Հայաստանի, որպես երկիր մնալու հեռանկարի միակ փրկությունը Ռուսաստանի հետ միութենական միության մաս կազմելն է․ Վարդան Բոստանջյանը առկա վտանգների եւ 2022թ․-ի բյուջեի մասին

Ազգային ժողովում շարունակվում  «Հայաստանի Հանրապետության 2022 թվականի պետական բյուջեի մասին» Հայաստանի Հանրապետության օրենքի նախագծի քննարկումները։ Ըստ նախագծի՝ Հայաստանի Հանրապետության 2022 թվականի համախմբված բյուջեն գնահատվում է ՝ եկամուտների գծով` 2,005.4 մլրդ դրամ, ծախսերի գծով՝ 2,188.4 մլրդ դրամ, դեֆիցիտը՝ 242.2 մլրդ դրամ, Հայաստանի Հանրապետության համայնքների 2022 թվականի բյուջեները գնահատվում են՝ եկամուտների գծով՝ 183.0 մլրդ դրամ, ծախսերի գծով՝ 183.0 մլրդ դրամ, կապիտալ ծախսերի հանրագումարը կկազմի մոտ 350 միլիարդ դրամ:

-Երկիրը գտնվում է սարսափելի վիճակում. այս անվտանգային խնդիրների պայմաններում մտածել, թե իբրև թե 1000-2000 դրամով կբարձրանա քո բարեկեցությունը, դրանից ոչինչ չի փոխվելու: Իսկ ընդհանուր առմամբ, ես չեմ վստահում այդ թվերին. մի կորոնավիրուս, մի պատերազմ, մի բան կծագի, կասեն՝ էս էր պատճառը, որ չեղավ նախանշածը։ Մենք ունենք բազմաթիվ խնդիրներ և, առաջին հերթին՝ անվտանգության խնդիրներ, այս խնդիրները ենթադրում ու պահանջում են հսկայական ծավալի ֆինանսական միջոցներ: Այդ անվտանգության խնդիրները թողել են մի կողմի վրա և նորից ուզում են մարդկանց ապակողմնորոշել սոցիալական ծախսերի մեծացմամբ: Ընդհանուր առմամբ 2022թվականի բյուջեն ավելի շատ նման ֆինաննսական ծրագիր, որը որոշակիորեն կարող է լուծել որոշակի սոցիալական խնդիրներ։ 

Մասնագետի խոսքով ստեղծված իրավիճակում՝ հաշվի առնելով մեր երկրի առաջ ծառացած ինչպես տնտեսական, այնպես էլ անվտանգային եւ այլ խնդիրները, պետք է օր առաջ քայլեր ձեռնարկել Ռուսաստանի հետ միութենական կազմում հայտնվելու համար․ 

-Հայաստանի, որպես երկիր մնալու հեռանկարի միակ փրկությունը Ռուսաստանի հետ միութենական միության մաս կազմելն է, մեզ պետք է օր առաջ համալրել այդ միությունը։ Այս պահին, Հայաստաին, որպես թիկունք կարող է լինել միայն Ռուսաստանի դաշնությունը, որի շնորհիվ մենք կարողացանք գոնե Արցախի փոքրիկ մասը պահպաննել։ Վաղը կարող է ուշ լինել, ես դա ասում եմ, որպես փորձ ունեցող քաղաքական գործիչ։ Հետագա, ընդ որում մոտալուտ վտանգներից, մեղմ ասած, պատսպարվելու համար, միակ ճանապարհը  Ռուսաստանի հետ միութենական միության մաս կազմելն է։

Զրույցը՝ ԻԼՈՆԱ ԱԶԱՐՅԱՆԻ

Iravunk.com