Գնդապետի գումարտակը Խծաբերդի դիրքեր է ուղարկվել անօրինական հրամանով, դիտավորությամբ գերության մեջ ընկնելու համար. Փաստաբանը բացառիկ մանրամասներ է ներկայացնում

Հադրութի շրջանի Հին Թաղեր և Խծաբերդ տարածքներում 62 շիրակցիների գերեվարման գործով որպես մեղադրյալ անցնող փոխգնդապետ Արսեն Ղազարյանի փաստաբան Վահան Հովհաննիսյանը հրապարակել է 2020 թվականի դեկտեմբերին Խծաբերդի հատվածից գերեվարված 62 շիրակցի հայ զինծառայողներից մի քանիսի (ովքեր արդեն հայրենադարձվել են) ցուցմունքները, որտեղ վերջիններս խոստովանում են, որ զինված հանձնվել են ադրբեջանական «Յաշմա» ջոկատի 4-6 հոգանոց զինվորականների: Փաստաբանը մեջբերում է գերությունից վերադարձածների ցուցմունքները բաացի. « Տուժող Վ․Մ-ն ցուցմունք է տվել այն մասին, որ իջնելով դիրքերից հանդիպել են 6-7 ,,Յաշմա,, ջոկատի թուրք զիվորականների, որոնք առաջարկել են հանձնվել և իրենք հանձնվել են»:  

Տուժող Ե․Ա-ն էլ ցուցմունք է տվել այն մասին, որ «Հասնելով մի ինչ որ անծանոթ տարածք՝ մեր դիմաց դուրս են եկել Ադրբեջանական հատուկ ջոկատայինները, այսպես կոչվող «Յաշմա» ջոկատայինները՝ մոտ 6-8 հոգի, ովքեր մեզ ներկայացան որպես ջոկատի զինծառայողներ: Հիշյալ անձինք մեզ նկատելով իրենց զենքերը պահել են մեր ուղղությամբ և առաջարկել են հանձնել մեզ մոտ եղած զենքերը, զինամթերքը և զրահաբաճկոնները»:

Իսկ ի՞նչ ընթացքում է առհասարակ վերը նշված գործի քննությունը, ներգրավվե՞լ են արդյոք նոր մեղադրալներ եւ այլ ուշագրավ հարցերի շուրջ «Իրավունքը» զրուցել է անձամբ փաստաբան Վահան Հովհաննիսյանի հետ.

-Պարոն Հովհաննիսյան, ի՞նչ ընթացքի մեջ է Խծաբերդի գործով կալանավորված Ձեր պաշտպանյալի մասով քր. գործը:

-Մենք բազմաթիվ միջնորդություններ ենք ներկայացրել վարույթն իրականացնող մարմնին։ Դրանք բավարարելու և համապատասխան քննչական գործողություններ կատարելու դեպքում ի հայտ է գալու ճշմարտությունը, ինչը՝ ձեռնտու չէ նրանց։ Հիմա մի փոք մանրամասնեմ. Ա․Ղազարյանին առաջադրված մեղադրանքի որոշման համաձայն՝ Ա․Ղազարյանին մեղսագրվում են այնպիսի առերևույթ հանցավոր արարքներ, որոնք տեղի են ունեցել 2020թ. նոյեմբերի 9-ին եռակողմ համաձայնագրի կնքումից հետո, սակայն հարկ է փաստել, որ Ա․Ղազարյանի հրամանատարության տակ գտնվող ՀՀ ՊՆ 69334 զորամասի 2-րդ տանկային աշտարակների գումարտակը ոչ միայն չի հանդիսացել հրաձգային գումարտակ և որպես այդպիսին՝ իր կազմով, համալրմամբ, սպառազինությամբ, մարտական գործողությունների կատարման համար անհրաժեշտ պատրաստությամբ չէր կարող տվյալ մարտական իրավիճակում պատշաճ մարտական առաջադրանք կատարել Արցախի Հանրապետության Հադրութի շրջանի Խծաբերդ գյուղի մարտական դիրքերում, այլև՝ հիշյալ գումարտակը չէր կարող տեղակայվել այդ դիրքերում։ 2020թ. նոյեմբերի 9-ի եռակողմ համաձայնագրի 3-րդ կետի համաձայն ․ ,, Լեռնային Ղարաբաղում շփման գծի երկայնքով և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորախումբ,․․․,։ Ասյպիսով, համաձայնագրից բխում է, որ շփման գծի երկայնքով, հետևաբար նաև Արցախի Հանրապետության Հադրութի շրջանի Խծաբերդ գյուղի մարտական դիրքերում պետք է տեղակայվեին Ռուսաստանի Դաշնության խաղաղապահ ուժեր, քանի որ նույն այդ համաձայնագրով չի սահմանվում, որ նոյեմբերի 9-ի համաձայնագրից հետո շփման գծի երկայնքով պետք է տեղակայվեր ՀՀ ՊՆ 69334 զորամասի 2-րդ տանկային աշտարակների գումարտակը։ Ա․Ղազարյանի ղեկավարած գումարտակը Արցախի Հանրապետության Հադրութի շրջանի Խծաբերդ գյուղի մարտական դիրքեր է ուղարկվել անօրինական հրամանների, հրահանգների կամ կարգադրությունների արդյունքում։ Պաշտպանական կողմի կարծիքով դրա միակ նպատակն է հանդիսացել իրենց անելանելի վիճակի մեջ դնելով, գերի ենթարկելը՝ հետագայում որոշակի քարտեզների հետ փոխանակելու նպատակով; Ընդ որոմ․ մարտական դիրքերից հետ քաշվելուց հետո, Ա․Ղազարյանը զրուցել է գեներալներ Մուրադովի և Դավիդովի հետ, ովէեր ևս տարակուսանք են հայտնել հայկական զորքերի՝ Խծաբերդում գտնվելու կապակցությամբ:

-Պարոն Հովհաննիսյանը, նույն գործի շրջանակներում կա՞ն նոր մեղադրյալներ, եթե ոչ, ապա ինչո՞վ եք դա պայմանավորում։

-Ա․Ղազարյանը դիմում է ներկայացրել ՀՀ ԱԱԾ՝ խնդրելով գործի քննությունն իրականացնել ԱԱԾ-ում։ Մասնավորապես դիմումով նշել է, որ օրեր շարունակ թշնամու կուտակումների մասին զեկուցել է վերադաս հրամանատարությանը, խնդրել լրացուցիչ ուժեր և սպառազինություն, սակայն այդպիսիք չեն տրամադրվել։ Դիրքերից վերադառնալուց հետո հանդիպել է ,,Բերձոր,, զորամիավորման հրամանատարին, հարցրել թե ի պատասխան իր բազմաթիվ խնդրանքների ինչու լրացուցիչ ուժեր չեն ուղարկվել, ինչին վերջինս պատասխանել է, որ իրեն թույլ չեն տվել զորքեր ուղարկել։ Ի հիմնավորումն հիշյալի Ա․Ղազարյանի կողմից ներկայացվել են նաև մարտավարական քարտեզներ։ Այնուհանդերձ ԱԱԾ-ն ընթացք չի տվել դիմումին և այն ուղարկել է վարույթն իրականացնող մարմնին։

մանրամասները՝

Iravunk.com-ում:

Զրույցը՝ԻԼՈՆԱ ԱԶԱՐՅԱՆԻ