Ես շարունակում եմ պնդել, որ Պաշտպանության նախարար Սուրեն Պապիկյանը, ի տարբերություն նրանից նախորդների` ունակ է գործել ի նպաստ բանակի

«Ես շարունակում եմ պնդել, որ Պաշտպանության նախարար Սուրեն Պապիկյանը, ի տարբերություն նրանից նախորդների` ունակ է գործել ի նպաստ բանակի: Եվ այն, որ նրան չենք տեսնում ինչ-ինչ հայտարարություններ անելիս, եւ, ըստ իս խոսում է այն մասին, որ նա աշխատում է, զբաղված է իր գործով: Հավատում եմ, որ ՊՆ նախարարը իսկապես գործում է ի շահ բանակի»,-«Իրավունքի» հետ զրույցում անդրադառնալով ՀՀ Պաշտպանության նախարար Սուրեն Պապիկյանի նշանակմանը, նման տեսակետ էր հայտնել ՀՀ ԶՈՒ գլխավոր շտաբի նախկին պետ, նախկին գլխավոր ռազմական տեսուչ, գեներալ-գնդապետ Մովսես Հակոբյանը:

Հիմա ամիսներ անց, արդյո՞ք վերջինս շարունակում է մնալ նույն տեսակետին «Իրավունքը» կրկին փորձեց հետաքրքրվել նույն Մովսես Հակոբյանից, ով վերահաստատեց իր նախորդ տեսակետը.

-Այ՛ո, ես շարունակում եմ մնալ նույն տեսակետին, Պապիկյանի կադրային փոփոխությունները խոսում են այն մասին, որ նա ճիշտ ուղղու վրա է: Իհարկե, ներսից չեմ տիրապետում ինֆորմացիաների, բայց այնքանով ինչքանով տեսանելի է, ինձ թույլ է տալիս մտածել, որ չեմ սխալվել:

-Եթե Ձեզ առաջարկ լինի վերադառնալ Պաշտպանության նախարարություն` կվերադառնա՞ք:

-Ոչ:

-Ինչո՞ւ:

-Բացառապես նրա համար, որ առողջական վիճակս չի ներում:

-Պարոն Հակոբյան, եթե դեմ չեք Ձեզ մի քանի բլից հարցեր ուղղենք:

-Խնդրեմ:

-Պարոն Հակոբյան, ինչի՞ համար եք ափսոսում:

-Արցախի կորստի:

-Ի՞նչ է Արցախը Ձեզ համար:

-Իմ զավակը, դե պատկերացրեք իմ ցավը:

-Ի՞նչ է զինվորը Ձեզ համար:

-Իմ պարծանքը:

-Ընտանիքը Ձեզ համար:

-Չեմ պատասխանի:

-Երջանկության Ձեր բանաձեւը:

-Չունեմ:

Այլ ուշագրավ պատասխաններ՝Iravunk.com-ում:

Զրույցը՝ԻԼՈՆԱ ԱԶԱՐՅԱՆԻ