Մահակով եւ հակագազով ցուցմունք կորզելու Տեսանյութի հիման վրա հարուցված քրեական գործի հետքերով.դատական նիստերը շարունակում են հետաձգել

NewsMedia.am-ի զրուցակիցն է (Հայտնին Սկանդալային Տեսանյութի՝մահակով եւ հակագազով խոշտանգման ենթարկված տղամարդու) Արմեն Մարտիրոսյանի բարեկամուհի Մերի Գրիգորյանը:

-Հարգելի Մերի, 2019 թ. NewsMedia.am էլ օրաթերթը հրապարկել էր. «Հայրենի ոստիկանները մահակով ու հակագազով ցուցմունք են կորզում» վերտառությամբ այլեւս հայտնի մի տեսանյութ, որում երեւում էր, թե ինչպես են մի քանի հոգի բռնություն գործադրում քաղաքացու նկատմամբ(խոսքը Ձեր բարեկամ Ա. Մարտիրոսյանի մասին է):

Տեսանյութի հիման վրա ՀՔԾ-ում հարուցվեց քրեական գործ ՀՀ ՔՕ-ի 309-րդ հոդվածի 2-րդ մասով (պաշտոնեական լիազորություններն անցնելը, որը զուգորդվել է բռնություն գործադրելով)։ Նույն հոդվածով մեղադրանք առաջադրվեց ՀՀ ոստիկանության Երեւան քաղաքի վարչության Արաբկիրի բաժնի քրեական հետախուզության բաժանմունքի նախկին պետ Վաչագան Ներսիսյանին եւ նույն բաժնի նախկին ավագ օպերլիազոր Նարեկ Սիմոնյանին.ինչպես նաեւ կասեցվեցին վերջինիս լիազորությունները:
Այժմ գործը մտել է բավականին ուշագրավ փուլ, եւ հետաքրքիր է իմանալ թե ինչքանո՞վ եք գոհ դատական գործընթացից: Ի՞նչ ընթացքի մեջ են դատական նիստերը,կմանրամասնե՞ք:

-Անկեղծ ասած՝ ավելի վատ լինել չէր կարող։ Դատական հաջորդ նիստը հետաձգվել է հունվարի 17 -ին։ Վերջին նիստը հետաձգվեց այն պատճառով, որ մեղադրվող կողմի պաշտպանյալները կովիդով հիվանդ են։ Մի տեսակ
անահավատալի է թվում , քանի որ առաջին անգամ չէ, որ իրենց պատճառով հետաձգվում է դատական նիստը։ Եվ վերջիվերջո, ով իմանա. այս անպատժելիության պայմաններում նրանց համար թերեւս կարող է դժվար չլինել հիվանդության դրական տեստ գնելը կամ ձեռք բերելը՝ հաշվի առնելով իրենց կապերը։

-Ի դեպ Դուք, որպես մեղադրյալի բարեկամ, ունե՞ք նրա անձի անվտանգության հետ կապված անհանգստություններ, քանի որ վճռորոշ են լինելու հաջորդ դատական նիստերը հատկապես:

-Այո, իհարկե ունեմ։ Տեսեք, մենք 3-րդ տարին ենք թեվակոխում խոշտանգման տեսանյութը համացանցում հայտնվելուց հետո, բայց դատական նիստերը դեռ շարունակվում են ձգձգվել:
Սա մի մեծ հոգեբանական ու ռեալ ճնշում է. թե՛ անազատության մեջ գտնվող իմ բարեկամի վրա, եւ թե՛ նրա հարազատների ։ Եվ հետո չմոռանանք ամենակարեւորի մասին, որ իմ բարեկամին խոշտանգողները եղել են չորսը.մինչդեռ քրեական հետապնդում իրականացվում է երկուսի ուղղությամբ: Եւ չգիտես ինչու եւ ինչպես՝ մյուս երկուսի նկատմամբ լռություն է. քրեական հետապնդում չկա: Երեւի նրանք անհայտ այլմոլորակայիններ են , ՀՀ պատկան մարմիններն ու ուժայինները հավանաբար ի զորու չեն դրանց գտնելու եւ պատասխանատվության ենթարկելու։ Եւ երրորդն այնն է, որ իմ բարեկամը դեռ գտնվում է անազատության մեջ։ ՀՀ օրենքով դիտավորությամբ իրեն դատապարտել են 10 տարի 2 ամիս,իսկ երկրորդ գործով՝ ժամկետի ուղիղ կեսի չափով կրել է պատիժը, ու հիմա իրեն պատժի կրման ոչ մի փոփոխություն առայժմ չկա:
Այս մասին ես պատրաստվում եմ գրել Եվրոպական համապատասխան ատյաններին, քանի որ ՀՀ-ում արդարադատության, մարդու իրավունքների ինստիտուտի նկատմամբ կա ընդգծված անտարբերություն:

