Ձայնագրություն.Ի գիտություն համացանցային բոլոր տիպի «քիլլերների», նրանց պապաների ու «գրպանային վեցնոցների» «Իրավունքը» որեւէ կերպ եւ որեւէ դեպքում մերկապարանոց նյութեր չի հրապարակում

Երեկ «Իրավունքը» հանդես էր եկել «Ովքեր են համացանցային «քիլլերներն» ու դրանց հետ գործարքների մեջ մտած ստվերային եւ ոչ ստվերային պոչերն ու ականջները» վերատառությամբ հրապարակամամբ: Որի շրջանականերում` շարունակելով մեր հետաքննությունը անդրադարձել էինք մեր գործընկեր, Լրագրող Գայանե Զարգարյանի եւ ՌՈ նախկին աշխատակից Վարդան Ղուկասյանի դեմ սկսված զազրելի եւ դատապարտելի արշավին: Որի համատեքստում ջրի երես էինք հանել, թե ովքեր են համացանցային «քիլլերներն» ու դրանց հետ գործարքների մեջ մտած ստվերային եւ ոչ ստվերային պոչերն ու ականջները:

Մասնավորապես, պարզվել, եւ ջրի երես էր դուրս եկել համացանցային «քիլլեր», ժեխնյուզերի, այսպես ասած, գործիք ոմն Արման Թումասյանը, ով մեզ հետ զրույցում անդրադառնալով իր իսկ կողմից ծավալվող արատավոր գործունեությանը` չէր հերքել, ավելին հաստատել էր, որ ARM-BLOG.INFO, ARM1NEWS.INFO, ARMBLOG1. ARM2NEWS.INFO ժեխ էջերը այս պահին պատկանում են իրեն: Միառժամանակ փաստելով, որ կոնկրետ Arm-Blog.Info ժեխնյուզը ի սկզբանե պատկանել է Past.am էլ. օրաթերթի սեփականատեր Վարուժան Բաբաջանյանին: Բառացի մեջբերում ենք Թումասյանի խոսքերը. «Ես կրկնում եմ Վարուժան Բաբաջանյանը եղել առաջին մարդը, ով ունեցել է այդ սայթը, դոմեյնը, հետո ինքը ծախել է Պողոսին, Պողոսը Մուկուչին, Մուկուչը Հակոբին, ես էլ Հակոբից եմ առել»:

Ստորեւ ներկայացնում եմ ձայնագրությունը Վարուժան Բաբաջանյանի հետ կապված դրվագի մասով.

Հ.Գ. Ի դեպ, ի թիվս այլ ուշագրավ ձայնագրությունների մեր ձեռքի տակ առկա է նաեւ մեկ այլ ուշագրավ ձայնագրություն, համաձայն, որի Նոյեմբերյան համայնքի բնակիչ Դ.Հ.-ն, ով այս պահին աշխատում է լրատվականներից մեկում, փաստում է, թե ինչպես եւ ինչ պայմաններում է Վարուժան Բաբաջանյանի խնդրանքով իր անձնագրային տվյալներով գնել Arm-Blog.Info ժեխնյուզի դոմեյնը: Հավելենք նաեւ, որ այդ arm-blog.info ժեխնյուզի դոմեյնը գնելու նույն ժամանակահատվածում նոյեմբերյանիցի Դ. Հ-ն հանդիսացել է Բաբաջանյանի տնօրինության ներքո գտնվող Past.am էլ. օրաթերթի աշխատակից: Եվ, երբ որոշ ժամանակ անց իր անունով ձեռք բերված ժեխնյուզի էջերից հանրային ու քաղաքական դեմքերի դեմ իրականացվել է կեղտոտ քարոզչություն նոյեմբերյանից Դ.Հ-ն պահանջել է մաքրել իր անունը, քանի որ այդ ժամանակահատվածում նրան նա առիթ է ունեցել հայտնվելու նաեւ իրավապահների տիրույթում: Սակայն վերջինիս հավաստիացրել են ասելով, որ այն այլեւս իր անունի վրայից հանած է. եւ այդ դոմեյնն էլ այլեւս որպես ԺԵԽՆՅՈՒԶ տնօրինում է Արման Թումասյանը, ով Դ.Հ-ի փաստմամբ լավ հարաբերություններ է ունեցել Վարուժան Բաբաջանյանի հետ ունենալով ակտիվ համագործակցություն լրատվական դաշտում: Ավելին. Դ.Հ-ի տեւական պահանջներից հետո,նրան տեղեկացրել են, որ ARM-BLOG.INFO ԺԵԽ ՆՅՈՒԶԻ դոմեյնը վերագրանցվել է ոմն Ս. Հովսեփյանի անունով, ով էլ հանդիսանում ա Նորագյուղ համայնքի բնակիչ:

Հ,Գ.2 Անհրաժեշտության դեպքում կհրապարակենք նաեւ այդ խայտառակ ձայնագրությունը եւ նաեւ այլ խոսակցության պատճե, թե ինչպես, ինչ կերպ են գործում նկուղներում մարդկանց կյանքեր պղծող «քիլլերները»:

Հ.Գ 3 Ի գիտություն համացանցային բոլոր տիպի «քիլլերների», նրանց պապաների ու «գրպանային վեցնոցների» «Իրավունքը» որեւէ կերպ եւ որեւէ դեպքում մերկապարանոց նյութեր չի հրապարակում:

Հետաքննությունը շարունակվում է:

ԻԼՈՆԱ ԱԶԱՐՅԱՆ