Ուշագրավ զարգացումներ ՀՀ Ոստիկանության Կումայրիի բաժնում. քաղաքագետ Գագիկ Համբարանի դեմ քր. գործ են հարուցել՝ նախաքննության ընթացքում չուղարկելով նրան եւ որեւէ ծանուցում...

Քիչ առաջ Newsmedia.am-ը տեղեկացավ, որ հայտնի քաղաքական վերլուծաբան Գագիկ Համբարյանի դեմ հարուցվել է քր. գործ` ոմն քաղաքացու բողոքի հիման վրա: Թե կոնկրետ ի՞նչ քր, գործի մասին է խոսքը Newsmedia.am-ը փորձեց անմիջապես կապվել պարոն Համբարյանի հետ եւ հասկանալ իրաանությունը: Եվ ահա, հայտնի քաղական վերլուծաբանը փաստեց.

-Այսօր ինձ հրավիրեցին ՔԿ Շիրակի մարզային բաժին, որտեղ պարզվեց, որ ոմն քաղաքացի Արման Թումասյան բողոքել է, որ ես իրեն վիրավորել եմ: Ծիծաղելին այն է, որ վերջինս նույն բողոքով դիմել էր Երեւան ք. Արաբկիրի բաժին, որտեղ քր. գործ հարուցվելը պահանջը՝ մերժվել էր: Հիմա հարց է առաջանում. մերժված քր. գործը, ինչպե՞ս կարող էր կրկին Շիրակի մարզում հարուցվեր: Եվ երկրորդ, ես ո՛չ ծանուցվել եմ, ո՛չ հրավիրվել եմ նախաքննության ընթացքում Ոստիկանություն, իսկ ահա ՔԿ քննիչը ուղղակի ապշած էր մնացել: Քաղաքագետը ընդգծում է.

-Ես կարող եմ սա բնութագրել, որպես քաղաքական հետապնդում եւ պատվեր, ինչը թերեւս կատարվում է ՀՀ Ոստիկանության եւ Դատախազության կողմից:
Սա բացահայտ քաղաքական հետապնդում է.:

Ստեղծված անհեթեթ ու անհասկանալի իրավիճակի հետ կապված, Newsmedia.am-ը փորձեց կապ հաստատել նաեւ ՔԿ քննիչ Ավետիսյանի հետ, հետաքրքրվելու, թե ի՞նչ հիմքով է հարուցվել քր. գործը, ով մեզ հետ զրույցում նկատեց, որ.

-Հաղորդում է ստացվել քաղաքացուց, որի շրջանակներում էլ հարուցվել է քր. Գործ: Այլ մանրամասնություններ՝ նախքննության գաղտնիքից ելնելով զերծ կմնամ մեկնաբանել:

Ճշտող հարցին, թե այդ դեպքում ինչո՞վ է պայամանավորված այն հանգամանքը, որ առանց «պատասխանող» կողմին տեղեկացնելու, որոշում է կայացվում քր. գործ հարուցելու մասին, վերջինս արձագանքեց.

-Հարգելիս, այս պահին այդ մասով ես որեւէ բան ասել չեմ կարող: Եթե պարոն Համբարյանը գտնում է, որ նրա իրավունքները խախտվել են, ապա կարող է բողոքարկել, ինչը մեր կողմից բացատրվել է նաեւ պարոն Համբարյանին:

Հիշեցնենք, որ վերը նշված Ա. Թումասյանը ֆեյք-արշավ էր սկսել մեր լրատվամիջոցի հիմնադիր ղեկավար Գ.Զարգարյանի դեմ, որից հետո Գ. Զարգարյանի հաղորդման հիման վրա, Թումասյանի դեմ հարուցվեց էր քր. գործ: Նկատենք նաեւ, որ Ա. Թումասյաի կողմից իրականացված զազրելի արշավին տվել էին գնահատականներ եւ՛ Գայանե Զարգարյանը, եւ՛ քաղաքագետ Գագիկ Համբարյանը, որից հետո էլ Թումասյանը շտապել էր ՀՀ ոստիկանություն` նրանց կողմից տրված գնահատականների հետ կապված: Սակայն, Ա. Թումասյամի հաղորդումը Երեւանի Ոստիկանության բաժնում` նախաքննության ընթացքում մերժվել էր իրավապաների կողմից: Եվ ահա այսօր տեղեկացանք, որ Շիրակում ուշագրավ գործընթաց է տեղի ունենում, ինչին դեռ կանդրադառնանք:

Հ. Գ

Ի դեպ Կումայրի բաժնի պետ Արամ Ղարիբյանն էլ, մեր հարցին թե ինչո՞վ է պայմանավորված այն հանգամանքը , որ պարոն Համբարյանին չեն հրավիրել նախաքննական մարմին եւ, ըստ էության առանց ոչ լրիվ քննություն տանելու հարուցել են քր. գործ, Ա. Ղարիբյանը մեզ հետ զրույցում թերեւս խուսափեց հարցին հստակ պատասխան տալուց, ասելով որ չի կարող մեր հարցադրմանը պատասխանել, եւ որ ճիշտ կլինի այդ հարցադրումները ուղղվեն՝ կոնկրետ 02-ին:

ՆՈՆԱ ԱԴԱՄՅԱՆ 

NewsMedia.am 

Լուրեր  Հայաստանից եւ Աշխարհից