Վարդենիսի N Զորամասի Հրամանատարը՝ մեկնաբանում է կրակ չբացելու եւ հրաման չկատարելու մասին շրջանառվող լուրերին

Հունվարի 11–ին ՊՆ–ն հայտնեց, որ Ադրբեջանի ԶՈւ–ն ժամը 15։15-ի սահմանում կրակ է բացել Վերին Շորժայի հատվածում. իսկ ավելի ուշ հայտնի դարձավ, որ ադրբեջանցիները կիրառել են հրետանի և ԱԹՍ, հայկական կողմն ունի 3 զոհ և 2 վիրավոր։

Վերը նշվածից հետո, այս օրերին տեղեկություններ էին սկսել շրջանառվել այն մասին  որ ՊՆ-ն Վարդենիսի N զորամասի  հրամանատարությանը` թշնամու սադրանքը կանխելուն ուղղված հրաման էր իջեցրել, որը հրամանատարության կողմից, չգիտես ինչու եւ ինչպես. ըստ նույն լուրերի  չի կատարել:

Ավելին, տարածված այդ տեղեկությունների համաձայն,  վերը նշվածին տրվելու է նաեւ  իրավական գնահատական: Ու թե արքանով են վերը նշված լուրերը իրական, NewsMedia.am-ը հավատարիմ մնալով իր որդեգրած գործելաոճին` (այն է հասարակությանը տրամադրել բազմակողմանի եւ օբյեկտիվ տեղեկատվություն), դիմեց Վարդենիսի N զորմամասի հրամանատար  Ա. Դ-ին, ով մեզ հետ զրույցում նշեց. 

-Տարածված լուրերը իրականության հետ կապ չունեն. մեր տղերքը լավ կռվել են, լավ  կրակել են, չափից շատ "լեշեր"  են փռել, բոլորն էլ իրենց խնդիրը կատարել են:

-Այսինքն չի՞  եղել   առաջ  գնալու եւ կրակ բացելու հրաման, որն ըստ տարածված լուրերի,  "մնացել է օդում կախված"...

-Ճիշտ այդպես, միանշանակ: Բոլոր հրամանները կատարվել են: Ձեզ էլ շնորհակալություն, որ գնում եք նման լուրերի ետեւից: 

-Իսկ այս պահին, ի՞նչ իրավիճակ է սահմանին:

-Այս պահին ամեն ինչ հանգիստ է, կայուն, զորքն էլ միշտ զգոն է:

Հ.Գ.  Ի դեպ, Մենք փորձեցինք եւս մի  հարցի պատասխան ստանալ N զորամասի հրամանատարից.պարզելու թե արդյո՞ք  վերջինս այս պահին աշխատանքի մեջ է, թե ոչ, սակայն հրամանատար Ա.Դ-ն մեր զանգերը  այլեւս թողեց  անպատասխան: 

NewsMedia.am 

Լուրեր Հայաստանից եւ Աշխարհից