Սիրված ղեկավար, օրինակելի կին եւ հմայիչ հայուհի. «Հայբուսակ» համալսարանի «Բժշկական ինստիտուտի» տնօրեն Յանինա Մարինոսյանը տարվա կրթական ծրագրերի լավագույն կազմակերպիչ

«Իրավունք» թերթը շարունակելով իր լավագույն ավանդույթները` այս տարի եւս հաշվի առնելով բազմաթիվ ընթերցողների կարծիքները, ամփոփելով նախորդ` 2021 թվականը, ստացել բազում զանգեր խմբագրություն եւ ընտրել է տարվա ընթացքում իրենց գործունեությամբ, տարբեր բնագավառներում աչքի ընկած լավագույն մասնագետներին: Եվ այսպես, «Իրավունք» թերթի բազմաթիվ ընթերցողների քվեարկությամբ 2021 թվականի կրթական ծրագրերի լավագույն կազմակերպիչ է ճանաչվել ինչպես ՀՀ-ում, այնպես էլ ՀՀ-ից դուրս լայն ճանաչում ձեռք բերած «Հայբուսակ» համալսարանի «Բժշկական ինստիտուտի» տնօրեն, հաջողական կին ղեկավար ՅԱՆԻՆԱ ՄԱՐԻՆՈՍՅԱՆԸ:

Լավագույնի պատվոգիրը տիկին Մարինոսյանին հանձնվեց «Իրավունք TV»-ի եթերում: Հաղորդման ընթացքում տիկին Մարինոսյանից փորձել ենք հետաքրքրվել, թե որն՞ է ինչպես «Հայբուսակ» համալսարանի, այնպես կոնկրետ «Բժշկական ինստիտուտի» հաջողության գրավականը:

-Անկեղծ ասած «Հայբուսակը» ներկայացնելու կարիք չունի, մեր բուհը արտացոլում է պետական եւ մասնավոր բուհերի լավագույն բնորոշիչները: Ինչ վերաբերում  «Բժշկական ինստիտուտին», ապա նախ պետք է փաստեմ, որ այն ինչին մենք հասել ենք, իսկ ըստ մեզ մենք դեռ միջին մակարդակի վրա ենք, որովհետեւ մեր ինստիտուտը ձգտում է հասնել աշխարհի հեղինակավոր բուհերի մակարդակին` հասել ենք մեր անկեղծ եւ ազնիվ աշխատանքի, անմնացորդ նվիրումի շնորհիվ:

-Տիկին Մարինոսյան, ուզում եմ խոսենք նաեւ Ձեր անձնական հաջողության գրավականի մասին, որն՞ է Ձեր, որպես հայ մայր, օրինակելի կին եւ սիրված ղեկավար լինելու հաջողության գրավականը:

-Սերը: Սերը աշխատանքի, ընտանիքի եւ երեխաների նկատմամբ: Միայն սիրո ուշն է ի զօրու քեզ տանել առաջ, եւ այն ամենը ինչ արվում է սիրով` դատապարտված է հաջողության ի սկզբանե:

-Տիկին Մարինոսյան, Ձեր թույլտվությամբ մի քանի բլից հարցեր, եթե դեմ չեք:

-Սիրով:

-Տիկին Մարինոսյան, ընտանիքը Ձեզ համար:

-Մի աշխարհ:

-Զինվորը Ձեզ համար:

-Հայրենիք:

-Ընկերը Ձեզ համար:

-Իմ կյանքը, իմ առօրյան:

-Երջանկության Ձեր բանաձեւը:

-Սերը եւ խաղաղությունը:

-Միշտ վախեցել եք...

-Երբեք չեմ վախեցել:

-Հաճա՞խ եք արտասվում:

-Լինում է:

-Կա՞, մի բան, որի համար շատ եք ափսոսում:

-Այ՛ո, ափսոսում եմ, որ շատ երեխաներ չեմ ունեցել: Բայց, հիմա վստահ կարող եմ ասել, որ ի մ ուսանողները իմ երեխաներն են, ես դրանով լցրել եմ իմ կյանքը:

-Ի՞նչ հատկանիշներ պետք է չունենա հայ կինը:

-Պետք է չունենա ազատ ժամանակ:

-Որն՞ է հայ կնոջ ամենակարեւոր ֆենոմենը:

-Ամեն ինչ հասցնելը:

-Երբ հուսահատ եք` ո՞ւմ եք դիմում:

-Ընկերներիս:

-Ո՞վ է այն մարդը, ով գիտի Ձեր բոլոր գաղտնիքները:

-Իմ մտերիմ երեք ընկերուհիները:

Հ.Գ. Տիկին Մարինոսյանի հետ զրույցն ամբողջությամբ շուտով «Իրավունք TV»-ի եթերում:

Զրույցը` ԻԼՈՆԱ ԱԶԱՐՅԱՆԻ

Iravunk.com