Դպրոցի դասարաններից մեկն անվանակոչվեց լեգենդ դարձած, շախմատի մեծ սիրահար Սամվել Գևորգյանի անվամբ շախմատի դասասենյակ, որի բացման պատիվն ընձեռնվեց ՀԵՐՈՍԱԾԻՆ ՄԱՅՐԻԿԻՆ՝ՀԱՍՄԻԿ ԳԵՒՈՐԳՅԱՆԻՆ

Երեկ՝ փետրվարի 22-ին, Արարատի մարզի Նոր Ուղի գյուղի միջնակարգ դպրոցում մարդաշատ էր. Հերոսածին Մայրեր, Ծնողներ, Զինվորականներ, հյուրեր Երեւանից, տարբեր Համայնքներից եկել էին մասնակցելու «Հավերժական ծաղիկներ» հուշ-ցերեկույթին, որը նվիրված էր նույն գյուղում ծնված, դպրոցի շրջանավարտներ, արցախյան 44-օրյա պատերազմում նահատակված, լեգենդ դարձած հերոսներ Սամվել Վարդանի Գևորգյանի, Նարեկ Արթուրի Խաչատրյանի, Յուրա Աշոտի Գաբրիելյանի, Մնացական Գեղամի Խաչատրյանի, Արթուր Արմենի Սահակյանի, Կարեն Մանուկի Հունանյանի հիշատակին:

Նշենք, որ Դպրոցի դասարաններից մեկն անվանակոչվեց Լեգենդ դարձած, շախմատի մեծ սիրահար Սամվել Գևորգյանի անվամբ շախմատի դասասենյակ, որի բացման պատիվն ընձեռնվեց ՀԵՐՈՍԱԾԻՆ ՄԱՅՐԻԿԻՆ՝ՀԱՍՄԻԿ ԳԵՒՈՐԳՅԱՆԻՆ, եւ մարզպետարանի ներկայացուցչին:

Մինչ դասասենյակի բացումը, դպրոցում տեղի ունեցավ տոնական միջոցառում, որի ժամանակ հնչեցին ասված ու չասված. լսված ու չլսված խոսքեր ՀԵՐՈՍ ՍԱՄՎԵԼ ԳԵՒՈՐԳՅԱՆԻ մարտական ուղու ու նրա սխրանքի մասին:

Դպրոցի սաները կենդանի կատարմամբ ներկայացրեցին հայրենասիրական երգեր, իսկ ռազմագիտության դասղեկի գլխավորությամբ երեխաները ցուցադրեցին մի քանի մարտական հնարքներ, այդ թվում՝ ինչպես վնասազերծել թշնամուն։

ՄԵՐ ՀԵՐՈՍ ՍԱՄՎԵԼԻՆ ճանաչող մարդիկ արցուքն աչքերին պատմում ու հիշում էին, որ նա ուր որ գնար իր հետ Լույս, սեր ու բարություն էր տանում: Սամվելն ուժ էր, խիզախ, չկոտրվող, պայքարող ու սկզունքային Տեսակ: Նա լավ ՄԱՐԴ ԷՐ, ԵՂԲԱՅՐ, ԶԱՎԱԿ, ով ՀՊԱՐՏՈՒԹՅՈՒՆ ԷՐ, ուր որ ոտք դներ…

«Կյանքդ` կյանքիս համար, կյանքս` կյանքիդ գնով»… այս զգացումն ունեին նաեւ բոլոր ներկաները, որոնցից ամեն մեկը յուրովի իր երախտիքի, մեծարման ու շնորհակալության խոսքն էր հղում մեր Հայորդիներին, ինչպես նաեւ մեր անկոտրում ու խիզախ Սամվել Գեւորգյանին, ում մարտական ուղին ու սխրանքը՝ռազմի դաշտում խոսքերից ավելին է:

Սամվել Վարդանի Գևորգյանը ծնվել է 1999 թվականի ապրիլի 27-ին, ,Արարատի մարզի Գինեվետ գյուղում։ Հաճախել է Նոր֊ուղու միջնակարգ դպրոցը, սովորել է գերազանց։ Հինգերորդ դասարանից ընտանիքով տեղափոխվել է Ռուսաստանի Դաշնություն, որտեղ էլ շարունակել է ուսումը։ Սամվելը զբաղվում էր շախմատով, ֆուտբոլով։ Մեծ հաջողություններ է ունեցել հատկապես շախմատի ասպարեզում, արժանացել պատվոգրերի ու մեդալների՝ վաստակելով սպորտի վարպետի կոչում։ Մի գեղեցիկ օր Սամվելը որոշում կայացրեց, որ պետք է գա Հայաստան՝ իր պարտքը հայրենիքին տալու, չնայած որ նա ուներ հնարավորություն՝ չգալու և չծառայելու։ Հակառակվելով իր ծնողների կամքին՝ 2019 թվականի հունվարի 10֊ին զորակոչվել է բանակ՝ ժամկետային զինծառայության անցնելով Մատաղիսում։ Սամվելը շատ գոհ էր, անգամ ասում էր՝ «Մատաղիսի զինվորը թագավոր է, լավ տղեն պիտի Մատաղիսում ծառայի, մերս»։ Սեպտեմբերի 27-ին սկսվեց չարաբաստիկ պատերազմը։ Սամվելի զորացրմանը մնացել էր 2 ամիս և 23 օր։ Ավա՜ղ, հավերժ մնաց զորացրման։ Նրա մարտական ուղին եղել է գերազանց։ Պատերազմի առաջին իսկ օրը իր ձեռքով սատկացրել էր թուրքի և տանկ առգրավել (կան տեսանյութեր)։ Ամսի 27֊ին ծնողները փորձել են կապ հաստատել Սամվելի հետ, սակայն բոլոր հեռախոսահամարներն անհասանելի էին; Կեսօրին Սամվելը զանգահարում է մորն ու հուզված ձայնով ասում՝ «մերս, չլացես, դու հերոս որդի ունես, քո տղեն հերոս ա, տղեդ թուրքի տանկ ա առգրավել»; 5 օր շրջափակման մեջ են մնացել։ Սամվելը կռվել է առաջնագծում, վիրավորների է դուրս բերել կռվի դաշտից, անօդաչուներ է ոչնչացրել։ Ծառայության ընդացքում Սամվելը ստացել է պատվոգրեր, շնորհակալագիր, «Քաջարի մարտիկ» մեդալ։

ՄԵՐ ՀԵՐՈՍԸ՝ՍԱՄՎԵԼ ԳԵՒՈՐԳՅԱՆԸ

էռպեկաիստ էր, զորամասում նրան ասում էին «էռպեկա ՍԱՄՈ»։

ՀԵՐՈՍ ՍԱՄՎԵԼ ԳԵՒՈՐԳՅԱՆԻ սխրանքի էջերին, կանդրադառնանք նաեւ մեր հաջորդ հրապարակումներում:
ՀԱՎԵՐԺ ՓԱՌՔ ՈՒ ԽՈՆԱՐՀՈՒՄ ՍԻՐԵԼԻ ՀԵՐՈՍ
ՔԵԶ ԲԱՑԱԿ ՉԵՆՔ ԴՆԻ ԵՐԲԵՔ…