Ճիշտ քաղաքականություն, սկզբունքայնություն, արժանապատվություն եւ խելք՝ սրանք են մեր փրկության բանաձեւի բաղադրիչները․ Արցախի ԱԳՆ նախարար Դավիթ Բաբայան

Ինչպե՞ս է ամփոփում տարին հայրենի Արցախը, ի՞նչ խնդիրներով է մուտք գործում 2022թվական, ի՞նչ ակնկալիքներ ունենք արտաքին եւ ներքին մարտահրավերների առումով, ինչպե՞ս են տեսնում արցախի մեր հայրենակիցները Արցախի հարցի վերջնական կարգավորումը հարցերի պատասխանը <<Իրավունքը>> փորձել է ստանալ Արցախի հանրապետության Արտաքին գործերի նախարար ԴԱՎԻԹ ԲԱԲԱՅԱՆԻՑ, ով ամփոփելով անցնող տարին նախ փաստեց․

-Ընդհանուր առմամբ 2021թվականը արցախի հանրապետության համար ապաքինման տարի էր։ 44-օրյա պատերազմի ընթացքում՝ թուրք-ադրբեջանական  ահաբեկիչների լայնածավալ հարձակումից հետո, Արցախը գտնվում էր վերակենդանացման բաժանմունքում։ 2021թվականին կարելի է ասել, որ Արցախը վերակենդանացման բաժանմունքից տեղափոխվեց ինտենսիվ թերապիայի բաժանմունքը։ Բայց բնական է, որ դեռ շատ ու շատ անելիքներ ունենք իրականացնելու։ Ինչը նշանակում է, որ դեռ շատ ու շատ անելիքներ ունենք իրականացնելու, որպեսզի կարողանանք Արցախի փրկության գործընթացը հասցնել արժանապատիվ ավարտին։ Պետք է ամեն ինչ անենք Արցախի փրկությունը հաջողությամբ ավարտելու համար։

-Ի՞նչ հիմնական խնդիրներով եք ավարտում տարին պարոն Բաբայան, որոնք դեռեւս լուծված չեն։

-Արցախցու հիմնական եւ կարեւորագույն խնդիրը այսօր մեկն է՝ անվտանգությունը։ Պետք է անենք հնարավորն ու անհնարը պահպաննելու մեր Արցախը, որովհետեւ դրանից է կախված մեր ապագան։ Իսկ դրա համար մեզ անհրաժեշտ է ճիշտ քաղաքականություն, սկզբունքայնություն, արժանապատվություն եւ խելք, սրանք են մեր փրկության բանաձեւի բաղադրիչները։

-Պարոն Բաբայան, ի՞նչ ակնկալիքներ ունենք արդեն 2022թվականից։

-Նախեւառաջ անհրաժեշտ է լինելու շարունակելու պայքարը, այլ տարբերակ չունենք եւ երբեք չհուսահատվենք։ Չմոառանանք, որ հենց մեզանից է կախված վաղվա մեր ապագան։

-Պարոն Բաբայան, ինչպե՞ս եք տեսնում Արցախի հարցի վերջնական լուծումը ստեղծված իրավիճակում։

-Երբ խոսում ենք վերջնական լուծման մասին պետք է արձանագրենք հետեւյալը․մեզ համար այն վերջնականապես լուծված է։ Մենք երբեք չենք լինելու Ադրբեջանի կազմում թող բոլորը սա իմանան։ Մնացածը, թե երբ կճանաչեն, չեն ճանաչի՝ սա արդեն երկրորդական խնդիրներ են, երբ մենք համեմատում ենք գերխնդրի հետ։

Մենք երբեք չենք հիասթափվելու, չենք կոտրվելու, չենք հուսահատվելու եւ ամուր կանգնած ենք ենք լինելու Արցախ աշխարհի մեր դիրքերում։

Զրույցը՝ ԻԼՈՆԱ ԱԶԱՐՅԱՆԻ