Դավաճանել են ե՛ւ նախկինները ե՛ւ ներկաները.գոնե հիմա ձեներդ կտրեք` Ձեր նման արկածախնդիրների պատճառով երկիր ու սրբություններ կորցրեցինք. Սերոբ Գասպարյան

Արդեն քանի օր է՝ հանրությունն ուշքի չի գալիս Հայաստանում օտարերկրյա գործակալական ցանցի բացահայտման լուրից։ Երբ մի շարք զինվորականներ գումարի դիմաց գաղտնի տեղեկություններ են հայտնել թշնամուն, որի արդյունքում 19 զինվորկան ձերբակալվել էին: «Իրավունքի» հետ զրույցում «Սեւ հովազ» ջոկատի լեգենդար հրամանատար Ռուստամ Գասպարյանի եղբայրը՝ Սերոբ Գասպարյանը վստահ է, որ նմանատիպ հայի տականքներ դեռ շատ են բացահայտվելու.

-Նմանատիպ տակաքներ շատ են ու ցավալին այն է, որ ոչ միայն տղամարդիկ են ունակ գործելու թշնամու դուդուկի տակ, այլ նաեւ հայ աղջիկներն են թուրք բլոgերների հետ միացած նկարահանում ուղիղ եթերներով, ցուցադրելով կարեւոր ՀՀ տարածքներ: Ինչ վերաբերում է բացահայտված կոնկրետ 19 հոգուն, ապա դիտելով տեսագրությունը իմ մոտ տպավորություն էր, որ սա ընդամենը այդ գործակալական խմբի չերեւացող հատվածն էր: Կան ավելի խոշոր գործակալներ, ովքեր ամեն ինչ արել են պատերազմի նման ելքը ապահովվելու համար: Ձերբակալվածներին լսելով տպավորություն էր, որ յուրաքանչյուրը պատմում էր իրեն ցուցված դասը:

-Այսինքն ավելի մեծ գործակալական խումբ կա՞, որը դեռ բացահայտված չէ:

-Իհարկե, ինչի մասին է խոսքը ամբողջ պատերազի ընթացքում մենք սեփական մաշկի վրա զգացինք, թե ինչպես էին մեզ դավաճանում հետեւից` օգնություն չբերելով, զենք չմատակարարելով, տեղանքները ամբողջովին նշմարած ու տված, ճանապարհները բացելով ու թուրքին էստի հրավիրելով: Էս ամբողջը մենք տեսել ենք մարտի դաշտում:

Ասում եմ հենց հիմա էլ` համացանցում մեր անբարոյականները թուրք բլոգերների հետ կապնված ամբողջ ՀՀ-ն նկարահանում եւ ի ցույց են դնում թշնամուն, սա նույն բանը չէ՞: Այ սենցների պատճառով ենք մենք կորցրել մեր ամենաթանկը, ես չեմ ասում մահապատժի պետք է ենթարկել, բայց սրանք ցմահ ազատազրկման պետք է ենթարկվեն:

Ի դեպ, ասեմ դավաճանել են ե՛ւ նախկինները ե՛ւ ներկաները, բոլորը միասին: Երեսուն տարի բանակին թողեցին անտեր, միայն մի քարզչամեքենա էին աշխատացնում` մենք ուժեղ ենք, մենք հզոր ենք: Իսկ այդ ընթացքում թուրքը ձենը կտրած զինվում էր, իսկ մենք մեր զինվորին թողնում էինք ռագատկեքով ու նետ ու աղեղով: Երեսուն տարի բոլոր հարստացան, կույր պիտի լինի մարդը, որ չտեսնի, որ բոլոր ժամանակների իշխանությունները հարստացան, իսկ Հայաստանը մնաց աղքատ: Բա սա դավաճանություն չի՞, ամենամեծ դավաճանությունն այն է, որ դու հարստնանում բուրգի վերեւում նստած, իսկ քո երկիրը խղճալի վիճակում է: Իմ համար բոլորը մեկ են, որովհետեւ հենց իրենց պատճառով եմ ես կորցրել իմ ամենաթանկին: Թուրքը չէր կար մեզ խփեր, եթե եղբորս գտնվելու տեղանքը թշնամուն ասված չլիներ: Վստահ եմ, որ շուտով արդյունքի կհասնեմ ու կգտնեմ այդ մարդուն:

ՈՒԿՐԱԻՆԱՆ ԷԼ ԳԻՇԵՐ-ՂԵՐԵԿ ՌՈՒՍ ԷՐ ՀԱՅՀՈՅՈՒՄ ՏԵՍԱՆՔ ԻՆՉ ԵՂԱՎ

-Ի դեպ, պարոն Գասպարյան, հետաքրքիր է նաեւ Ձեր տեսակետը, այսօր Ուկրաինային պաշտպանող եւ Ռուասաստանին քննադատողների մասին:

-Գիտեք, պետք է գիտակցել մի բան, որ մենք ե՛ւ Ուկրաինայում ե՛ւ Ռուաստանում ունենք մեծ հայություն: Ու հիմա մի քանի ռուս հայհոյող արկածախնդիրների պատճառով խաղաքարտին են դնում մեր դրսում ապրող հայերի -ճակատագիրը, արա Դուք ո՞ւմ վրա եք հիմա խաղում` մեր թոռների, մեր էրեխեքի վրա: Ուկրաինան էլ գիշեր-ցերեկ ռուս հայհոյում` ինչ տեղի ունեցավ: Գոնե հիմա ձեներդ կտրեք ու չեզոք դիրք պահեք, հերիք եղավ Ձեր նման արկածախնդիրների պատճառով երկիր ու սրբություններ կորցրեցինք :

Զրույցը` ԻԼՈՆԱ ԱԶԱՐՅԱՆԻ

Iravunk.com