ԱՀԱԶԱՆԳ.«Չեք նեղանա չէ՞, որ Ձեզ զրկենք հաշմանդամության կարգից». Ինչպես է բժշկասոցիալական հանձնաժողովը խնդիրներ ունեցող անձին զրկում կարգից

Newsmedia.am-ը շարունակում է բարձրաձայնել եւ հանրային քննարկման ներկայացնել հասարակության ամենատարբեր շերտերին առնչվող ինչպես իրավական, այնպես էլ սոցիալական բազմաբնույթ խնդրահարույց հարցեր` հրավիրելով համապատասխան գերատեսչությունների ուշադրությունը...

Հերթական անգամ, անտերապետության մեջ վխտացող անարդարությանն է բախվել Արմավիրի մարզի Նորակերտ համայնքի 60-ամյա բնակիչ Արա Առաքելյանը, ում անհիմն, ընդամենը «Չեք նեղանա չէ՞, որ Ձեզ զրկենք հաշմանդամության կարգից» պարզունակ պատճառաբանությամբ զրկել են հաշմանդամության կարգից:

Եւ ինչպես մեր խմբագրությանը ահազանգած քաղաքացին է պատմում.

-Այս տարի մարտ ամսին անցել եմ բժշկասոցիալական փորձաքննություն, եւ ձեռք բերել հաշմանդամության կարգ: Բժշկասոցիալական փորձաքննությունը հաստատեց, որ սրտիս աշխատանքը ընդամենը 35 տոկոս է: Ապրիլից մինչեւ այս ամսվա հոկտեմբեր ամիսը ստացել եմ հաշմանդամության թոշակ: Հոկտեմբերի 20-ին, սակայն ինձ զանգ եկավ, որ հոկտեմբերի 28-ին ներկայանամ Բժշկասոցիալական փորձաքննության հանձնաժողով վերափորձաքննական հնաձանժողովի: Բնականաբար, ներկայացել եմ` չափեցին ճնշումս, թոքերս ստուգեցին, ոտքերս նայեցին, մի քանի րոպե հետո ինձ փորձաքննության հանձնաժողովի անդամը ասում է. «Որ Ձեզ կարգից զրկենք` կնեղանա՞ք, թե՞ չէ», պատասխանեցի, որ բնականաբար կնեղանամ: Ու կտրեցին. հարցրեցի` ես իրավունք ունե՞մ բողոքարկելու` ասացին, այո: Ես բողոքարկեցի, գնացի Աշխատանքի եւ սոցիալական հարցերի նախարարություն, ինձ ասացին մեկ ամսվա մեջ կստանաք բողոքարկման պատասխանը, հուշելով, որ կարող եմ նաեւ դատարան դիմել: Բայց մինչ օրս՝ որեւէ պատասխան չունեմ համապատսխան գերատեսչությունից:

Ի դեպ, մեր զրուցակիցը հաշմանդամության կարգից զրկվելուց առաջ, հարցրել է այդ նույն հանձնաժողով կոչվածին, թե արդյո՞ք նա արդեն առողջ է, եւ որ արդյո՞ք իրեն կարող են պաշտոնապես տրամադրել համապատասխան եզրակացություն, որը կհաստատի քաղաքացու առողջ լինելու փաստը.

-Ասացի, դե այդ դեպքում ինձ թուղթ տվեք, որ ես առողջ եմ, որ կարող եմ աշխատել, ասացին, ոչ Ձեզ առողջ լինելու վերաբերյալ թուղթ՝ չենք կարող տրամադրել, քանի որ դուք ծանրություն չեք կարող վերցնել, ունեք սրտի հետ կապված խնդիրներ եւ այլն, բայց, կներեք պետք ա զրկենք Ձեզ կարգից: Հիմա իմ պահանջն այն է, որ ինձ հիմնավորեն, թե ինչ կետի հիման վրա են ինձ զրկել երրրորդ կարգի հաշմանդամության կարգից:

Հ. Գ

Միայն ՀՀ-ում տիրող անտերապետության ու բարդակի պայմաններում է, որ կարող ենք նման խնդրի բախվել, եւ երիցս համոզվել, որ այս իշխանությունների համար եւս՝ քաղաքացին այսպես ասած՝ արժեք չէ:Ավելին, միայն մեր երկրում է, որ իշխանականները խելքից դուրս պարգեւավճարներ պիտի ստանան՝ իսկ քաղաքացին պետք է մնա իր խնդիրների դեմ հանդիման, եւ միայն մեր երկրում է, որ առողջապահության նախարարություն կոչվածը՝ ավելի շատ զբաղված է «թիթեռ նկարելով», քան իր բուն գործառույթները իրականացնելով:
Իսկ թե տվյալ դեպքում, ի՞նչ հիմքով, ի՞նչ պայմաններում, եւ օրենքի որ տառին համապատասխան է որոշումներ կայացրել Բժշկասոցիալական փորձաքննության հանձնաժողովը, եւ թե ինչո՞ւ է որոշել «սարերի օրենքով» կոնկրետ հաշմանդամության աստիճան ունեցող քաղաքացուն զրկել կարգից՝կանդրադառնանք հաջորդիվ: Իսկ մինչ այդ հրավիրում ենք պատկան կառույցների, այդ թվում նաեւ կառավարություն կոչվածի ուշադրությունը՝ ՀՀ քաղաքացու հաշմանդամության կարգի շուրջ բարձրացված հարցը վերանայելու, եւ պատշաճ ու արդարացի որոշում կայացնելու համար:
Ստորեւ ներկայացնում ենք փաստը, թե առողջական ինչ խնդիրներ ունի քաղաքացին, ում զրկել են հաշմադամության կարգից.