«Ձիասպորտը ՀՀ-ում երիտասարդանում է, եւ զարգանում օր-օրի».Հայաստանի ձիասպորտի ֆեդերացիայի նախագահ Հայրապետ Հայրապետյան

NewsMedia.am-ի զրուցակիցն է ՀՀ-ում Ձիասպորտի ֆեդերացիայի նախագահ, այս սպորտաձեւում ոչ միայն մեծ ավանդ, այլ նաեւ կյանք ու ավյուն ներդրած Հայրապետ Հայրապետյանը։ Ում հետ զրուցել ենք ՀՀ-ում անցկացված միջազգային ձիասպորտի եռօրյա մրցաշարի, եւ այս սպորտաձեւի առաջիկա տեսլականի մասին։

Մեր զրուցակցի խոսքով․

-Ձիասպորտի ֆեդերացիան այս տարիների ընթացքում մեծ ներդրում է արել սպորտաձեևի զարգացման, տարածման համար, եւ դրա  վառ ապացույցն այսօր անցկացվող միջազգային մրցույթն է, որին մասնակցում են ՀՀ-ի, ՌԴ-ի եւ Վրաստանի հայտնի մազիկներ։ Սա առաջին միջազգային մրցույթն է այս տարի, բայց այս տարվա ընթացքում հասցրել ենք շուրջ 12 տարբեր մրցաշարեր անցկացնել՝ տեղային ակումբներով։

Ունենք նաեւ հավաքական թիմ՝ չորս անդամներից կազմված, որն այս տարի կհամալրենք եւս երեքով։ Այնպես որ գնում ենք դեպի առաջ։

-Պարոն Հայրապետյան, ի դեպ կուզենայինք իմանալ.պետական աջակցություն ունի՞ այս սպորատաձեւը, թե ոչ:

-Մինչ օրս դեռ չենք ունեցել պետական աջակցություն. խոսք են տվել, որ մյուս տարի կլինի նաեւ պետական աջակցություն, բայց մանրամասներին անկեղծ տեղյակ չեմ:  Մենք մեր հույսով ենք դեռ առաջ գնում, եւ հավատացեք վատ չի ստացվում։

Զրույցի  ուշագրավ մանրամասները՝NewsMedia.am-ի Տեսանյութում

Հ.Գ

Անհերքելի է,  որ  Ձիասպորտը Հայաստանում այլեւս կայացած եւ հաջողություններ գրանցած սպորտաձեւ է՝ շնորհիվ  Հայաստանի Ձիասպորտի ֆեդերացիայի նախագահ Հայրապետ Հայրապետյանի տարիների ներդրած ավանդի,  ջանքերի, ու մեծ նվիրումի...

NewsMedia.am

Լուրեր  Հայաստանից եւ Աշխարհից