Երևանում ոստիկանության Շենգավիթի բաժնի դիմաց՝ նախ Mercedes-ով, ապա ГАЗель-ով կրկնակի վրաերթի է ենթարկվել նույն բաժնի քրեական հետախուզության օպեր լիազորը

Երեկ՝ նոյեմբերի 30-ին, վրաերթ է տեղի ունեցել Երևանում։ Ժամը 21։40-ի սահմաններում Երևանի բնակիչ 29-ամյա Էդիկ Զ․-ն իր վարած Mercedes մակնիշի ավտոմեքենայով Գարեգին Նժդեհ փողոցում, ոստիկանության Շենգավիթի բաժնի դիմաց վրաերթի է ենթարկել հետիոտն՝ Արարատի մարզի բնակիչ 26-ամյա Նարեկ Մ․-ին, որից հետո Արմավիրի մարզի բնակիչ 44-ամյա Գևորգ Մ․-ն իր վարած ГАЗель մակնիշի ավտոմեքենայով կրկնակի վրաերթի է ենթարկել Նարեկ Մ․-ին։

Ինչպես հայտնում է shamshyan.com-ը, վարերթի ենթարկվածը մարմնական վնասվածքներով տեղափոխվել է «Էրեբունի» բժշկական կենտրոն։

Shamshyan.com-ի տեղեկություններով՝ վրաերթի ենթարկված Նարեկ Մ․-ն աշխատում է ոստիկանության Շանգավիթի բաժնի քրեական հետախուզության բաժանմունքում որպես օպեր լիազոր։