Թշնամին մեզ տվեց այն զենքը, որը այսօր օգտագործում ենք ինքներս մեր դեմ.Գնդապետը մարտունակ բանակի ու տարիների թալանի մասին

Հայոց բանակին 30-ամյակին ընդառաջ «Իրավունքը» շարունակում է զրույցների շարքը ռազմական կենսագրություն ունեցող անձանց հետ: Հայոց բանակի ներկա իրավիճակի, հայ զինվորի առջեւ ծառացած խնդիրների, գալիք պատերազմներին մեր բանակի պատրաստվածության եւ այլ հարցերի շուրջ այս անգամ զրուցել ենք «Տիգրան Մեծ» ռազմամարզական հատուկ վարժարանի հիմնադիր-տնօրեն, գնդապետ Կորյուն Ղումաշյանի հետ:

-Պարոն Ղումաշյան, ինչպիսի՞ն է այսօր Հայոց բանակը:

-Մարտունակ, մեր բանակում ծառայում են մարտունակ երեխաներ, մարտունակ սպաներ, մենք պարզապես մարտունակ քաղաքականություն չունենք: Բանակին երբեք ոչ մեկ, ոչ մի բանի մեջ մեղադրելու իրավունք չունի: Ես դա չեմ ասում, որպես զինվորական ուղղի անցած մարդ, չէ՛, մեր բանակը իրոք մարտունակ է:

-Ինչն՞ է այսօր, այսպես ասած, պակասում մեր զինվորներին, սպաներին:

-Բարոյահոգեբանական վիճակը, բացառապես դա, որ չկոտրեն մեր զինվորի ոգին:  Ցավոք սրտի մեր ներքաղաքական իրավիճակում դա շատ ցցուն երեւում է, որ մեր զինվորների ոգին փորձում են կոտրել, բայց իսկական սպան, զինվորը պայքարում է: 

-Պարոն Ղումաշյան, եթե հետադարձ հայացք նետեք տարիների խորքը, ի՞նչ փուլեր է հաղթահարել Հայոց բանակը:

-Ժամանակին, երբ կազմավորվում էր բանակը միասնություն կար, Սպարապետից մինչեւ շարքային զինվոր, բոլորս հավասար զինվորներ էինք:

-Ինչո՞ւ չպահպանվեց այդ միասնականությունը:

-Որովհետեւ հետո որոշ մարդիկ, այսպես ասած, հոռացան իրենց պաշտոններից ելնելով ու սկսեցին բանակի հաշվին հարստանալ: Կարճ ասած, սկսվեց, բանակի թալանը: Իհարկե, այդ ամենը ժամանակին չէր երում, իսկ արդեն հետո, ցավոք սրտի, դրա դեմն առնելը չկարողացան: Ցավը, գիտեք ինչումն է, որ երբ ինչ-որ մեկին պաշտոն են տալիս, առաջին հերթին մտածում է` ոնց շուտ հարստանա:

մանրամասները՝Iravunk.com-ում: 

Զրույցը՝ԻԼՈՆԱ ԱԶԱՐՅԱՆԻ