Բարեկամները ահազանգում են.Մահակով եւ հակագազով ցուցմունք կորզելու Տեսանյութի հիման վրա հարուցված քրեական գործի հետքերով.դատապարտյալը առողջական լուրջ խնդիրներ ունի

NewsMedia.am-ի զրուցակիցն է (Սկանդալային հայտնին Տեսանյութի՝մահակով եւ հակագազով խոշտանգման ենթարկված տղամարդու) Արմեն Մարտիրոսյանի բարեկամուհի Մերի Գրիգորյանը:

-Հարգելի Մերի, ինչպիսի զարգացումներ կան խոշտանգման հայտնի Տեսանյութի հրապարակումից հետո (այսպես ասած՝մինչ օրս): Որքանով որ տեղյակ եմ, սկանդալային այդ գործի հետ կապված պարբերաբար հետաձգվում են դատական նիստերը:Ըստ Ձեզ, ինչու. ո՞րն է պատճառը:

-Անկեղծ ասած՝ դատական նիստերը հետաձգվում են բազմապիսի պատճառներով., եւ այս ձգձգումները հաստատապես ոչ մի լավ բանի չեն հանգեցնի։ Սպասում ենք հաջորդ նիստին։

-Ինչպե՞ս է Ձեր զարմիկի՝ դատապարտյալ Արմեն Մարտիրոսյանի առողջական վիճակը ։ NewsMedia.am-ը նրա առողջական վիճակի մասին մեկ անգամ չէ որ բարձարձայնել է՝հրավիրելով պատկան մարմինների ուշադրությունը:

- Այս առումով խիստ տարակուսանքի մեջ ենք, որ ՀՀ ոստիկանների կողմից, այսինքն՝ ՀՀ պետության կողմից տարիներ առաջ խոշտանգված քաղաքացին հումանիստական ու իրավական վերաբերմունքի չի արժանանում ներկա պահին։ Ներկայումս Ա․ Մարտիրոսյանի առողջական վիճակը բավարար չէ, գանգատներ կան սրտի, շնչառության հետ կապված, որոնք ուղիղ արդյունքն են այն բանի, որ նա տարիներ առաջ ոստիկանների կողմից խոշտանգման է ենթարկվել Արաբկիրի ոստիկանական բաժանմունքում։

Հետեւաբար, խնդրում եմ Արմավիրի ՔԿՀ - ի գլխավոր բժիշկ Գեւորգ Գեժոյանին առանձնակի ուշադրության կենտրոնում պահել՝ տարիներ առաջ, օրենքի ուժով խիստ անարդարացիորեն դատապարտված, պետության կողմից խաշտանգված քաղաքացու առողջությանը, ընդառաջել նրան ու բուժ.օգնություն ցուցաբերել գոնե Արմավիր ՔԿՀ -ի հիվանդանոցում։ Մեր՝ նրա բարեկամների այս խնդրանքը մի մեծ բան չէ, հատկապես այն դեպքում ,երբ հիմա, ներկա իշխանությունները փորձում են վերականգնել Հայաստանի Հանրապետության անունը՝ որպես արդարադատ երկիր. միջազգային իրավական արենայում։

Հիշեցնենք՝ 2019 թ. NewsMedia.am էլ օրաթերթը հրապարկել էր . «Հայրենի ոստիկանները մահակով ու հակագազով ցուցմունք են կորզում» վերտառությամբ մի տեսանյութ, որում երեւում էր, թե ինչպես են մի քանի հոգի բռնություն գործադրում քաղաքացու նկատմամբ: Տեսանյութի հիման վրա ՀՔԾ-ում հարուցվեց քրեական գործ ՀՀ ՔՕ-ի 309-րդ հոդվածի 2-րդ մասով (պաշտոնեական լիազորություններն անցնելը, որը զուգորդվել է բռնություն գործադրելով)։ Նույն հոդվածով մեղադրանք առաջադրվեց ՀՀ ոստիկանության Երեւան քաղաքի վարչության Արաբկիրի բաժնի քրեական հետախուզության բաժանմունքի նախկին պետ Վաչագան Ներսիսյանին եւ նույն բաժնի նախկին ավագ օպերլիազոր Նարեկ Սիմոնյանին, որը այժմ Ճամբարակի բաժնի պետն է, նրա լիազորությունները կասեցված են: Նախաքննության ընթացքում պարզվեց նաեւ ենթադրյալ բռնության ենթարկված անձի ինքնությունը, որը ճանաչվեց տուժող։ Նշենք, որ երկու մեղադրյալների վերաբերյալ գործի նախաքննությունը ավարտվել է.իսկ գործն ուղարկվել էր դատարան, եւ մակագրվել Երեւանի ընդհանուր իրավասության դատարանի Ավան եւ Նոր Նորք նստավայրի դատավոր Վարդան Լ. Գրիգորյանին:

ԽՈՇՏԱՆԳՄԱՆ ՀԱՅՏՆԻ ՏԵՍԱՆՅՈՒԹԸ՝ԱՅՍՏԵՂ