Մի օր պիտի էս թշնամանքը վերանա՞, թե՞ չէ, Գագիկ Մելքոնյանը Չավուշօղլուի՝ ՀՀ ԱԳՆ նախարարի հետ ընկերներ լինելու մասին

ՀՀ պաշտպանության նախկին փոխնախարար, <<Իմ քայլը>> խմբակցության պատգամավոր Գագիկ Մելքոնյանից <<Իրավունքը>> փորձել է հետաքրքրվել, թե ինչպե՞ս է պատկերացնում ցեղասպան թուրքի հետ բարեկամական հարաբերությունների հաստատումը , երբ թշնամին առիթը չի կորցնում մեզ նվաստացնելու ու ցավեցնելու համար։ Եվ ահա պատգամավորի պատասխանը առավել, քան զարմանալի էր, վերջինիս խոսքերով․

-Դե օրերից մի օր պիտի էս թշնամանքը վերանա, թե չէ։ Բայց, հլը որ մենք պետք է զգոն լինենք, հասկանանք, որ մեր դիմացը մի պետություն է, որը համարվում է ամենաուժեղ դիվանագիտական հմտություններին տիրապետող պետություններից մեկը։ Հիմա, Հայաստանի եւ Թուրքիայի ներկայացուցիչների առաջին հանդիպումից հետո արդեն կերեւա, թե ինչն ինչոց է, թե ինչ են ուզում էդ մարդիկ մեզնից։ Քանի դեռ առաջին հանդիպումը չի եղել, հլը շուտա բան խոսել, տենանք ինչ են ասում, հետո խոսանք։

-Պարոն Մելքոնյան, հնարավո՞ր է, որ հարաբերություններ հաստատելու գինը լինի՝ ցեղասպանության ճանաչման հարցից հրաժարվելը։

-Ուրեմն նախ նախապայման չկա, իրանք ասում են առանց նախապայմանի նստենք խոսանք։ Էդ ընթացքում նոր կերեւա էդ պայմանները կա-չկան։

-Բայց ամեն դեպքում Ցեղասպանության հարցը մնալո՞ւ է օրակարգում

-Ոչ ոք չգիտի, մեկը մեկի հետ վաբշե կապ չունի։ Հիմի էս մարդիկ ասում են եկեք նստենք խոսենք։ Կխոսենք՝ կհասկանանք։

-Նկատի ունեմ, եթե Թուրքիան ասի, որ Հայոց ցեղասպանության հարցը մոռանում եք, հայկական կողմը կգնա՞ նման զիջման։

-Եկեք համբերություն ունենանք, հունվարի 14-ը սարերի հետում չի, սպասենք, հասկանանք էդ մարդկանց նպատակները։

-Ի դեպ, Թուրքիայի արտգործանախարարը հայտարարել էր, որ ՀՀ ԱԳՆ նախարարի հետ ընկերներ են դարձել։ Սա ինչպե՞ս կմեկնաբանեք։

-Բա լավ չի, մինչեւ էս մենք միջնորդ պետություն էինք գտնում, որ Թուրքիայի հետ նստենք կլոր սեղանի շուրջ խոսենք։ Հիմա էս մարդիկ ենք կողմ, Չավուշօղլուն էլ գիտեք հին, աֆերիստ դիվանագետա էդ հաշվի առեք է։

Շարունակությունը՝սկզբնաղբյուրում

Զրույցը՝ԻԼՈՆԱ ԱԶԱՐՅԱՆԻ