ՏԵՍԱՆՅՈՒԹ. ՀՀ-ում կանցկացվի Ռեստորանային սպորտի բաց առաջնություն.Ֆեդերացիայի հաջողությունների եւ առաջիկա մրցաշարի մասին

Այսօր «Ազդակ» լրագրողական ակումբը կրկին լի էր տարբեր լրատվամիջոցներով, իսկ ասուլիս թեման նվիրված էր Հայաստանի հանրապետությունում Ռեստորանային սպորտի արձանագրած հաջողություններին, կարեւորությանը եւ առաջիկա մրցաշարերի անցկացմանը:

Ասուլիսի բանախոսներն էին աշխատանքային այցով ՀՀ-ում գտնվող Ռեստորանային սպորտի համաշխարային ֆեդերացիայի նախագահ Ալեքս Ռաբինովիչը, Ռեստորանային սպորտի Հայաստանի ֆեդերացիայի նախագահ Հայկ Բաբուխանյանը եւ Հայաստանի ֆեդերացիայի փոխնախագահ, Հայ խոհարարական ավանդույթների պահպանման եւ զարգացման ՀԿ նախագահ Սեդրակ Մամուլյանը:

Բացման խոսքով նախ հանդես եկավ Ռեստորանային սպորտի համաշխարային ֆեդերացիայի նախագահ Ալեքս Ռաբինովիչը, ով նախ նկատեց.

-Շատ ուրախ եմ, որ կրկին անգամ գտնվում եմ Հայաստանում, կրկնակի ուրախ եմ, որ չնայած կարճ ժամանակահատվածին Ռեստորանային սպորտի Հայաստանի ֆեդերացիան արդեն իսկ հասել է բավականին հաջողությունների: Սիրով պետք է տեղեկացնեմ, որ մենք արդեն իսկ նոր մրցաշար ենք ծրագրել: 2022թ.-ի հոկտեմբերի-8-ին անց է կացվելու է ՀՀ-ի բաց մրցաշար, որը վստահ եմ անց է կացվելու ամենաբարձր մակարդակով:

Ռեստորանային սպորտի Հայաստանի ֆեդերացիայի նախագահ Հայկ Բաբուխանյանն էլ ամփոփելով ֆեդերացիայի արձանագրած հաջողությունները եւ վերը նշված մրցաշարի մանրամասները փաստեց.

-Նախ ներկայացնեմ, որ մեր ֆեդերացիան գործում է արդեն երեք տարի, երկու անգամ մասնակցել ենք աշխարհի առաջնությունների` այս տարի գրավել ենք երրորդ տեղը, իսկ նախորդ տարի` երկրորդ, ինչը բավականին լավ ցուցանիշ է հաշվի առնելով այն փաստը, որ ֆեդերացիան դեռ կարճ ժամանակ է ինչ գործում է ՀՀ-ում:

Այս տարվա ընթացքում եւս աշխատել ենք ֆեդերացիայի զարգացմանը միտված, բավականին արդյունավետ կերպով համագործակցել ենք  ֆեդերացիայի փոխնախագահ Սեդրակ Մամուլյանի հիմնած «Հայ խոհարարական ավանդույթների պահպանման եւ զարգացման» ՀԿ-ի հետ: Ֆեդերացիան իր գործունեությամբ թույլ է տալիս հայկական ազգային կերակուրները ներկայացնել ոչ միայն տարածաշրջանում, այլ նաեւ միջազգային հարթակներում, ինչը մեծապես նպաստում է ՀՀ-ի վարկանիշի բարձրացմանը:

Ասեմ, որ պարոն Ռաբինովիչի հետ միասին հասել ենք նրան, որ Ռեստորանային սպորտի համաշխարային ֆեդերացիան ՀՀ-ին արտոնեց անցկացնել բաց առաջնություն, որին մասնակցելու են ոչ միայն ՀՀ-ի տարբեր մարզերի ներկայացուցիչներ, ներկայացուցիչներ Արցախից, այլ նաեւ այլ երկրների ներկայացուցիչներ: Այս պահին ունենք արդեն հստակ պայմանավորվածություն ՌԴ-ի եւ Իսրայելի մասնակցության վերաբերյալ:

Տեղեկացնեմ նաեւ, որ երեկ «Հայ խոհարարական ավանդույթների պահպանման եւ զարգացման» ՀԿ-ի հետ հանդիպման ընթացքում ձեռք բերվեց պայմնավորվածությունը, որ Ռեստորանային սպորտի Հայաստանի ֆեդերացիայի հետ կհամագործակցի նաեւ ՀՀ Տուրիզմի ֆեդերացիան: Որովհետեւ մեր գործունեությունը միտված է ոչ միայն ռեստորանային սպորտի զարգացմանը ՀՀ-ում` ներկայացնելով ազգային կերակրատեսակները աշխարհով մեկ, այլ նաեւ մեր գործունեությունը ինքնին կարող է նպաստել զբոսաշրջության զարգացմանը: Որովհետեւ ինչքան շատ մարդիկ իմանան, որ ՀՀ-ում կան ազգային կերակրատեսակներ, բնականաբար այդքան մարդ կհետաքրքրվի մեր երկրի այլ  պատմամշակութային հարստություններով:

Ռեստորանային սպորտի Հայաստանի ֆեդերացիայի փոխնախագահ ՍԵԴՐԱԿ ՄԱՄՈՒԼՅԱՆՆ էլ իր խոսքում ընդգծեց.

-Ռեստորանային սպորտի Հայաստանի ֆեդերացիայի մուտքը ՀՀ մեծապես նպաստել ազգային խոհանոցի տարածմանը աշխարհով մեկ: Այս պահին ես բանակցություններ եմ վարում գինի արտադրող ընկերությունների հետ, որովհետեւ մրցաշարերի ընթացքում նկատելի էր, որ մենք կոնկրետ գինու մասնագետների առումով փոքր-ինչ կաղում ենք: Սա է նաեւ պատճառը, որ մենք մինչ այս զբաղեցրել ենք երկրորդ եւ երրորդ տեղերը: Իսկ ընդհանուր առմամբ ֆեդերացիան ինքնին լայն հարթակ է ընձեռնում ոչ միայն ազգային խոհանոցը աշխարհին ճանաչելի դարձնելու առումով, այլ նաեւ խոհարարական մասնագիտական կրթության զարգացման համար:

Iravunk.com