ ՀՀ օլիմիպիական կոմիտեի նախագահ Գ․ Ծառուկյանի հովանավորությամբ։ Մրցաշարը ընթացել է երեք օր, որի ընթացքում խաղարկվել է «Մուլտի Գրուպ» գավաթը։

Պայքարը հատակապես թեժ էր եզրափակիչ փուլում, որտեղ յուրաքանչյուրը փայլեց իր նժույգով: Բայց   ի վերջո մեծ՝ «Գրան Պրի» մրցանակին արժանացավ հայազգի մարզիկ, ՌԴ-ն ներկայացնող Արկադի Եսայանը (իր վեց հարյուր եվրո արժողությամբ «Գուչչի  Պրիմիեր» արքայական նժույգով։

Մրցաշարում իրենց պատվավոր տեղերը գրավեցին նաեւ Հայաստանի եւ Վրաստանի ձիասպորտի հեղինակավոր այլ մարզիկներ։

Եւ այսպես,  բարձրացատկի մրցումների արդյունքով՝ առաջին հորիզոնականում է ինչպես արդեն նշեցինք ԱՐԿԱԴԻ ԵՍԱՅԱՆԸ՝ իր «Գուչչի Պրիմիեր» նժույգով, ով եզրափակիչում  հաղթահարեց   170 սմ բարձրության արգելք։ Երկրորդ պատվավոր հորիզոնականում է.160 սմ արգելք հաղթահարած Շալավա Գաչչեդելաձեն՝ «Պոլադիում» նժույգով, իսկ երրորդ հորիզոնականում է 140 սմ արգելք հաղթահարած Մետտոնիձե Գեգգին` իր «Էրիաննո» նժույգով։

Մյուս ՝ 105 բարձրության արգելք հաղթահարելու սանդղակում, առաջին հորիզոնականում է Վոշշյակին Վլադիմիրը Կենդրան՝ «Պիես» նժույգով, երկրորդ հորիզոնականում է Արթուր Բաղդասարյանը` «Ձյունիկ նժույգով», եւ երրորդ տեղում է` Դավիթ Խաչատրյանը իր «Ակորդ» նժույգով։

Իակ ահա 125սմ բարձրության արգելքի հաղթահարման մրցաշարում` առաջին հորիզոնականում կրկին Արկադի Եսայանն է ՝դարձյալ «Գուչչի Պրիմիեր» նժույգով, երկրորդ տեղում՝ Շալվա Կաչչելադձեն է իր «Օտմաշկա» նժույգով, եւ երրորդ տեղում՝ Մետտոնիձե Գեգգին է՝ իր «Էրիաննո» նժույգով։

«Մրցաշարը, կարող ենք ասել որ այո  հաջողել է, իսկ  նմանատիպ մրցումներ այսուհետ  ավելի հաճախակի կլինեն ։ Հայաստանի հավաքականի թիմը՝ պարբերաբար մասնակցում է նմանատիպ մրցումների, եւ հիմա էլ նպատակ ունենք տեղում զարգացնելու  ձիասպորտը՝ նոր կադրեր, նոր նժույգներ առաջ բերելու հեռանկարով»,-Newsmedia.am–ի հետ զրույցում անդրադառնալով մրցաշարի կարեւորությանը ասաց ՀՀ ձիասպորտի ֆեդերացիայի փոխնախագահ ՆՈՐԱՅՐ ՍՏԵՓԱՆՅԱՆԸ, ապա անդրադառնալով «Մուլտի Գրուպ» գավաթի մեծ մրցանակի դափնեկրին`Արկադի Եսայանին, մեր զրուցակիցը ասաց․

-Մեծ մրցանակին արժանացավ այսօր Ռուսաստանը ներկայացնող, ՀՀ ձիասպորտի ֆեդերացիայի փոխնախագահ, Կրասնոդար քաղաքի հայ համայնքի ղեկավար, նույն քաղաքի ավագ մարզիչ Արկադի Եսայանը։ Ով հաջողված եւ հեղինակավոր մարզիկ է, եւ նրան բոլորն են ճանաչում այս սպորտում։

Նկատենք, որ միջազգային մրցաշարին ներկա էին ձիասպորտի սիրահարներ ինչպես ՀՀ-ից, այնպես էլ ՌԴ-ից և Վրաստանից, ովքեր եկել էին իրենց սիրելի մարզիկներին քաջալերելու։ Մրցաշարի ընթացքին հետևում էր նաև ԿԳՄՍ փոխնախարար Կարեն Գիլոյանը, ինչպես նաեւ ձիասպորտի միջազգային հեղինակավոր ներկայացուցիչներ՝ ՌԴ ից և Վրաստանից։ Իսկ Գրան Պրի  մրցաշարի հաղթող Արկադի Եսայանին մեծ հաղթանակը հանձնելիս ՀՀ հիմնից հետո հնչեց նաև ՌԴ հիմնը, քանի որ մեր հայրենակիցը հանդես էր եկել հենց ՌԴ դրոշի ներքո։

Պատրաստեց ՝ՆՈՆՆԱ ԱԶԱՐՅԱՆԸ

NewsMedia.am

Լուրեր Հայաստանից եւ աշխարհից