«Էրեբունի» Ձիասպորտի ակումբի հիմնադիր Արթուր Մելքոնյանը ջանք ու եռանդ չի խնայում՝ ՀՀ-ում ձիասպորտը զարգացնելու, եւ այն բարձր մակարդակի հասցնելու համար.մարզիկ Գեւորգ Գասպարյան

«Էրեբունի» Ձիասպորտի ակումբի հիմնադիր Արթուր Մելքոնյանը ջանք ու եռանդ չի խնայում՝ ՀՀ-ում ձիասպորտը զարգացնելու, եւ այն բարձր մակարդակի հասցնելու համար

Հայաստանում վերջին տարիներին նկատելիորեն զարգացում եւ վերելք է ապրում այս արքայական  մարզաձեւը։ Այս մասին Newsmedia.am-ի հետ զրույցում ասաց Ձիասպորտի «Էրեբունի» ակումբը ներկայացնող մարզիկ, շնորհալի երիտասարդ Գեւորգ Գասպարյանը, ով իր ուժերն էր փորձում Հովիկ Հայրապետյանի անվան Ձիասպորտի կենտրոնում՝ հոկտեմբերի 15-18-ը մեկնարկած ազգային մրցույթի շրջանակներում:
Մարզիկի խոսքով.

-Մեր ակումբի հիմնադիր ղեկավարը՝ պարոն Արթուր Մելքոնյանը ջանք ու եռանդ չի խնայում՝ ՀՀ-ում ձիասպորտը զարգացնելու, եւ այն բարձր մակարդակի հասցնելու համար։ Ուրախությամբ ուզում եմ նաեւ  տեղեկացնել, որ մեր ակումբը պարբերաբար համալրվելու է նոր նժույգներով, մարզիկներով, եւ մենք ամեն ինչ անելու ենք Հայաստանի անունը՝ այս սպորտաձեւում բարձր նշաձողի վրա պահելու համար:

Առիթից օգտվելով  ասեմ նաեւ, որ  ինքս ակումբ հրավիրվել եմ անձամբ  «Էրեբունի» Ձիասպորտի ակումբի հիմնադիր Արթուր Մելքոնյանի  հրավերով՝ Ռուսաստանի Դաշնությունից: 

-Այս պահի դրությամբ, ինչպիսի՞ հեռանկարներ եք տեսնում «Էրեբունի» Ձիասպորտի ակումբի հետ կապված: 

-Նախ եւ առաջ կուզենայի նշել, որ  մենք արդեն ունենք աշակերտներ, ովքեր մեզ կօգնեն հետագայում այս ոլորտում հաջողությունների հասնելու համար։
Իմ կարծիքով, այս սպորտաձեւը առաջին հերթին մեծ ֆինանս է պահանջում, երկրորդ՝ խնդիրը պրոֆեսիոնալ մարզիկներն են, եւ նմանատիպ կրթօջախների ստեղծումը իհարկե:
Սրանք կարեւոր նախապայմաններն են՝ սպորտաձեւը զարգացնելու համար։ Մեր ակումբը՝ հենց այս խնդիրներն է իր առջեւ դրել, եւ ես վստահ եմ, որ մենք լուրջ հաջողություններ ենք ունենալու:

-Ի դեպ,  դուք այլ ակումբներից եւս հրավերներ ստացել եք, սակայն ընտրությունը կանգ է առել հենց «Էրեբունի» ակումբի վրա: Ինչո՞ւ:

-Լավ հարց էր.միանգամից պատասխանեմ, որ ընտրեցի «Էրեբունի» Ձիասպորտի ակումբը, որովհետեւ տեսնում եմ, որ ակումբի հիմնադիր ղեկավարի՝ պարոն Արթուր Մելքոնյանի նպատակները հեռանկարային են, եւ իրագործելի:Նա Գործի մարդ է, նպատակասլաց, եւ սկզբունքային: 

Մարզիկ Գեւորգ Գասպարյանի հետ ունեցած զրույցի մանրամասները՝ ներկայացնում ենք ստորեւ.

Ի դեպ, տեղեկացնենք, որ «Էրեբունի» Ձիասպորտի ակումբը գործում է շուրջ 8 ամիս, իսկ ահա 2022-ի գարնանը Էրեբունի համայնքում կբացվի Ձիասպորտի դպրոց՝ սպորտաձեւը զարգացնելու եւ բարձր մակարդակի հասցնելու համար:

NewsMedia.am 

Լուրեր  Հայաստանից եւ Աշխարհից