«Մա՛մ, արագացրու հեսա տասներկուսը կխփի միասին պիտի լինենք չէ». Ինչպես էր Ամանորին պատրաստվում մեր Ռիժիկը

Տարեմուտին ընդառաջ «Իրավունքը» սկսում է շարք նվիրված մեր` ապրելու իրավունքի համար իրենց կյանքը զոհած Տղաներին: Մենք փորձելու ենք ամանորին ընդառաջ ապրեցնել եւ մեկ անգամ եւս հիշել մեր ՏՂԱՆԵՐԻՆ: Մասնավորապես, հերոսածին ծնողներից փորձելու ենք հետաքրքրվել, թե ինչպես էին մեր ԱՆՄԱՀՆԵՐԸ  պատրաստվում Ամանորին և, որն՞ էր ամանորյա սեղանի նրանցից յուրաքանչյուրի ամենասիրելի ուտեստը:

Սեպտեմբերի 27-ին սկսած ադրբեջանական ագրեսիան հետ մղելու ընթացքում հերոսաբար զոհված, օրերս 21-ամյակը լրացած ՀԱՅԿ ՍԱՀԱԿՅԱՆԸ մայրիկը` հերոսածին Աստղիկ Հովհաննիսյանը առանձնահատուկ ժպիտով է հիշում հերոս որդու Ամանորին նախապատրաստվելը.

-Վայ ՀԱՅԿՍ շատ էր սիրում ընտանեկան բոլոր տոները: Ամանորյա պատրաստություններին էր մասնակցում էր իր ձևով ` ոգևորված, աժոտաժով։ Տասերկուին պարտադիր պիտի բոլորս սեղանի կողքը լինեինք, եթե ուշանում էի ուտեստները սեղանին հասցնելու պատճառով շտապեց ում էր, թե «Մա՛մ, արագացրու հեսա տասերկուսը կխփի միասին պիտի լինենք չէ»: Ուտեստներից սիրում էր ամեն ինչ ու շատ հետաքրքիր էր օգտվում սեղանից։ Մեծ ափսեի մեջ փոքր փոքր չափաբաժիններով վերցնում էր տեսականուց ու պարտադիր օգտվում էր դանակ պատառաքաղով (դեռ մանկուց )։ Դե վերջում ինչպես միշտ ասում էր . «Շնորհակալություն, շատ համեղ էր.(դա մեր տանը ընդունված սովորույթ է մայրս է այդպես դաստիարակել թոռների)»:

ԻԼՈՆԱ ԱԶԱՐՅԱՆ

Iravunk.com