«Հայաստանը չպիտի նայենք որպես «քյալամ» բիզնեսի պրոդուկտ, եւ պիտի կարողանանք այնպես անել, որ վերականգնվի հավատը».ՋԻՎԱՆ ԱԲՐԱՀԱՄՅԱՆ

«Դիանա Գասպարյանին մենք որպես մրցակից չենք դիտարկում. որովհետեւ մարդ ով ունի միայն վարչական լծակ ու մի երկու «ցեղերի» մարդիկ, մենք նրանց հակառակորդ դիտարկել պարզապես չենք կարող»-NewsMedia.am-ի հետ զրույցում ասել էր Էջմիածնի քաղաքապետի թեկնածու, «Հայրենատեր» կուսակցության նախագահ Ջիվան Աբրահամյանը: 

Միեւնույն ժամանակ պատասխանելով նաեւ մի որոշակի շրջանակի հուզող հարցերին, թե ո՞վ է իրականում կանգնած իրենց կուսակցության ետեւում, (կամ ռահասարակ կան այդպիսի մարդիկ թե ոչ), եւ ի՞նչ ֆինանսական միջոցներով է քաղաքապետի ֆավորիտ թեկնածուն մտել ընտապայքարի մեջ, Ջիվան Աբրահամյանը արձագանքեց հետեւյալ կերպ.

-Ամենահետաքրքիրն այն է, որ ՏԻՄ ընտրություններին մասնակցելու համար, գրավը կազմում է ընդամենը 1 մլն դրամ է,որը որ վճարել է անհնարինի ժանրից չէ: Իսկ մնացած բոլոր ֆինանսական ծախսերը հիմնադրամով ա կատարավում, ու եթե իշխանությունը նույնիսկ իր ոստիկանությանը, իր մնացած ուժային կառույցներին չի վստահում, եւ ուղղակի ցեխ շպրտելու համար խոսում են, ապա հիասթափեցնեմ, որ մենք բաց ենք մեր ֆինանսների մեջ, եւ առհասարակ:
Այո, ֆինանս մենք ծախսել ենք. ասեմ ինչի վրա… Մենք Սյունիքում ենք եղել, ես իմ ջոկատով եմ եղել սահմանում, ու այն ֆինանսները որ պիտի դնեինք քարոզարշավի մեջ, ծախսել ենք Սյունիքում մեր զորքին աջակցելու համար: Որովհետեւ արժեքներ կան, որ մեզ համար վեր են ամեն ինչից, ու եթե մենք հիմա դավաճանենք մեր սկզբուքներին, ապա վաղը հաստատ լավ իշխանություն ունենալ չենք կարող:
-Իսկ Ձեզ ընտրողները. առհասարակ գնահատում ե՞ն Ձեր լուման, ներդրումը, ավանդը առ Հայրենիք: Ես գիտեմ, որ դուք էլ 44-օրյա պատերազմի ընթացքում ծանր վիրավորում էիք ստացել, եւ հիմա էլ եթե չեմ սխալվում դեռ հաղթահարում եք՝պատերազմի հասցրած դառը հետեւանքները…

-Գիտեք ես չէի ուզենա, որ Վաղարշապատ համայնքի բնակիչներից գեթ մեկը ինձ քվե տար նրա համար, որ ես սահմանում եմ եղել:Ոչ, դա քաղաքական գործընթացների հետ ամենեւին կապ չունի:

-Բայց նվիրյալներին արժեվորել միշտ է պետք:

-Դա իմ պարտականությունն է եղել. իմ երկրի իմ հայրենիքի նկատմամբ, եւ ես իմ պարտականությունները կատարելուց երբեք գնահատականի չեմ սպասել ու չեմ սպասում: Ես առաջարկում եմ այս ընտրություններում գալ իմ Թիմի ետեւից նրա համար, որ հստակ գիտենք մեր անելիքներն ու ունենք մեր իրագործելի օրակարգը: Էստեղ կարեւորը մեզ վստահելն է: Իսկ ինչու վստահել. որովհետեւ անցած տարիների ընթացքում մենք մեր յուրաքանչյուր ասածի համար պատասխան ենք տվել. մեր յուրաքանչյուր ասած խոսք՝ օդում չի մնացել: Եւ չի կարող լինել մեկը, որ ասի. դուք մի բան ասել եք՝բայց տրամաբանորնե արել եք հակառակը:
Նույնիսկ տարիներ առաջ, մեր կողմից արված վերլուծությունները այսօր տեսնում եք, որ ռեալ են ու իրական: Ու նրանք, ովքեր մեզ չէին հսականում, հիմա խնդրեմ. ամեն ինչ ջրի երես դուրս եկավ: Այո, ես հեղափոխությանը մասնակցել եմ, այո պայքարել եմ Նիկոլ Փաշինյանի վարած քաղաքականության դեմ, որովհետեւ տեսել եմ բազմաթիվ թերություններ:
Այո Ռոբերտ Քոչարյանի դեմ էլ եմ պայքարել, որովհետեւ գիտեի, որ վերջում սարքելու են սեւերի, սպիտակների դաշտ ու մեզ բերելու էին էս իրականություն: Դրա համար, մեզ ում հետ ուզում են՝թող բերեն «կապեն»:

