Պատերազմ է սկսվելու, մեծ կոտորած, էս ազգը լավ ծեծվելուց հետո է միայ ուշքի գալիս, դա, ցավոք, պատմությունն է ապացուցել.Արկադի Կարապետյանը (Ագո)

«Թշնամուն կարող է զսպել միայն մեր բանակը, ո՛չ միջազգային կառույցներ, ո՛չ միջազգային հանրություն, ո՛չ ամեն օր սնկի պես աճող կուսակցություններ ու կուսակցապետեր, դրանք բոլորը մեկը մյուսին պաս տալով մեր հայրենիքի ճակատագիրն են որոշում: Ասել եմ ու կասեմ, մեր ուժը մեր մեջ է, ուրիշ փրկվելու տարբերակ չկա, չեն գալու փրկիչներ եւ ո՛չ մի երկրից, հենց հայ ազգը այս գաղափարը հասկանա, հենց այդ օրնէլ կսկսի մեր փրկության ճանապարհը»,-«Իրավունքի» հետ զրույցում ասաց Արցախի ինքնապաշտպանության ուժերի առաջին հրամանատար, գնդապետ Արկադի Կարապետյանը (Ագո), ընդգծելով.

-Նժդեհն ասել է, որ եթե ուզում ես հաղթանակես, քո հոգու մեջ պետք է հաղթանակի տաճարը կառուցես, այսինքն դու հոգով, մտքով այդ ամե ինչը պետք է պատկերացնես ու դա աշխատում է, բերում է այդ աստիճանի պատրաստության եւ այլն: Հիմա Արցախի ժողովուրդը պետք է դրան հասնի, իր հոգու մեջ հաղթանակի տաճարը կառուցի եւ առանց որեւէ մեկի հաղթելու են, դա մեկ: Բայց դա վերաբերում է նաեւ Հայաստանին, ինչ որ Արցախում կատարվում է, դա Հայաստանի ապագան է: Ադրբեջանը էլի եմ ասում, ընդամենը գործիք է, Ադրբեջանը չի անում ու հաղթանակի մեր գրավականը դա է, մենք մեր հոգու մեջ պետք է հաղթանակի տաճարը կառուցենք:

Ո՛չ իշխանությունը, ո՛չ ընդդիմությունը ոնց որ պետք է Արցախով չեն զբաղվում, նույնիսկ շեշտադրումներն են սխալ: Պայքարի շեշտադրումները պետք է ճիշտ դրվեն: Մենք որ Հայաստանի հետ միացած լինեինք, սա լիներ Հայաստան լրիվ, մենք այդտեղ որեւէ խնդիր չէինք ունենա, այդտեղ մեզ լավ խաբել են, հենց առաջինը Լեւոն Տեր- Պետրոսյանը, որ չընդունեց այդ գաղափարը իր թիմով: Ասում են` բանակցեք, պարտված մարդը ի՞նչ պետք է բանակցի, եթե նրա հետ չեն ցանկանում բանակցել:

-Պարոն Կարապետյան, ասում եք մենք մեր ուժի վրա հոևյսներս պետք է դնենք, բայց մեր ուժ մնացե՞լ է:

-էնքան, որ չեք էլ պատկերացնում: Հիմա կասեք բա ո՞ւր է, ասեմ, որովհետեւ մենակ դրսից չեն քանդում, ներսից էլ են քանդում հայ ազգին, հենց նույն տարատեսակ կուսակցությունները, օտար արժեքները եւ այլն:

Ես պատասխանատու հայտարարում եմ, հենց ստորագրվի խաղաղության պայմանագիրը` պատերազմ է սկսվելու, մեծ կոտորած ոչ միայն Արցախում, այլ ամբողջ Հայաստանում: Էս ազգին գլխին մինչեւ լավ չես տալիս` չի հասկանում:

-44-օրյա պատերազմից վեր էլ ի՞նչ պետք է լինի, որ հասկանանք:

-Լավ հարց տվեցիք, որովհետեւ մենք ասում են 44-օրյա, քառօրյա, ա՛յ հենց էդա խնդիրը, դա էլ հատուկ ծրագիր, դրա համար էլ էս օրին ենք: Դա ոչ թե օրերով պատերազմ էր, այլ հայրենական պատերազմ, գոյության պայքար, բայց ոչ քառօրյա, 44-օրյա, դրա համար էլ մարդիկ ասում` հանուն ոչնչի: Ա՛յ դրա համար էլ դաս չի քաղել ժողովուրդը:

ԻԼՈՆԱ ԱԶԱՐՅԱՆ

մանրամասները ՝IRAVUNK.com-ում: