Գայանե Զարգարյանը համարձակ եւ սկզբունքային լրագրող է, ով ինձ պայմաններ չի թելադրել երբեք. Նրա հասցեին հնչել են ստոր մեղադրանքներ, որին պետք է տրվեն նաեւ իրավական գնահատականներ

Առիթ ունեցել էինք գրելու այն մասին, որ մեր գործընկերոջ Գայանե Զարգարյանի եւ ՌՈ նախկին աշխատակից Վարդան Ղուկասյանի դեմ սկսված կեղտոտ արշավը, այլեւս իրավապահների տիրույթում է: Մեր նախորդ հրապարակման շրջանակներում նշել էին նաեւ այն մասին, որ հանրային լուրջ ընդվզման ալիք է բարձրացրել մեր գործընկերոջ մարդ եւ լրագրող տեսակի մասին դաշտ նետված ՀԵՐՅՈՒՐԱՆՔՆԵՐԸ, ԶՐՊԱՐՏԱՆՔԸ ԵՒ ՄԵՂԱԴՐԱՆՔՆԵՐԸ, ինչին ի դեպ արձագանքեց նաեւ ՀՀ նախկին Ոստիկանապետ Ալիկ Սարգսյանը, քանի որ նույն ստահոդ եւ շինծու հրապարակման մեջ մեղադրանքներ էին հնչեցրել մեր գործընկերոջ հասցեին, ասելով որ նա տարիներ շարունակ որպես լրագրող «պատանդ» է վերցրել ՀՀ նախկին ոստիկանապետին, ով իբրեւ տարիներով շարժվել է այսպես ասած լրագրող Գայանե Զարգարյանի քմահաճույքներով:

-Դա ստոր զառանցանք է, որը իրականության հետ որեւէ եզրեր չունի, Գայանե Զարգարյանը ինձ երբեք պայմաններ չի թելադրել, չի ահաբեկել…ինչպես որ էդ հիմարության մեջ են որոշ սրիկաներ բարբաջել, եւ զրպարտել: Գայանեի անունը ես որեւէ տեղ չեմ շոշափել, նրա անունը որեւէ տեղ չեմ տվել՝բացասական լույսի ներքո: Ես չգիտեմ, թե ում է պետք պարբերաբար նման հիմարություններ դուրս տալը: Ես առողջական խնդիրներովս պայմանավորված՝ դրսում էի, նոր, առավոտյան եկել եմ ու լսում եմ նման անհեթեթություն։

 

 

-Շատ դրական,ազնիվ , համարձակ, եւ սկզբունքային լրագրողի, ում հետ շփվել եմ բացառապես որպես նորմալ եւ կայացած լրագրողի : Եւ նրա հասցեին էլ, որեւիցէ մի վատ բան չեմ ասել ու չեմ էլ ասելու երբեք, որովհետեւ պատճառ եւ առիթ չկա։ Էն ստահոդ լուրերով որ փորձել են հերյուրանքներ տարածել Գայանեի հասցեին, միգուցե նրա անուն-ազգանունի փոխարեն մեկ ուրիշ լրագրողի անուն տային ՝ ասեի հնարավոր է, բայց ոչ երբեք Գայանե Զարագարյանը, քանի որ նրա հետ կապված ուղղակի որեւէ հարց չկա:

 

-Թող որ դրանք սատկեն, որպեսզի ժողովուրդը ազատվի էդ ֆեյքերից,թող վերանան իրենց պատվիրատուներով, իրենց ինստրուկտորներով, իրենց ամեն ինչով։ Ինչ ասեմ դրանք, ժողովրդի արյունը թունավորող միջավայր են դարձել, ուրիշ ոչ մի բան։