Գազալցակայաններում, խանութներում կիլոմետրանոց հերթեր են, մարդիկ խուճապի մեջ են.Ինչ իրավիճակ է Օդեսայում

Այսօր ժամը 5։00 Ռուսաստանյան Դաշնության զինված ուժերը սկսել են արևելքում ուկրաինական ստորաբաժանումների ինտենսիվ հրետակոծություններ, ինչպես նաև հրթիռային հարվածներ են հասցրել ու ռմբահարել օդակայանները Բորիսպոլում, Օզերնոյեում, Կուլբակինոյում, Չուգուևում, Կրամատորսկում, Չերնոբաևկայում, Ուկրաինայի զինված ուժերի ռազմական օբյեկտները:

Ի՞նչ իրավիճակում են գտնվում տեղի հայ համայնքի բնակիչները, «Իրավունքին» բացառիկ մանրամասներ է ներկայացրել Օդեսայի հայ համայնքի մշակույթի գծով նախագահ, Ուկրաինայի հայերի միության կանանց կոմիտեի նախագահ ԱՆՆԱ ԳԵՒՈՐԳՅԱՆԸ, ով նախ անդրադարձավ առկա իրավիճակին.

-Հիմա, կարելի է ասել խաղաղանդ է, բայց քաղաքացիների շրջանում, ինչ խոսք աժիոտաժ է: Օդեսայի հայ համայնքը, Հյուպատոսարանը ամբողջությամբ տիրապետում է իրավիճակին, րոպեների ճշգրտությամբ կապի մեջ ենք մեր համայնքի հետ: Քաղաքը չի ռմբակոծվում, միայն լոււսադեմին երկու հրթիռային կրակոցներ են արձակվել կարեւոր օբյեկտների վրա, բայց մարդկային վնասներ համենայնդեպս այս պահի դրությամբ չկա:

-Իսկ, կոնկրետ հայ համայնքում, խուճապ, որպես այդպիսին կա՞:

-Ճիշտն ասած, խուճապ կա ոչ միայն հայ համայնքում այլ ողջ Օդեսայում: Հենց այս պահին գազալցակայաններում եւ բենզալցակայաններում կիլոմետրերով մեքենաների հերթ է: Կան մարդիկ, ընտանիքներ, որ իրերն են հավաքում, որ գոնե ժամանակավորապես հեռանան մոտակա քաղաքներ, հանրապետություններ: Հիմնականում այս պահին դեպի Լվով են ուղեևորվում:

Օդանավակայանները այս պահին փակ են, մարդիկ փորձում են քաղաքից հեռանալ մեքենաններ: Թեեւ այս պահին ռեալ վտանգ չկա քաղաքը ռմբակոծելու, բայց եթե ինչ-որ պահի նման խնդիր հասունանա, ապա միանշաակ հայ համայքի ղեկավարությունը կանգնած է իր քաղաքացիների կողքին:

-Իսկ խանութները, պետական կառույցները աշխատո՞ւմ են:

-Այո, ամեն ինչ բնականան ընթացքով աշխատում է, պարզապես խանութներում արդեն ապրանքները սպառվում են, մարդիկ զամբյուղներով առաջին անհրաժեշտության մթերքներ են գնում, որ Աստված մի արասցե խնդիրը լինի, գոնե առաջին անհրաժեշտության պարագաներ ունենան թե՛ սննդի, թե՛ այլ տեսքով:

-Տիկին Աննա, թվաքանականով, որքա՞ն հայ կա Օդեսայում:

-Բուն Օդեսայում եւ Օդեսայի տարածքներում մոտավորապես 40-45 հազար հայ կա, ամենամեծ համայնքներից մեկն է մեր համայնքը:

Ուզում եմ մեկ անգամ եւս առիթից օգտվելով դիմել մեր հայրենակիցներին կոչ անելով հնարավորինս քիչ խուճապի մատնվեն եւ հետեւեն Հյուպատոսարանի հայտարարություններին: Մենք ամբողջապես տեղյակ ենք իրավիճակի զարգացումներին եւ անհրաժեշտության դեպքում կձեռնարկվեն համապատասխան քայելեր մեր հայրենակիցների անվտանգությունը ապահովվելու համար:

Զրույցը` ԻԼՈՆԱ ԱԶԱՐՅԱՆԻ

Iravunk.com