6 տարի առաջ այս օրը Ադամը պիտի զորացրվեր, բայց... 20 րոպե հրետանակոծությունից ու 5 ժամ թշնամու հետ դեմ առ դեմ մարտից հետո Ադամի վերջին խոսքերն են.մենակ եմ մնացել, տղերքը զոհվել են, փամփուշտ չունեմ, դրանք արդեն դիրք են լցվել, ինձ օգնություն պետք չի, առաջխաղացումը կասեցրեք...

6 տարի առաջ այս օրը Ադամը պիտի զորացրվեր, բայց...
20 րոպե հրետանակոծությունից ու 5 ժամ թշնամու հետ դեմ առ դեմ մարտից հետո Ադամի վերջին խոսքերն են.
- մենակ եմ մնացել, տղերքը զոհվել են, փամփուշտ չունեմ, դրանք արդեն դիրք են լցվել, ինձ օգնություն պետք չի, առաջխաղացումը կասեցրեք...
Էլի ա բաներ ասել, որոնք գրելու ու բարձրաձայնելու չեն (արական միջավայրի պատմելիք են) ու ինչ որ ասել ա ասել ա առանց նշանաբառի՝ իր անունով ներկայանալով, ասել ա հստակ ու չդողացող ձայնով, ասել ա տղամարդու պես...
Եթե սրա մասին մեզ պատմեին մեկը կամ երկուսը գուցե մտածելու տեղ մնար, որ մի բան ավել են պատմում, մի գրամ ավել են հերոսացնում, որ հպարտությունը գոնե մխիթարություն բերի, բայց սրա մասին պատմում են տարբեր դիրքերից ռադիոկապով ամբողջ ընթացքում ամեն ինչ լսած տարբեր մարդիկ, որ իրար չեն ճանաչում...
Մարդ, ով ողջ ու առանց զենքի կանգնած ա զինված հատուկ ջոկատայինների դեմ ասում ա "ինձ օգնություն պետք չի, չթողեք առաջ գան..." ու թքած ունի իրա հետ ինչ կանեն, ասենք գերի կտանեն իրա բոլոր հետևանքներով, տանջամահ կանեն, կխոշտանգեն, թե բարի կգտնվեն կսպանեն... Ադամը զոհվել ա ծանր հրազենային վնասվածքներից, 20 գնդակ մարմնին, որոնցից երեքը գլխի ու դեմքի հատվածում... "կատաղության ու սրտահովանքի" 20 գնդակ նրանց կողմից, որոնց 5 ժամ ստիպել ա կռվել հակառակ իրենց պատկերացրած ու գծած պլանի՝ կայծակնային պատերազմի...