Մի՛ արատավորեք Ուսուցչի բարձր կոչումը, հասարակությանը գուցե կարողանաք խաբել սին ու բարձագոչ կոչերով, բայց ժամանակը հետ բերել չեք կարող, փաստերը կեղծել` առավելեւս

Այսօր, մեր երկրում ստեղծված յուրաքանչյուր իրավիճակ փորձություն է նաև ուսուցչի ու դպրոցի համար, քանզի որքան էլ կրթության ոլորտում կիրառվեն ժամանակակից տեխնոլոգիաները, միևնույն է, ուսուցչի դերը մնում է անփոխարինելի կրթական համակարգում, սերունդների դաստիարակության գործում: Երբ գործում է ուսուցիչ, ծնող, հասարակություն համահունչ դաստիարակչական աշխատանքը, արդյունքում կա գիտուն աշակերտ, վաղվա աննկուն զինվորը, ապագան կերտող արժանապատիվ քաղաքացին:

Ցավոք, այս համադրությունը այսօր շատ ուսուցիչների մոտ խախտվել է, ու ոմանք ուսուցչի անվան տակ կարող են իրենց իրավունք վերապահել բարձրագոչ արտահայտություններ անել, հերոսացնել կամ հակառակը՝ ամենավերջին պարսավանքին ենթարկել ու անունը դնել․ Ես ուսուցիչ եմ։ Կան նաեւ Ուսուցիչ կոչված <<եզակիներ>>, ովքեր կարողանում են կրթական բարձր ցենզերից խոսել, հասարակության մեջ իրենց ինտելկտով հպարտանալ, բայց միեւնույն ժամանակ իրենց դրսեւորել, մեղմ ասած, ուսուցչին ոչ հարիր պահելաձեւով։ Նմաներին ուղղակի մի խորհուրդ է պետք տալ, մի՛ արատավորեք ուսուցչի բարձր կոչումը։ Հասարակությանը գուցե կարողանաք խաբել սին ու բարձագոչ կոչերով, բայց ժամանակը հետ բերել չեք կարող, փաստերը՝ կեղծել առավելեւս։

ՈՒՇԱԳՐԱՎ ԵՒ ԽՈՐԻՄԱՍՏ ԳՐԱՌՄԱՄԲ Է ՀԱՆԴԵՍ ԵԿԵԼ ՄԵՐ ԳՈՐԾԸՆԿԵՐ,

ԼՐԱԳՐՈՂ ԻԼՈՆԱ ԱԶԱՐՅԱՆԸ