Ուզում եմ կոչ անել բոլոր զոհված տղաների ծնողներին, հարազատներին, որպեսզի հայը այլեւս չհանդուրժի այս մարդակերներին. Ես փետրվարի 22-ին ժամը 12-ին լինելու եմ Համալիրի մոտ, որպեսզի այս հարցերը ուղղեմ վեհաժողովի բոլոր պատվիրակներին, առավել քան լիահույս եմ, որ մենակ չեմ լինի այնտեղ

Փետրվարի 21-22-ը պլանավորվում է ադրբեջանցի պատգամավորների այցը Երեւանը, որտեղ նրանք մասնակցելու են Եվրանեսթի խորհրդարանական վեհաժողովի հանձնաժողովների նիստերին։ Վերը նշվածը բողոքի եւ արդարացի ընդվզման ալիք է բարձրացրել հասարակության լայն շրջանակներում։ Հատկապես սա կարծես այս իշխանությունների հերթական ցավոտ ապտակը  լինի զոհված հերոսների, անհետ կորած եւ գերության մեջ մնացած տղաների ընտանիքներին։

Վերը նշվածի վերաբերյալ իր բողոքի ձայն է բարձրացնում Արցախյան 44 օրյա պատերազմում զոհված կապիտան Իշխան Պետրոսյանի դուստրը՝ ՄԱՐԳԱՐԻՏԱ ՊԵՏՐՈՍՅԱՆԸ եւ օգտվելով առիթից կոչ անում մեր քաղաքացիներին, որպեսզի այդ օրը ի նշան բողոքի հավաքվեն Համալիրի մոտ, որտեղ ժամը 12-ից լինելու Հերոսի դուստրը։

Մասնավորապես Newsmedia.am -ի հետ զրույցում Հերոսի դուստրը ասաց․

-Հայտնի է արդեն, որ փետրվարի 22-ին տեղի է ունենալու Եվրանեսթի խորհրդարանական վեհաժողովը, որտեղ ներկա է լինելու նաեւ Նիկոլի բարեկամ պետությունից եկած պատվիրակությունը։ Այդ օրը վեհաժողովի շրջանակներում, ինչքանով, որ  ես  տեղյակ եմ  քննարկվելու են այնպիսի թեմաներ,  ինչպիսիք են մարդասիրությունը, խաղաղասիրությունը, ժողովրդավարությունը։ Ես ուզում եմ հարցնել՝ ի՞նչ մարդասիրություն, ի՞նչ խաղաղասիրության մասին կարող ենք մենք խոսել, երբ տղերքին սպանողը հերիք չի ղեկավարում է մեր երկիրը, մի հատ էլ իր հանցակիցներին, մարդակերներին բերել հասցրել է այստեղ։

Ուզում եմ կոչ անել բոլոր զոհված տղաների ծնողներին, հարազատներին, որպեսզի հայը այլեւս չհանդուրժի այս մարդակերներին։ Ես փետրվարի 22-ին ժամը 12-ին լինելու եմ Համալիրի մոտ, որպեսզի այս հարցերը ուղղեմ վեհաժողովի բոլոր պատվիրակներին, առավել քան լիահույս եմ, որ մենակ չեմ լինի այնտեղ։ Համոզված եմ, որ այդ օրը ես կտեսնեմ այն մարդկանց, ովքեր գալիս են Եռաբլուր ու ասում, որ չեն ներելու։ Հիմա եկել է այդ հարցի լուծման պահը։

NewsMedia.am

Լուրեր  Հայաստանից եւ Աշխարհից