Այ հենց հիմա, տեսնելով իրենց թիմի նախընտրական ծախսերը. արդեն մենք պետք ա մտածենք՝ ո՞վ ինչպե՞ս, ո՞նց: Ու մենք պետք ա հարց տանք, թե որտեղից են էս գումարները ծախսվում նախընտրական այս փուլում:

-Փորձել ե՞ք հրապարակայնորեն հարցնել Դիանա Գասպարյանից, թե որտեղից, ի՞նչ միջոցներով են իրականացվում այդ ծախսերը:

-Գիտեք, Դիանա Գասպարյանը որեւէ հարցի պատասխան չի կարող տալ. եթե Դիանա Գասպարյանը պատրաստ էր գնալ իր քաղաքական հակառակորդների հետ պարզ բաց խոսելու. ես պատրաստ էի՝թող գար: Եւ հիմա էլ պատրաստ եմ, ու միշտ եմ պատրաստ:

-Դե դուք բանավեճի հրավեր էիք արել գործող քաղաքապետին, բայց նա այդպես էլ չէր համաձայնել մասնակցելու բաց եւ հրապարակային քննարկմանը.ինչո՞ւ:

-Իմ կարծիքով, կոպիտ հաշվարկ են արել.չկա փաստ, կամ ասելիք, որ մեզ սեւացնեն բանավեճի ժամանակ,իսկ մենք էլ ունենք հարցեր իշխանություններին, որի պատասխանը իրենք չունեն:
Դե իրենք էլ պայքարի մի բանաձեւ ունեն. Եթե մեկին կարող են սեւացնել՝ինչու չմասնակցել ո՞ր բանավեճի օրինակ, իսկ եթե իրենք պիտի սեւանան, ապա ինչու գնան ո՞ր:Տեսեք, նույն Ձեր գործընկերներից մեկին անդրադառնամ. Կապանում իրանց «ճղում էին»,թե ինչու չի գնում բանավեճի Կապանի թեկնածուն:
Հիմա, ես էլ շատ ուղիղ ասում եմ. «Հարգելի Հ1, հարգելի Պետրոս. Ձեզ որ «ճղում” էիք….հիմա ես Ձեր քաղաքական իշխանության ներկայացուցիչ Դիանա Գասպարյանին հրավիրում եմ բանավեճի: Դե կազմակերպեք. թե՞ էնտեղ էդ մարդուն կարող էիք սեւացնել, էստեղ նույնը անել չեք կարող:

-Գուցե հասցնեն՝ կարժ ժամերի ընթացքում կազմակերպե՞լ բանավեճ:

-Դե թող անեն, (մեծ սիրով) երբ հրավիրեն, երբ ասեն՝ես մեծ սիրով պատրաստ եմ: Բայց ես գիտեմ, որ Դիանա Գասպարյանը չի համաձայնի բանավիճել, որովհետեւ նա իրեն չի կարող ադեկվատ դրսեւորել բանավեճի ժամանակ, որովհետեւ գիտի. գա ի՞նչ խոսի: Մարդը պետք ա բան ունենա ասելու, որ գա:

-Բացի ընտրական թոհ ու բոհից, թող օրինակ խոսի իր թիմի վարած քաղաքականության, մասին: Չմոռանանք, որ ժամանակին նույն իր քաղաքական թիմի «նահապետից» էր դժգոհում Դիանա Գասպարյանը: Հայտնի ձայնագրությունը՝«վկա»:

-Կներեք, երբ որ մկների ճամբարում խուճապ ա, ես էդ պայքարի պրոցեսներին չեմ ուզում կարեւորություն տալ, որովհետեւ մարդիկ երբ որ չունեն ո՛չ գաղափարական, եւ ո՛չ էլ բարոյական հենքեր…ապա էդ մարդկանց ասածը, էլ էդքան հետաքրքիր էլ չի իրականում:Ինչ կա. օրինակ, Նիկոլ Փաշինյանն էլ կարող ա գա, բարձրացնի Գասպարյանի ձեռքը ու ասի. «Էս ա, էս ա իմ թեկնածուն»: Ամեն ինչ հնարավոր է: Ես օրինակ մի լավ կծիծաղեմ, որ նման բան լինի:

