«Ես խիստ կասկածում եմ, որ սրանք հայ են իրականում. սրանք պատրաստվում են ձեռք սեղմել էն թուրքերի հետ, ովքեր 1.5 միլիոն հայ են մորթել, իսկ 44-օրյա պատերազմում մեր էրեխեքին գլխատել.էն թուրքերին, որոնք վարձկաններ էին հանել Արցախի վրա...»

Ներկա  իրողությունների, հայոց բանակում տիրող մթնոլորտի եւ առաջիկա  սպասվող հնարավոր զարգացումների շուրջ,   Newsmedia.am-ը զրուցել է   «Անահիտ» ջոկատի հրամանատար, պահեստազորի փոխգնդապետ Անահիտ Մարտիրոսյանի հետ, ով նախ անդրադառնալով Հայոց բանակին ցավով փաստեց.

-Ախ իմ բանակը... Մեր բանակը իսկականից ե՛ւ դուխով էր,  ե՛ւ մարտունակ, եւ  այսօր էլ  մեր զինվորների շնորհիվ փորձում է մնալ նույնը: Բայց էսօրվա իշխանությունները ե՛ւ ժողովրդի դուխն են գցել, ե՛ւ բանակի մարտունակությունը: Դուք չեք պատկերացնում, թե ինչ վիճակում են այսօր դիրքերը, էլ չեմ խոսում, որ էսօրվա ՊՆ-ն հավասարեցվել է զրոյի: Ես սա շատ խորը ցավով եմ ասում էս ամենի մասին, բայց էլ լավատեսություն չեն թողել ցավոք:

-Տիկին Մարտիրոսյան, ինչպե՞ս եք տեսնում ստեղծված իրավիճակի լուծումը, բանակը նախկին մարտունակության բերելու գործընթացի առումով հատկապես:

-Միակ ելքը այն է, որ Նիկոլը իր թայֆայով թողնի  հեռանա.  գան խելացի դիվանագետներ, ովքեր էս երկիրը ոտքի կկանգնեցնեն: Ոչ թե ասեն առանց նախապայմանների թուրքերի  հետ ընկերություն ենք անում: Դուք պատկերացնում ե՞ք, սրանք պատրաստվում են ձեռք սեղմել էն թուրքերի հետ, ովքեր 1.5 միլիոն հայ են մորթել, իսկ 44-օրյա պատերազմում մեր էրեխեքին գլխատել: էն թուրքերին, որոնք վարձկաններ էին հանել Արցախի վրա, ու հիմա էս վիժվածքների հետ ուզում ենք բարեկամանա՞լ: Ես խիստ կասկածում եմ, որ սրանք հայ են իրականում. ո՞նց կարելի է էսքան ազգադավ լինել: Մեզ նորմալ մարդիկ են պետք, որպեսզի  երկիրը փրկվի:

-Տիկին Մարտիրոսյան, ի՞նչ կմաղթեք մեր զինվորներին, սպաներին, ովքեր այսօր էլ կանգնած սահմաններում եւ հսկում են մեր սահմանները:

-Որպես զինվորական ես ասել եմ ու կասեմ, ես չգիտեմ ինչ ու երբ է լինելու, բայց հավատում եմ, որ հրաշք է կատարվելու եւ մենք մեր հողերը հետ ենք վերադարձնելու. մեր հողը առանց մեզ կչորանա, ինչքան էլ ջրեն: Մեր կորցրածը միլիմետր-միլիմետր հետ ենք վերադարձնելու, դա անխուսափելի է Տղե՛րք ջան: Էն հողերի համար, որոնց համար մեր էրեխեքը կյանքով պահեցին,  չի կարա մնա թշնամու ձեռքին. ուշ թե շուտ դա էլի մերն է լինելու: Աստված պահպան հայ Զինվորիս:

ՊԱՏՐԱՍՏԵՑ՝ՆՈՆԱ ԱԴԱՄՅԱՆԸ 

NewsMedia.am 

Լուրեր Հայաստանից եւ Աշխարհից