Մինչեւ Շուշի ոչ մի լուրջ բանակային զորամիավորում չի մասնակացել պաշտպանությանը․ Մատաղիս,Եղնիկներ էլ գնացել ենք կոնկրետ ԱՀ նախագահի կոչով․ «Մեղրյանի» ջոկատի հրմանատարը փակագծեր է բացում

«Իրավունքի»  զրուցակիցն է «Շահեն Մեղրյանի» ջոկատի հրմանատար Ռոլանդ Այդինյանը, ով պատերազմի թեժ օրերին Վլադիմիր Բալայանի եւ իր ջոկատի հետ միասին Ասկերանի շրջանի Ավետարանոց գյուղի շրջակայքում մերձամարտի էին բռնվել 22 հոգուց կազմված թուրքական հատուկ նշանակության ջոկատի հետ՝ վերացնելով նրանցից 20-ին։ Պատերազմից մեկ տարի վերլուծելով ռազմաճակատում տեղի ունեցած դրվագները եւ արձանագրված վերջնական ցավալի արդյունքը մեր զրուցակիցը նկատում է․

-Իրականում պատերազմի արդյունքում արձանագրված պատճառները շատ ավելի խորոքային են, մեր թշնամին քսանութ տարի շարունակ հա պատրաստվել է, զինվել մինչեւ ատմաները, իսկ մենք՝ մենք․․․Երկրորդ պատճառն այն է, որ մեր բանակի ուժերը եւ մեզ վրա հարձակված թշնամու ուժերը  անգամներով ավելի շատ էին։ Մենք կռվում էինք թուրքերի դեմ, պակիստանցիների դեմ, նոր տեխնոլոգիաների դեմ եւ մի քանի անգամ ավելի զինված թշնամու բանակի դեմ։ Հաջորդը կազմակերպվածության հարցն էր, որովհետեւ մեր բանակը, որտեղ, որ իր խրամատում է եղել հերոսաբար կռվել են, մեր բոլոր տղաները հերոսներ են։  Բայց որտեղ, որ ճեղքում էր լինում՝ այդտեղ բանակ կարելի է ասել, որ չէինք տեսնում։ Տեսել ենք շատ քիչ ստորաբաժանումներ, որոնք ռեալ բանակի ուժ չէին, ես ընդամենը երկու վաշտ եմ տեսել ընդամենը՝ Չանախչիից մինչեւ Շուշի հատվածում։  Մինչեւ Շուշի ոչ մի լուրջ բանակային զորամիավորում չի մասնակացել պաշտպանությանը։

-Ամեն ինչ ընկած էր կամավորների ու աշխարահորայինների վրա՞։

-Այո, ներքին գործերի տղաների, կամավորների, բայց կոնկրետ լուրջ բանակային միավորում էդ հատվածներում չենք տեսել։ Ասում եմ՝ Ավետարանոցի հատվածում ընդամենը երկու վաշտ է եղել ընդամենը բանակից։

-Պարոն Այդինյան, կոնկրետ Ձեր ջոկատին, ո՞վ է հրաման տվել, որ գնաք կոնկրետ ուղղություններով։

-Մենք Մատաղիս, Եղնիկներ գնացել ենք կոնկրետ Արցախի նախագահ Արայիկ Հարությունյանի կոչով, երբ հասել ենք այնտեղ արդեն ընկած էր եւ Մատաղիսը եւ Թալիշը։ Մեզ ասել են, որ կոնկրետ Մատաղիսից Եղինկներ եկող ուղղությունը պաշտպանեք, որտեղից շուրջ 2000 հոգի նահանջել են, մենք շուրջ 65 հոգով գնացել ենք այդ հատվածը պահել։ Այդ հատվածներում լուրջ կազմակերպչական խնդիրներ են եղել, եթե չլինինեին․․․

Շարունակությունը՝Iravunk.com-ում

Զրույցը՝ ԻԼՈՆԱ ԱԶԱՐՅԱՆԻ