22 կիլոմետր կառուցում է Ադրբեջանը, 10 կիլոմետրը Հայաստանը․ ԱՀ քաղաքաշինության նախարարը մանրամասներ է հայտնում այլընտրանքային ճանապարհի կառուցման վերաբերյալ

Ովքեր են կառուցում այս պահին Բերձորը շրջանցող այլընտրանքային ճանապարհը, ինչ ընթացքի մեջ է ճանապարհի կառուցումը, եւ թե ում է հասել ճանապարհի կառուցման առյուծի բաժինը,  Newsmedia.am-ը  հետաքրքրվել ԱՀ Քաղաքաշինության նախարար ԱՐԱՄ ՍԱՐԳՍՅԱՆԻՑ, ով նախ նկատեց․

-Եռակողմ համաձայնագրի շրջանակներում ճանապարհի մի մասը պետք է կառուցվի Ադրբեջանի, մի մասը Հայաստանի Հանրապետության միջոցներով: Արցախի Հանրապետության քաղաքաշինության նախարարությունը ոչ մի առնչություն չունի նշված ճանապարհի կառուցման հետ:

-Այսիքն ամբողջությամբ Հայաստանի Հանրապետությունն է ներգրավված կառուցման աշատանքներին։

-Այո, բայց մեր մասնագետները այցելում են շինհրապարակներ, տեղում ծանոթանում աշխատանքներին, եթե խնդիրներ լինում են՝ ադ խնդիրները գրավոր մենք բարձրաձայնում ենք ռուս խաղաղապահների միջոցով:

Հայաստանի Հանրապետությունն իր տարածքում  է կառուցում, Ադրբեջանինը`  Արցախի տարածքում: 22 կիլոմետր կառուցում է Ադրբեջանը, 10  կիլոմետրը Հայաստանը: