ՏԵՍԱՆՅՈՒԹ. Փաստորեն մարդը ողջ-առողջ մտել է Նիկոլի «բարեփոխած « ոստիկանական բաժին եւ հաշմանդամ դուրս է եկել այդ «սպանդանոցից»

Անհամբեր սպասում եմ՝ ՊԱՏԿԱՆ ԿՈՉՎԱԾՆԵՐԻ արձագանքին ՝ ՈՍՏԻԿԱՆԻ ՄՈՒՆԴԻՐԻ ՏԱԿ ԹԱՔՆՎԱԾ ԲՈՐԵՆԻՆԵՐԻ գազանաբարո գործողությունների ու «ՄՈՐԹԻ» առթիվ
Խոշտանգումները անշուշտ պետք է կանխարգելվեն, իսկ դրա լավագույն բանաձեւն այն է, որ խոշտանգող անձնավորությունը պետք է իր պատիժը կրի ամբողջությամբ։
Բայց արդյո՞ք Հայաստանում երբեւէ գործել է պատժի կրման մեխանիզմը: Իհարկե՝ոչ:
Հայաստանում խոշտանգման բացարձակ արգելքը սահմանված է ինչպես երկրի գլխավոր օրենքով՝ Սահմանադրությամբ, ըստ որի ոչ ոք չի կարող ենթարկվել խոշտանգման, անմարդկային կամ նվաստացնող վերաբերմունքի կամ պատժի, այնպես էլ Հայաստանի կողմից վավերացված միջազգային կոնվենցիաներով՝ մասնավորապես ՄԱԿ-ի` Խոշտանգումների և դաժան, անմարդկային կամ արժանապատվությունը նվաստացնող վերաբերմունքի ու պատժի այլ ձևերի դեմ կոնվենցիայով, ինչպես նաև Եվրոպայի Խորհրդի` Մարդու իրավունքների և հիմնարար ազատությունների պաշտպանության մասին կոնվենցիայով, որի 3-րդ հոդվածը սահմանում է Խոշտանգումների արգելքը:
Սակայն փաստը մնում է փաստ, որ ՀՀ-ում մասնավորապես իրավապահ կառույցների «մարդակեր գանգստերները»՝ իրենց վարքաբանությամբ ու գործելաոճով շարունակում են ջանասիրաբար «խաչ քաշել» սեփական երկրի սահմադրության ու մարդու իրավունքների ինստիտուտի վրա՝թքած ունենալով այն կարեւորագույն հանգամանքի վրա, որ մարդու իրավունքների պաշտպանության ոլորտում միասնական, և համակարգված քաղաքականության իրականացումն է այն կարևորագույն գործիքը, որն օգտագործվում է ժողովրդավարական պետության կողմից` ոլորտում իր ունեցած պարտավորությունները կատարելու նպատակով նախ եւ առաջ:
Ժամեր առաջ, հայ հասարակությունը եւս մեկ անգամ առերեսվեց հայրենի իրավապահների կողմից իրականացված մի «սամասուդի», խոշտանգման դեպքի հետ… ինչի մասին ահազանգել էր փաստաբան Ս. Ռաֆայելյանը (խոսքս Չարենցավանի ոստիականության բաժնում տեղի ունեցածի մասին է ) երբ պագոնավորների ոհմակը՝ .«ՄՍԱՂԱՑԻ ՏԱԿ էր ԳՑԵԼ» ՀՀ ՇԱՐՔԱՅԻՆ ՔԱՂԱՔԱՑՈՒՆ:

Անհամբեր սպասում եմ՝ պատկանների՝ ՀՀ Գլխավոր Դատախազության, ԱԱԾ-ի, «ԳՈՇԻ»…ՍԱՍՈՒՆԻ ՀԻՄՆԱՐԿԻ արձագանքի եւ իրավական գնահատականին՝ այս գազանաբարո գործողությունների եւ բորենիների այս որջի «մարդակերության» առթիվ:
Սա է Նիկոլի ժողովրդավարության բաստիոնը, սա է նիկոլի միֆապետության եւ անտերապետության դեմքը , սա է իրավական վախկանալիայի վերջը: Հրեշավոր ձեռագիր, որ բնորոշ է բոլոր տիպի իշխանությունների օրոք ուսադիր տակ թաքնված բազում հանցագործների…
Եւ ի դեպ. ԳՈՇԻ ՀԻՄՆԱՐԿԸ պարտավոր է բազմակողմանի, լրիվ եւ օբյեկտիվ քննություն իրականացնելու, ինչպես նաեւ հավաքագրելու անհրաժեշտ ապացույցները՝ պարզելու թե օրինակ քանի ոստիկան է այդ «ջարդի» ընթացքում հայտնվել դիտորդի դերում…
Քանզի ուսադիրները հարգող ցանկացած ոստիկան, տվյալ իրավիճակում ոչ միայն պետք է կանխեր տեղի ունեցող հանցագործությունը, այլ նաեւ առաջին իսկ վայրկյանից պետք էր կանչ տալ համապատասխան ստորաբաժանմանը՝ նախ եւ առաջ վնասազերծելու եւ ձեռնաշղթաներ հագցնելու ոստիկանի մունդիրի տակ թաքնված ու ծպտված իրական հանցագործներին ու բանդիտներին:

Գայանե  Զարգարյան