ԳԼԽԱՎՈՐ ԴԱՏԱԽԱԶԸ ԵՒ ՀԱԿԱԿՈՌՈՒՊՑԻՈՆ ԿՈՄԻՏԵԻ ՆԱԽԱԳԱՀ ՍԱՍՈՒՆ ԽԱՉԱՏՐՅԱՆԸ ԶԲԱՂՎԱԾ ԵՆ ԲԱՑԱՀԱՅՏ ՀՈՎԱՆԱՎՈՐՉՈՒԹՅԱՄԲ․ ՇՊՀ-Ի ՇՈՒՐՋ ՍՏԵՂԾՎԱԾ ՍԿԱՆԴԱԼԻ ՀԵՏՔԵՐՈՎ

 Newsmedia.am-ը մեկ անգամ չէ, որ առիթ ունեցել է անդրադառնալու ՇՊՀ-ի ինչպես նախկին ռեկտոր Սահակ Մինասյանի, այնպես էլ եւ ներկայիս ռեկտորի ժՊ Երվանդ Սերոբյանի կողմից կատարված անօրինություններին: Վերջիններիս կողմից կատարված առերեւույթ հանցագործությունները, գուցե այդպես էլ իրավական գնահատականի չարժանանային, եթե ՇՊՀ դասախոսներ Գագիկ Համբարյանը, եւ Հովհաննես Խորիկյանը հանրությանը փաստարկված չներկայացնեին բուհում տեղի ունեցող անօրինությունների շղթան, եւ այդ առիթով չդիմեին իրավապահ մարմիններին:

Տեւական ժամանակ անց վերջնական ի՞նչ իրավական գնահատականի են արժանացել վերը նշված առերեւույթ հանցակազմ պարունակող փաստերը, կամ արժանացե՞լ են առհասարակ պատշաճ արձագանքի թե ոչ, հարցի պատասխանը ստանալու ակնկալիքով, Newsmedia.am-ը փորձեց հետաքրքրվել ՇՊՀ դասախոս Գագիկ Համբարյանից, ով նախ անդրադարձավ նախապատմությանը եւ բոլորի կողմից, կարծես մոռացության մատնված Սահակ Մինասյանին, արձանագրեց հետեւյալը․

-Նախ փաստենք, որ իրավական խնդիրները գալիս են դեռ վաղուց, իսկ ՀՀ իրավապահ համակարգը՝ ի դեմս Գլխավոր դատախազ Ա․ Դավթյանի, (ով ի դեպ Շիրակի մարզի Հոռոմ գյուղից է), եւ ի դեմս Սասուն Խաչատրյանի, ով այսօր ղեկավարում է Հակակոռուպցիոն կոմիտեն, բացահայտ հովանավորչությամբ են զբաղված։ 2018թ․ մայիսից հարուցված քր․ գործեով բազմաթիվ դրվագներ կան, որոնք վվերաբերում են ՇՊՀ նախկին ռեկտոր Սահական Մինասյանին, որում հանցագործություններ բացահայտելը շատ կարճ ժամանակ է պահանջվում, բայց արի ու տես չորս տարի շարունակ դիտավորյալ քնեցնում են այդ գործերը, որպեսզի օգտագործեն վաղեմության ժամեկտի փաստը։ Որպես օրինակ, մեղադրանք չեն առաջադրում կեղծ լիցենզիաներով կրթական ծրագրեր մատուցելու մասով, բացարձակ չեն անդրադառնում գրադարանի գրքերի 70 տոկոսի ոչնչացմանը, չեն անդրադառնում բուհի դահլիճի վերանորոգման վերաբերյալ Սահակ Մինասյանի հրապարակած տարբեր գումարային թվերին: Նույն «Նոր Կենդ» ծրագրով բազմաթիվ ապօրինություններ են տեղի ունեցել, չի բացահայտվում ՊԵԿ-ի կյողմից ՇՊՀ-ում բացահայտված բուլկու եւ կարկանդակի ապօրինի արտադրամասի վերաբերյալ արձանագրված դեպքը։ Նմանատիպ դեպքերը բազմաթիվ են, բայց զրո արձագանք։ Իսկ Սահակ Մինասյանի շրջապատը Գյումրիում նշում է, որ ամեն ինչ կարգավորված է, ասում են, որ Արթուր Դավթյանը եւ Սասուն Խաչատրյանը ամեն ինչ անում են, որպեսզի Մինասյանը այս խայտառակ պատմություններից «չոր դուրս գա»։

