Ալեն Սիմոնյանը կարողանում է երկու հարյուր հազար դոլարանոց մեքենա քշի, իսկ վիրավոր զինվորի 13 միլիոնանոց վիրահատությունը թողնում եք ծնողի վրա՞. էս ա Ձեր պետությունը

Ալեն Սիմոնյանը կարողանում է երկու հարյուր հազարան դոլարանոց մեքենա քշի, իսկ վիրավոր զինվորի 13 միլիոնանոց վիրահատությունը թողնում եք ծնողի վրա՞, էսա Ձեր պետությունը

44-օրյա պատերազմի կենդանի Հերոս Ժորա Մովսիսյանը, ով ծառայել Մարտակերտի շրջանի Ներքի Հորաթաղ գյուղում, որպես հակատանկիստ. այսօր ծանր կացության մեջ է հայտնվել ու շարունակում է անտեսվել ու անտարբերության մատնվել պետության կողմից:

Պատերազմի դաժանությունը սեփական մաշկի վրա զգացած հերոսը ծանր վիրավորում է ստացել Սմերչի հարվածից։ Ի թիվս մի շարք ծանր վիրավորումների (-լուսանկարները խոսուն փաստ․ Հեղ․Ն. Ա ) մեր հերոսի մարմնի մեջ մինչ օրս բացակայում է արմունկը։
«Պետք է վիրահատեին արմունկը, դրսից բժիշկներ պետք է գային, բայց պետությունը չի հովանավորում դրսի մասնագետներին, իսկ Հայաստանում այդ վիրահատությունը չեն իրականացնում՝ պրոթեզ պետք է դրվի ձեռքի մեջ։ Հիմա ձեռքը մի վիճակով ֆիքսված է, մատներն է շարժում մի թեթեւ։ Բայց էսքանով հանդերձ որդիս սովորում է Պոլիտեխնիկի երկրորդ կուրսում։ Օրերս էլ հայտարարել են, որ իր իր նման տղաների համար զեղչ չկա։ Ավելին, պարտադրում են, որ բերեք վարձը մուծեք, որ լիկվիդ չմնա, ասելով որ եթե չմուծենք՝ քննություններից կտրելու են»,-վրդովված Newsmedia.am էլ․ օրաթերթի թղթակցի հետ զրույցում ասաց Հերոսի հայրիկը՝ Հակոբ Մովսիսյանը։

-Կոնկրետ ռեկտորն է՞ նման բան ասում պարոն Մովսիսյան։

-Այո, կոնկրետ ռեկտորն է ասում, որ իրենք հրաման չունեն, որ նման տղաներին զեղչ անենք։ Հետո էլ ասում են թե լավության կարգով գիտեք ինչ կա… մենք մեզնով որոշել ենք Ձեզ օգնենք հետեւյալ կերպ․ բերեք ամեն ամիս 44 հազար մուծեք, որ հեշտ լինի։
Էսօր տղաս մոտեցել է, ասել են մենք ոչ մի բան չենք կարող անել, առաջին, երկրորդ կարգի տղերքը էնքան շատ են, որ մենք չգիտենք, որին զեղչենք։ Հետո էլ մունաթ ա եկել, թե մենք մեր ջեբից ենք փող դնում, որ մի կերպ օգնենք։ Ասում են հիմա մուծի. մինչեւ երկրորդ կիսամյակը գա, տենանք ինչ կլինի՝ մի բան կանենք։ Լավ, ես չեմ հասկանում էս հայրենիքը էս Տղերքի համար չի՞, ովքեր իրենց կյանքն ու առողջություն են դրել հանուն հայրենիքի, ոչ մի պարտավորվածություն չունի՞ փաստորեն պետություն ասվածը։
Գիտեք, հարցը մենակ Տղայիս չի վերաբերում, ես կողքից շատ մարդկանց եմ լսում, որ նման խնդրի առաջ են կանգնում:

Մենք էլի մեր էրեխեքի խաթեր կարանք մի կերպ վճարենք վարձը, բայց հարցը նրանում է, որ մարդուն, կներեք, «էշի տեղ են դնում»։ Լավ, պետություն էս էրեխեքը Ձեզ համար հե՞չ բան էին, Ալեն Սիմոնյանը կարողանում է երկու հարյուր հազար դոլարանոց մեքենա քշի, իսկ վիրավոր զինվորի 13 միլիոնանոց վիրահատությունը թողնում եք ծնողի վրա՞էսա Ձեր պետությունը։

ՆՈՆԱ ԱԴԱՄՅԱՆ 

NewsMedia.am 

Լուրեր ՀԱյաստանից եւ Աշխարհից