-Բայց ցավոք սրտի այդ հնարքները, դեռ մի որոշակի զանգվածի մոտ շարունակում է «աշխատել»:

-Ճիշտն ասած համաձայն չեմ. իրականում տրամադրությունները կիսվել են

Նույն խորհրդարանական ընտրությունների ժամանակ, ասեմ թե ինչու բաժանվեց 50 տոկոս Նիկոլ Փաշինյանի, 20-ից ավելի տոկոս Ռոբերտ Քոչարյանի ու էդպես…բոլորի համար՝ըստ այդմ:
Որովհետեւ դա անտիռեյտինգի ընտրություն էր. Ռոբերտ Քոչարյանին չուզողները ընտրեցին Նիկոլ Փաշինյանին, իսկ Փաշինյանին չընդունողները ընտրեցին Քոչարյանին:

-Բա պատվավորները մեր...

-Դե գիտեք ինչ, եթե 30 տարի շարունակ գործող ՀՀԿ-ն այս ընտրություններում հավաքեց ընդամենը 4 տոկոս, կամ «չորս ու քանիս»`ինչ- որ ԱԱԾ նախկին պետով, անկեղծ շատ զավեշտալի էր: ՀՀԿ-ն՝ էդ ռեբրենդինգի ենթարկված ՔՊ-ն ա:
Չեմ էլ ուզում դիտարկեմ իրենց որպես քաղաքական գործոն, որովհետեւ որպես այդպիսին չկա էլ, որ դիտարկեմ: Ինչպես որ չկա նաեւ Ռոբերտ Քոչարյան-Նիկոլ Փաշինյան քաղաքական գործոնը, որվհետեւ իրենցը քաղաքական պայքար չի:

-Բա ինչ է…

-Իրենցը զուտ՝ մարդկանց մոլորեցնելու սիստեմատիկ պայքար ա: Վատի ու վատագույնի մեջ ընտրությունը՝ դա քաղաքական պրոցես չի: Քաղաքական պորցես կլիներ այն ժամանակ, երբ որ Նիկոլ Փաշինյանը տղամարդու պես կասեր. իր 5 տարվա պատկերացումը , ու նույնն էլ իհարկե եթե կաներ Ռոբերտ Քոչարյանը…դա արդեն ուրիշ հարց:
Արժանապատիվ համերաշխությունից էին խոսում. հասկանում ե՞ք. էդտեղ չկար քաղաքական դիալոգ: Էդտեղ կար ուղղակի մի քանի սուտասանների մրցույթ:

-Դե բայց հիմա էլ կա «Ազատագրական շարժում»,որի օրակագրում Նիկոլ Փաշինյանի հրաժարականի հարցն է:Սրա հետ կապված, ի՞նչ կասեք:

-Անկեղծ ասած, ես չեմ էլ ուզում խոսել քաղաքական այս անդուր իրականությունից, որվհետեւ երբ որ մենք Սյունքիում կանգնում ասում էինք, որ եկեք էստեղ կանգնեք ՝որ կարողանանք իրավիճակ փոխել, մեր երկրին տեր կանգնել , տղամարդիկ էստեղ որոշում էին, որ պիտի ցույց անեին: Չեմ ուզում անդրադառնալ, որակավորումներ տալ . բայց իմ համար սահմանը՝ սահմանում է: Ադրբեջանցու հետ խնդիրները լուծում են միայն զենքով. իսկ Նիկոլ Փաշինյանն էլ ադրբեջանցու դեմ՝ չի կանգնի հաստատ:
Ես պատրաստ եմ ցանկացած պահի, ժամի իմ ջոկատի հետ միասին՝ կանգնելու սահմանին եւ կռիվ տալու հանուն իմ Հայրենիքի, իմ Հայի ու Հայաստանի: ԱՆկախ նրանից, թե այդ պահին որտեղ կլինեմ ու ինչով կզաբղվեմ:

-Եթե ամեն մեկն իր կռիվը տար իր խրամատում, գուցե մենք այսքան ծանր օրեր չապրեինք: Ի՞նչ եք կարծում. այսուհետ ինչ պիտի անենք, որ ապագա ունենանք իրականում:

