Սպասեք թող քննիչ հանձնաժողովը ստեղծվի, բոլոր մեղավորները հատ առ հատ ջրի երես են դուրս գալու` ջեբ գցելով չի. ՔՊ-ական պատգամավորը հունից դուրս եկավ

«Իրավունքի» զրուցակիցն է ՀՀ պաշտպանության նախկին փոխնախարար, ԱԺ ՔՊ խմբակցության ատգամավոր Գագիկ Մելքոնյանը:

-Պարոն Մելքոնյան, իշխանությունը պարբերաբար պարտության մեղավորների մասին է խոսում, որ եղել է դավաճանություն ու նմանատիպ բաներ: Պատերազմից անցել է մեկ տարի, որտե՞ղ են այդ դավաճանները, ինչո՞ւ ատասխանատվության չեն ենթարկվել, եթե կան կոնկրետ  մեղավորներ:

-Կենթարկվեն, էն էլ ոնց են պատասխանատվության ենթարկվելու (-նյարդայնանում է. Հեղ.), սպասեք թող քննիչ հանձնաժողովը ստեղծվի, բոլոր մեղավորները հատ առ հատ ջրի երես են դուրս գալու` ջեբ գցելով չի:

-Փաստորեն, դեռ չե՞ք բացահայտել:

-Ամեն ինչ իր ժամանակն ունի, բոլորն էլ հայտնի են:

-Իսկ ինչո՞ւ ճաղերի հետեւում չեն:

-Շուտով:

-Պարոն Մելքոնյան, ինչո՞ւ քառասունչորս օր շարունակ մեր տղաների կյանքի գնով պահված հողերը ի վերջո հանձնվեցին:

-Որովհետեւ դավաճանություն եղավ:

-Ո՞ւմ կողմից, ովքե՞ր դավաճանեցին:

-Մեր երկրին դավաճանեցին մարդիկ, ովքեր բանակը չզինեցին, նրանք, ովքեր պատերազմի ժամանակ խուճապի մատնեցին բանակը:

-Անուններ հնչեցրեք պարոն Մելքոնյան:

-Ես կոնկրետ չեմ կարող ասել, մինչեւ քննիչ հանձնաժողովը չպարզի:

-Ասացիք, որ դավաճան են մարդիկ, ովքեր չեն զինել բանակը, փաստորեն նաեւ ներկա իշխանություններն են դավաճան, որովհետեւ երկու տարվա մեջ կարող էին չէ՞ զինել, եթե այն զինված չէր:

-Երկու տարում հնարավոր չէր մի միլիարդ փող դնել բանակի վրա, ես էդքան բան գիտեմ: Դա պիտի աստիճանաբար դրվեր, հերթով բոլոր զինատեսակները պետք է փոխվեին: Երկու-երեք-հինգ տարում հնարավոր չէր այդ կերպ զինել:

-Այսինքն մենք զինված չէինք ու դա ակնհայտ էր ի սկզբանե, ուրեմն ինչո՞ւ շուտ չկանգեցվեց պատերազմը: Չէ որ եղել է նման առաջարկ հոկտեմբերի առաջին տասնօրյակում արդեն: Ինչո՞ւ չկանգեցրեց երկրի ղեկավարը, Ձեր կուսակցության ղեկավարը:

-Հոկտեմբերի տասի կողմերը հրավիրեց մեր եւ թշնամու ԱԳՆ նախարարներին եւ ասեց, որ պետք է զինադադար լինի, պետք է դադարեցնել պատերազմը: Մենք պատրաստ էինք, բայց թուրքերը չարեցին: Միակողմանի չէր կանգնելու պատրազմը:

-Որտե՞ղ էիք Դուք պատերազմի օրերին:

-Ես եղել եմ Օմարի լեռնանցքում ու մեր հատվածը մենք պահել ենք անառիկ: Հետք, որ ասում եք ինչի չկանգնեցրեցիք, Դուք չեք տեսե՞լ Փաշինյանի ելույթը այդ օրերին ԱԺ-ում, երբ նա ասում է, որ վիճակը ծանր է, որ պետք է իրենց պահանջները կատարենք եւ պատերազմը կանգնեցնենք: Բայց ԱԺ բոլոր խմբակցությունները ասում են` ոչ, մենք պետք է կռվենք: Իսկ էսօր նույն մարդիկ էդ ամեն ինչը գցում են Փաշինյանի ջեբը:

-Բայց երկրի ղեկավարն էր չէ՞ որոշում ընդունողը, թող ինքը կանգնեցներ:

-Ասում եմ անհնար էր միակողմանի կանգնեցնել, ուր էին էդ ժամանակ գոռացողները աղջիկ ջան:

-Շատերին, իրենց իսկ խոսքերով չեն թողել ռազմի դաշտ մեկնել, այդ թվում նախկին գեներալների:

- Եթե ամեն մարդ հելներ գնար, ոչ թե վիրավորվեր, ասեր` դե էս ինչ մարդը մեզ մարդատեղ չի դնում ու տենց բաներ, էսօր էս օրը կլինե՞ր: Էդ ոնց եղավ Խալաստոյը ոնց Մարտակերտից վերցրեց 260 հոգի ու հելավ գնաց Շոշի ուղղությամբ: Էդ ոնց եղավ, Խալաստոյին թողեցին իրանց չթողեցին:

Ուշագրավ Մանրամասները՝Iravunk.com-ում: