Թիվ 68 երթուղու վարորդը վիրավորել է հերոսածին մայրիկին, ով շտապում էր անմահացած որդուն վերջին անգամ տեսած զինվորին տեսակցելու

Քիչ առաջ պարսավելի միջադեպ է տեղի ունեցել թիվ 68 երթուղում, որի պետհամարանիշներն են 3310 S: Մասնավորապես, վերջինիս վարորդը, վիրավորել է ադրբեջանական ագրեսիան հետ մղելու ընթացքում քաջաբար զոհված մերօրյա հերոս Սերժ Հակոբքեխվյանի հերոսածին մայրիկին, ով հեռախոսով խոսելիս է եղել իր որդու մասին նորություններ պատմող մեկ այլ հերոսի հետ, ով այս պահին գտնվում Հայրենիքի պաշտպանի վերականգնողական կենտրոնում: Հերոսածին մայրկիը շտապում էր հերոսաբար ընկած որդուն վերջին անգամ տեսած զինվորի հետ հանդիպման, երբ վարորդը, հայ տղամարդ կոչեցյալը, վիրավորել է հերոսի մայրիկին:

Վերջինիս դուր չի եկել, որ որդուն կորցրած մայրը հեռախոսով է խոսելիս եղել, իսկ, երբ տիկին Արմինեն նշել է, որ խոսում է իր անմահացած որդուն վերջին անգամ տեսած զինվորի հետ, վարորդը ոչ ավել ոչ պակաս սկսել է էլ ավելի նյարդային տոնով վիրավորել հերոսածին մորը: Մասնավորապես նշելով, որ իրեն քիչ է հետաքրքրում, որ նրա նման հազարավորները կան ու, որ իր որդին ոչ առաջինն է, ոչ վերջինը: Առավել մանրամասներ մենք չկարողացանք հետաքրքրվել հերոսածին մայրիկից, ով վերը նշվածից հետո գտնվում է հոգեպես ծանր վիճակում:

Սա է մեր իրականությունը, երբ մեր կողքին ապրում են հոգով թուրքեր, հանուն որոնց մեր Տղաները տվեցին իրենց կյանքը, որ նրանք ապրեն ու փաստորեն, վիրավորեն իրենց մայրերին:

ԻԼՈՆԱ ԱԶԱՐՅԱՆ

Iravunk.com