«Այս պահին տանը ուտելու ոչինչ չկա. սառնարանը դատարկ է. ինքս էլ վատառողջ եմ ու անգամ դեղերս չեմ կարողանում ձեռք բերել, ու լիարժեք հետազոտվել.խնդրում եմ բարի մարդկանց մեզ ձեռք մեկնեն»

NewsMedia.am-ի խմբագրությանն է ահազանգել երեք երեխաների Մայր Վարդուհի Խաչատրյանը,  ով բավականին անելանելի ու անմխիթար վիճակում է հայտնվել: Սոցիալապես ծանր պայմաններում հայտնված կինը, ով  այսօր նաեւ մի շարք հիվանդություններ ունի, ոչ միայն չի կարողանում իրեն անհրաժեշտ դեղորայքը ձեռք բերել, այլեւ   ի վիճակի չէ կերակրելու, ու հոգ տանելու  իր  երեխաների մասին:

Երեք երեխաների մայր Վարդուհի Խաչատրյանը իր հիվանդությունների  պատճառով հաճախակի է ուշագնաց լինում՝ չկարողանալով անգամ մեկ բաժակ ջուր խմել: 

Վերջինս արցունքն աչքերին մեզ պատմեց, որ այս պահին էլ տանը ուտելու ոչինչ չկա. սառնարանը դատարկ է,  երեխաները սոված են,  եւ որ ինքն էլ  այլեւս չի կարողանում դիմանալ  կյանքի դաժան  հարվածներին:  

Տիկին Վարդուհին մի կերպ կարողացավ իրեն հավաքել,   եւ  պատմել մեզ, որ դիմել ամենատարբեր մարդկանց. բարերարների, տարբեր բարեգորածական ՀԿ-ների,տեղեկացրեց որ  դիմել է վարչապետի կնոջը՝Աննա Հակոբյանին, գործարար Գագիկ Ծառուկյանին, Կոտայքի մազպետարանին, սակայն երեք երեխաների մոր  եւ հիվանդ  կնոջ խնդրանքը՝ մինչ օրս մնացել է անպատասխան: 

Այս պահին Տիկին Վարդուհին իր   3 անչափահաս երեխաների հետ, վարձով ապրում է Աբովյան քաղաքում, ու հիմա վիճակն էլ ավելի է վատթարացել, քանի որ այս պահին էլ դրսում հայտնվելու վտանգի առաջ են կանգնել:Ընտանիքին այլեւս   ի վիճակի չէ  վճարելու ամսեկան վարձավճարները, իսկ տանտերն էլ արդեն հասցրել է զգուշացնել, որ ստիպված են լինելու՝լքել բնակարանը: 

Տիկին Վարդուհին, որպես Հայ Մայր, քույր խնդրում է համայն հայությանը՝ իրեն ձեռք մեկնել, ով ինչով եւ ինչպես կարող է...Խնդրում է, որ իր մայրական աղոթքները տեղ հասնեն,  ու  որ ինչ-որ մեկը գոնե կամենա՝ խավարի մեջ լույս վառել:

Բարի Մարդիկ, ովքեր կկամենան ձեռք մեկնել Տիկին Վարդուհի Խաչատրյանին, կարող են նրա հետ կապ հաստատել՝ 077672286 հեռախոսահամարով: 

NewsMedia.am

Լուրեր  Հայաստանից եւ Աշխարհից