Առաջնագծում, ԼՂՀ Ասկերանի թիվ N զորամասում, մարտական հենակետում հատուկ հրամանով ականազերծման ժամանակ, ականի պայթունի հետևանքով մարմնական ծանր վնասվածքներ ստացած Էդվարդ Ավագյանը բոլորիս օգնության կարիքն ունի. նա իր բազմանդամ ընտանիքի հետ կարող է հայտնվել դրսում

Նախկինում, NewsMedia.am-ը  անրադարձել է 2001թ-ին Ասկերանում,մարտական առաջադրանք կատարելու ժամանակ ականի պայթյունից վիրավորված Էդվարդ Դավիթի Ավագյանի պատմությանը:

Էդվարդը, ով այս օրերին իր բազմանդամ ընտանիքի հետ միասին, դարձյալ հայտնվել է սոցիալապես անելանելի ու անմխիթար վիճակում, կրկին անգամ  խնդրանքով  դիմում է ՀՀ Հայրենակիցներին և  աշխարհասփյուռ Հայությանը՝ օգնելու, ձեռք մեկնելու իրեն. քանի որ վիճակն իսկապես օրհասական է.

Ներկայացնում ենք  Էդվարդ Ավագյանի նամակը՝ առանց խմբագրման.

Ես՝ Էդվարդ Դավիթի Ավագյանս,  խիստ անհրաժեշտությունից ելնելով դիմում եմ Ձեզ։
2001թ ին ծառայել եմ ԼՂՀ Ասկերանի թիվ N զորամասում: Առաջնագծում մարտական հենակետում հատուկ հրամանով ականազերծման ժամանակ, ականի պայթունի հետևանքով ստացել եմ  ծանր մարմնական վնասվածքներ,կյանքս մի կերպ բժիշկները փրկեցին, սակայն փրկվելուց հետո՝  դարձա հաշմանդամ: Անկեղծ ասած միշտ ամաչել եմ իմ հաշմանդամությունից,ձգտել եմ դառնալ հասարակության լիարժեք անդամ և այդ պատճառով միշտ աշխատել եմ. ողորմություն չեմ խնդրել,հայրենիքիս տված պարտքը դրոշակ չեմ դարձրել:

2008 թ ի գարնանը նախկին վերքերս և կոնտուզիաս սրացան և ինձ անկողին գցեցին:

Օգնության հասան ընկերներս,բայց քանի որ հասարակ մարդիկ են այս ժամանակահատվածում իմ և ընտանիքիս հոգսը հոգացին վարկով վերցրված գումարներով:Այս ամենը տևեց մոտ 10 տարի:
Այդ ընթացքում երբ հիվանդությունը նահանջում էր,աշխատում էի և վճարում էի պարտքերս:
Աստված ինձ միայնակ չթողեց,ամուսնացա,հասկացա որ հաշմանդամին էլ կարող են սիրել,ծնվեցին զույգ աղջիկներս՝ հրեշտակներս:

Զինթոշակառու եմ,ՊՆ ում բնակարանի հերթի եմ կանգնած,բայց ինչպես ասում են <<տերովին տերն է տարել,անտերին գայլը>> ,գեներալները որպես կարիքավոր մեկի փոխարեն 3 բնակարան ստացան, իսկ ես դեռ ապրում եմ վարձով:Կենսաթոշակս ամբողջովին տրամադրում եմ տան վարձին:Երբեմն չեմ կարողանում վճարել և բարի տանտերերը ինձ փողոց են շպրտում ընտանիքիս հետ միասին: Եւ  հիմա նորից՝ընտանիքով կանգնած ենք դրսում հայտնվելու վտանգի առաջ:

Ոչ,ամենևին նեղված չեմ,կյանքը ընդհանուր ծանր է բոլորիս համար և ոչ ոք պարտավոր չէ հոգալ ուրիշի հոգսը՝թեկուզ և առաջնագծում վիրավորված զինվորի:

Զինվորը ինքնին արժեք չունի,առավել ևս երբ վիրավորված է և հաշմանդամ ՝ Արցախյան պատերազմի ազատամարտը վկա։
2001թ-ի պայթյունը  իմ գլխում է, և թող այլևս ոչ ոք դրա ձայնը չլսի:

Ձեզ դիմելուս նպատակը մեկն է՝ խնդրում եմ ձեզ որպես  իմ հայրենակիցներ,   որպես ինձ քույր և եղբայրներ,  թեկուզ ձեր փոքրիկ լումայով օգնեք: Որպեսզի   կարողանամ գոնե մի քանի ամիս վճարեմ բնակարանիս վարձը,  և կուտակած պարքերը  բնակարանիս: Որպեսզի կարողանամ՝ մի փոքր  հոգ տանեմ իմ ընտանիքի, իմ անչափահաս դստրերի մասին: 

Առջեւում  ձմեռ է,  եւ ես սարսափում եմ, երբ պատկերացնում եմ թե ինչ կլինի մեզ հետ՝ եթե հայտնվենք դրսում: 

Աշխատանք եմ խնդրում Ձեզանից,որ որպես տղամարդ,թեկուզ և հաշմանդամ՝ կարողանամ արժանապատիվ ապրել և պահել իմ ընտանիքը,մարել պարտքերս ընկերներիս առաջ:

Եթե Ձեր ձեռնարկություններում կգտնեք մի աշխատատեղ,ապա կխնդրեի Ձեզ որ այն տրամադրեք ինձ:Կամ գոնե ընդունեք ինձ և լսեք,դա էլ քիչ չէ,ինձ մարդ կզգամ այլ ոչ թե օգտագործված հումք:

Ինքս Աբովյան քաղաքի բնակիչ եմ,
Եթե ժամանակ կգտնեք կարդաք նամակս և գտնեք,որ ես նույնպես արժանի եմ արժանապատիվ ապրելու կամ ուշադրության, ապա ձեր օգնականները կարող են ինձ հետ կապնվել նշված հեռախոսահամարներով:
Եթե կարող էք օգնեք,եթե ոչ ապա կրկին չեմ նեղվի,Աստված Ձեզ պահապան լինի,Ձեր հոգսն էլ մեծ է:
Աստված բոլորիս հետ:
Խորին հարգանքով ՝ Է.Ավագյան
Հաշվեհամար 2470076354410010 Artshin Bank SWIFT։ASHBAM22

 Հեռախոս: 099 68 00 08 Viber, Whatsapp

NewsMedia.am

Լուրեր Աշխարհից եւ Աշխարհից