-Կա՞ն առանձնահատուկ մտահոգություններ ՝ կապված դատական գործի ընթացքի հետ։

-Ասեմ. դատահոգեբանական փորձաքննության արդյունքներին ես հայտնում եմ իմ բացարձակ անվստահությունն ու մերժումը։ Չգիտեմ, ովքե՞ր են եղել այդ հոգեբանները. ի՞նչ մասնագիտական հմտություններով, ի՞նչ փորձով, ի՞նչ տարիքի, իի՞նչ մեխանիզմներով են անցկացրել փորձաքննությունը.սա է պետք հասկանալ:

Ովքեր ե՞ն վերահսկում հենց իրենց՝ դատահոգեբանական փորձաքննությունն իրականացնողներին։ Ճնշումներ եղել ե՞ն իրենց վրա, թե ոչ, հասկացե՞լ են գործի հույժ կարեւորությունը, թե՞ ոչ: Սրանք հարցեր են՝որոնք պատասխաններ են ուզում:
Մի խոսքով, անհայտություն։ Մի փոքր հուսադրող է այն, որ վերաքննիչը մերժել է քրեական հետապնդումը դադարեցնելու մասին մեղադրվող կողմի դիմումը։

Հ. Գ

Հիշեցնենք՝ 2019 թ. NewsMedia.am էլ օրաթերթը հրապարկել էր . «Հայրենի ոստիկանները մահակով ու հակագազով ցուցմունք են կորզում» վերտառությամբ մի տեսանյութ, որում երեւում էր, թե ինչպես են մի քանի հոգի բռնություն գործադրում քաղաքացու նկատմամբ: Տեսանյութի հիման վրա ՀՔԾ-ում հարուցվեց քրեական գործ ՀՀ ՔՕ-ի 309-րդ հոդվածի 2-րդ մասով (պաշտոնեական լիազորություններն անցնելը, որը զուգորդվել է բռնություն գործադրելով)։ Նույն հոդվածով մեղադրանք առաջադրվեց ՀՀ ոստիկանության Երեւան քաղաքի վարչության Արաբկիրի բաժնի քրեական հետախուզության բաժանմունքի նախկին պետ Վաչագան Ներսիսյանին եւ նույն բաժնի նախկին ավագ օպերլիազոր Նարեկ Սիմոնյանին, որը այժմ Ճամբարակի բաժնի պետն է, նրա լիազորությունները կասեցված են: Նախաքննության ընթացքում պարզվեց նաեւ ենթադրյալ բռնության ենթարկված անձի ինքնությունը, որը ճանաչվեց տուժող։ Նշենք, որ երկու մեղադրյալների վերաբերյալ գործի նախաքննությունը ավարտվել է.իսկ գործն ուղարկվել էր դատարան, եւ մակագրվել Երեւանի ընդհանուր իրավասության դատարանի Ավան եւ Նոր Նորք նստավայրի դատավոր Վարդան Լ. Գրիգորյանին:

ԽՈՇՏԱՆԳՄԱՆ ՀԱՅՏՆԻ ՏԵՍԱՆՅՈՒԹԸ՝ԱՅՍՏԵՂ