Պարոն Համբարյանը միառժամանակ ընդգծում է․

-Իհարկե հասկանում եմ, որ ժամանակ է պետք Հակակոռուպցիոն կոմիտեին եւ դատախազությանը, որպեսզի բացահայտեն հանցագործությունները, լավ, բայց չորս-հինգ տարի՞ ու որեւիցէ մեղադյալ չկա։ Այն դեպքում, երբ վերը նշված անձանց ղեկավարած գերատեսչությունները հետապնդում են նախկին պրոռեկտորին՝ Անահիտ Ֆարմանյանին, ինչը քաղաքական պատվեր է, որովհետեւ իր դեմ ներկայացված մեղադրանքները 99 տոկոսով կեղծ են եւ փուչ։
Մեծ հաճույքով նույ ն իրենց քննիչները ուղորդում են որոշ ուսանողների՝ նաեւ իմ դեմ ցուցմունքներ տալուն։ Ես չգիտեմ, թե ինչ լեզվով ասեմ, որ ՀՀ վարչապետի պաշտոն զբաղեցնողը հետեւի, թե ինչ այլանդակություններով են զբաղված իր կողմից վերահսկող իրավապահ մարմինները՝ ՇՊՀ-ի հետ կապված գործերով։

«ՄԱՔՐԵՑԻՆ ԵՒ ԿԱՐԳԵՑԻՆ ՇՊՀ ՌԵԿՏՈՐ»

Ինչ վերաբերում է վերջերս պաշտոնապես ռեկտոր նշանակված Երվանդ Սերոբյանին, մեր զրուցակիցը նկատում է․

-Նախ նշեմ, որ ներկայիս ռեկտորի գործով վճիռը մինչ օրս հրապարակված չէ «Դատալեքս» կայքում եւ որեւիցէ մեկը չգիտի, թե նրա մասով ինչ վճիռ է կայացվել։ Իսկ ես հիշեցնեմ, որ վերջինս 2018-2019թ-ի ուս․ տարվա մեջ իրեն վերցրել էր կես դրույք դասաժամ, որի որոշ մասը չի պարապել։ Իր բոլոր մանրասներով, երկու տարուց ավել այդ գործը դեգերեց ՔԿ-ում, ապա հասավ դատարան, իսկ վերջում կիրառվեց, ինչքան գիտեմ, վաղեմության ժամկետի պահը։
Եվ, թերեւս ամենակարեւորը. հիշում եք ՁԵր լրատվամիջոցը հրապարակեց երկու Ձայանագրություն՝ իմ եւ համապատասխան դեկանի, ինչպես նաեւ իմ եւ ամբիոնի վարիչի պաշտոնակատարների միջեւ։ Անձամբ Դուք հարցազրույց էիք վերցրել այն ժամանակվա մարզի դատախազ Գաբրիելյանից, ով փաստել էր, որ այդ ձայնագրությունները անպայման կկցվեն քր․ գործին։ Ասեմ Ձեզ հետեւյալը․ ձայնագրությունները քր․ գործին կցված չեն եղել, այն դեպքում, երբ դա կարող էր հանդիսանալ առանցքային ապացույց։
Ըստ էության վերջինիս, այսպես ասած, մաքրեցին եւ կարգեցին ՇՊՀ ռեկտոր։ Ավելին, ՀՀ լրատվամիջոցներից մեկում, օրերս հրապարակում եղավ, որ վարչապետի աշխատակազմի ղեկավար Արայիկ Հարությունյանը բացահայտ խառնվում է ԿԳՄՍ-ի գործերին եւ իր կադրրերին նշանակում է բարձր պաշտոնների։ Ես համաձայն եմ այդ նյութի բովանդակության հետ, որովհետեւ կոնկրետ Շիրակում գործող երեւանյան մասնաճյուղերի մեծ մասի տնօրենները՝ Ա․ Հարությանի շրջապատից են։ Եվ հենց նույն Սերոբյանը՝ Արայիկ Հարությունյանի ընկերոջ քեռին է։

ՊԱՏՐԱՍՏԵՑ` ՆՈՆԱ ԱԴԱՄՅԱՆԸ

ՇԱՐՈՒՆԱԿԵԼԻ

NewsMedia.am
Լուրեր Հայաստանից եւ Աշխարհից