-Պետք է անենք հետեւյալը. Հայաստան չպիտի նայենք որպես «քյալամ» բիզնեսի պրոդուկտ, երկրորդ՝ հասկանանք, որ սովորեյնությունը ոչ թե մուրում ենմ այլ վաստակում: Երրորդ՝ պետք ա հասկանալ, որ 32 տարի շարունակ քաղաքականությամբ զբաղվողներին, ուղղակի պետք ա զրկել քաղաքականությամբ զբաղվելու իրավունքից, եւ չորրորդ՝ ընտրությունները ոչ թե պետք է ազատ ֆինանսների ներդրման տեղ լինեն, այլ սահմանափակ հնարավորություններ տրամադրվեն բոլոր ուժերին հավասարաչափ՝ իրազեկված եւ հավասարաչափ ներկայացված լինելու համար:
Գիտեք ինչպժ, ՀՀ-ում քաղաքական գործիչները վարում են քաղաքական պրոցեսներ, հետո վերջում բոլորը որոշում են որ պիտի հայտնվեն. ամեն մեկը ինչ-որ բան պիտի ասի, ու էդ ընթացքում մարդկանց խաբի ու գնա:
Ու որ ամենացավոտն է, այլեւս կորել է ժողովրդի վստահությունը՝քաղաքական գործընթացների հետ կապված:
Մեկ էլ կտեսնեն այլմոլորակային ինչ-որ մեկը՝ գազի գներից ա սկսում խոսում.օրինակ ասում ա. «ես գամ քաղաքապետ ՝գազի գինը կէժանանա»:
Լավ եկեք անկեղծ լինենք. ի՞նչ կապ կարող է ունենալ քաղաքապետը՝ գազի գնի հետ:
Ուստի պետք է ամեն ինչ անենք՝ հավատը ետ բերելու համար: Հիմա իրականում՝ստի ու դավաճանության մթնոլորտն է գերիշում, ու եթե այս իրավիճակում կարողանանք բացառել սուտն ու դավաճանությունը, մենք կունենանք կոնստրուկտիվ եւ կառուցվող երկիր:

-Բոլորին քննադատեցիք անխնա, մտավախություն չունե՞ք, որ հիմա էլ գուցե իրավապահները սեւեռվեն Ձեր ուղղությամբ:

-Անկեղծ ասած, 2018-ից հետո ինձ համար սովորական ա դարձել էդ կեղծ բողոքներն ու կեղծ ջղաձգումները: Ես սովոր եմ դրան. խնդիր չունեմ: Մինչ այս էլ, ես շատ ավելի դժվար քաղաքական փուլերի մեջ եմ եղել. ես միշտ էլ, հիմա էլ, հետո էլ.միշտ… պատրաստ եմ իմ կյանքը նվիրել Հայրենիքին միայն: Ես ունեմ մի հայր , մի մայր մի Հայրենիք. իսկ էդ արժեքները եթե մի հատ են, ուրեմն պետք է պատրաստ լինես նաեւ էդ արժեքների համար կյանքդ տալու: Իհարկե պիտի ապրես, որ ավելին աելին անես, բայց եթե անհրաժեշտություն լինի՝ մենք բոլորս ենք պատրաստ ենք մեր կյանքով պաշտպանելու մեր սրբություններին: Մարդիկ խոսում էին Սարդարապատից՝ բայց ահա տեսանք, թե ինչպես հանձնվեցին. մարդկային այդ տեսակներից ես ամենաշատն եմ վախենում: Կեղծ սրբապաշտներից ամենաշատն եմ վախենում. մարդ պետք ա լինի էն՝ ինչ որ կա: Այսօր չպետք է կեղծը հաղթի: Ժամանակն է, որ ճշմարտությունով հաղթենք կեղծիքին:
Խոստումների դարաշրջանից պետք ա դուրս գանք. պետք ա գանք հասկացողության դաշտ: Որ մարդը հասկանա. եթե վերցնում ա իր ուսերին պարտականություն, ուրեմն պիտի պատասխանատվություն կրի էդ ամենի համար:

-Ի վերջո, հավատը վերականգնվելու է՞, թե՞ ազգովի դեռ շարունակելու ենք հատուցել ներկա ու նախկին քաղաքական սխալների համար:

-Ոչ թե պետք է միայն հավատանք, այլ պետք է սկսենք իրագործել: Հիմա ինձ, ձեզ ընթեցողները այս պահից սկսած՝ թող սկսեն իրագործել: Ես գնում եմ իրագործելու ճանապարհով:

-Անվերջ բողոքելու փոխարեն՝խավարի մեջ գոնե կարողանանք գեթ մեկ մոմ վառել…

-Գիտենք ինչ կա. երբ որ խավարի մեջ նստած 2,5 մլն հայերով մի լուցկի էլ վառենք՝ մեր մեջքը կուղղենք:
Կարեւորը որ կարողանանք նաեւ պահանջատեր լինել, կարեւորը որ կարողանանք իրավատեր լինել: Հավատացեք ՝էդ դեպքում միայն, մենք կհաղթենք ազգովի:

NewsMedia.am 

Լուրեր Հայաստանից եւ Աշխարհից