էդ ոնց ա պատահում, որ իրական հանցագործներին թողած՝վախերդ «խեղդում» ես էն ԱՆՀԱՏՆԵՐԻ շրջանում, ովքեր իրապես վայելում են ժողովրդի սերն ու վստահությունը…

էդ ոնց ա պատահում, որ իրական հանցագործներին թողած՝վախերդ «խեղդում» ես էն ԱՆՀԱՏՆԵՐԻ շրջանում, ովքեր իրապես վայելում են ժողովրդի սերն ու վստահությունը…
Ժողովրդի քվեն ստացած ու ՏԻՄ ընտրություններում հաղթանակ տարած թեկնածուների դեմ խաչակրաց արշավանք հայտարարելուց առաջ, Նիկո՛լ ուզում եմ հիշողությունդ թարմացնել, եւ քեզ կոնկրետ մի քանի հարց ուղղել.
Ո՞ւր կորան, ինչո՞ւ մոռացության գիրկն անցան թավիշ խաղացնելուդ օրերին, այն հրոսակախմբերը ովքեր օրինակ Այվազովսկու փողոցում դաժանաբար մահակով ծեծի էին ենթարկում անչափահաս ցուցարարներին, որոնց մեջ էր նաեւ Վարուժան Ավետիսյանի որդին՝Դավիթը:
Ու ինչ փոխվեց տարիներ անց.ինչ պատիժ կրեց այն արնախում ոհմակը, որ օրը ցերեկով «մարդ էր հոշոտում»…
Ճիշտ այդ օրը գրել էի. որ եթե դրանք այդքան դուխ ունեն՝ թող գնան սահմանին կռիվ տան, ոչ թե վաղվա զինվորին «հոշոտեն»:
Եւ մտահոգիչ է, որ այժմ էլ մահակավորը շարունակում է խրախճանքը , իսկ ահա մահակների հարվածներին արժանացած շատ ու շատ երիտասարդներ, շարունակում են իրենց կյանքը վտանգելով անառիկ պահել մեր հայրենի սահմանները.անհող նիկոլ:
Հիմա հարց քեզ նիկոլ.պլստացի՞ն, թ՞ե արդարացի պատիժ կրեցին բոլոր այն ջարդող բրիգադներն ու դրանց հովանավորող գանգստերները, ովքեր անխնա ծեծում էին խաղաղ ցուցարարներին: Ի վերջո, գործնականում ո՞վ «փռվեց ասֆալտին», ո՞վ ծնոտին հարված ստացավ, եւ վերջապես ո՞ր գողականը, ո՞ր կոմերսանտ ապերոն, «քերոբն» ու «սերոբը» «պառկեցին ասֆալտին»: Գրեթե ոչ ոք: Եթե կան այդպիսիք, ասեք՝իմանանք:
Գաղտնիք չէ, որ հեղափոխությունից հետո, բազմաթիվ օրենքով գողեր վերադարձան Հայաստան: Ասել է թե՝ թավշյա Հայաստանում նրանց համար «կյանքն ուրախ է՝ ապրուստը ձրի»:
Օրինակ կասեք՝Ձեր ասած այդ աֆտարիտետներից ու կրիմինալ անցյալով հարուստ տարրերից, ովքեր ե՞ն անկյուն մղվել, եւ մնացել «պպզած»: Խնդրում եմ հրապարակեք. հանրությանն առավել հայտնի մի քանի անուններ, հասկանանք…
Քրեակատարողական հիմնարկներում տեղավորելու պոտենցիալ մատերիալը ոտքի վրա է, ու անգամ ոտքի վրա են նրանց «վեցնոցները»:
Ի դեպ. Շաքարի արքա Լֆիկ Սամոն, (ով մեկ տարի առաջ) նույնպես աչքի էր ընկել ժողովրդին «քացիներ» հասցնելու գործի մեջ, այդ առթիվ եւս չէր խանգարի մեկնաբանություններ լսեինք. հիմա նա օրվա իշխանության քիփն ա՞. ախպերն ա՞, թե՞ «սկոռու ճանապարհը՝ քացով բացողն ա» :
Ուզում ենք լսել՝ողջ ճշմարտությունը:
Արժեր նաեւ իմանալ, թե տարիներ անց, ո՞վ է դարձել առավել դուխով. դու ու թայֆեն քո, , թե՞ Միհրանները, Բուլկի արամները, Մուկը, Ձուկը, տամոժնի գագոները… եւ այդպես շարունակ:
Ու հիմա բացատրի, թե դուխդ կհերիքի. թե էդ ոնց ա պատահում որ իրական հանցագործներին թողած՝վախերդ «խեղդում» ես էն ԱՆՀԱՏՆԵՐԻ շրջանում, ովքեր իրապես վայելում են ժողովրդի սերն ու վստահությունը…
Խոսա՝ծեծ ու ջարդ անող միլիցեքի հույսին մնացած անկարող:

 ԳԱՅԱՆԵ  ԶԱՐԳԱՐՅԱՆ